A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

adentiàe, adentiài addenticàre

adereciàre, aderessài, aderetzài, aderetzàri adaretzài

aderétzu , nm: areréciu Definition su aderetzare: prus che àteru si narat po cosa o trastu chi serbit a finire o a cuncordare bene unu trebballu, un'òpera (o fintzes sa persona), trastu / aderetzu de domu = traste de domo; aderetzus de cadhu, de cóciu = finimentos de su cadhu, de su carru; aderetzus de fémina = oraria, prendhas; aderetzu de terra = cuncàmbia, terra chi si faghet a cambiapare Synonyms e antonyms acónciu / finimentu / aina, traste 3. teniaus unu bàsciu po mangasinu e un'àteru po allogae is aderetzos de trabballu (giuale, nariles, travas, aràdulu) Surnames and Proverbs prb: acabbu e cumentzu non tenint aderetzu Etymon spn. aderezo.

adesívu , agt, nm Definition chi o cosa chi apicigat, chi portat colla Synonyms e antonyms apicigosu, apodhosu.

àdha , prn Definition àteru, de prus Synonyms e antonyms barda Sentences - Cussu isceti? - Eh, cussu e adha! ◊ mi as fatu arrennegai oi e adha.

adhadhài , avb Definition logu atesu de chie est foedhandho Synonyms e antonyms adhae, cudhane, igudhei, iloi, incudhani, inea, inella, inelo Sentences cussa domu adhadhai est sa mia Etymon srd.

adhadòre , nm Definition sa conca de su fusu Etymon srd. Translations French fuseau English spindle Spanish hueca del huso Italian còcca del fuso German Spindel.

adhàe , avb, prep: adhane, adhai Definition logu atesu de chie est foedhandho, a s'àtera parte (ctr. ainche) Synonyms e antonyms adhàeche, adhei, adhia 1, cudhia / atesu Sentences tia cherrer bolare adhae adhae! ◊ so campanaju de sa turre e mandho adhae su sonu (F.Sechi)◊ como totu mi timent che a sa runza e si mi bient che ródiant adhane! ◊ sos faros de sas màchinas che lampant sa lughe adhae 2. ch'est adhae de riu ◊ colpat su matzucu a sa tzega adhae de letu ◊ mi so pompiandhe addananti e adha'e segus Etymon ltn. illac Translations French là English there Spanish allí, allá Italian là German dort.

adhàeche , avb Definition adhae + che: atesu Synonyms e antonyms adhae / miche!, millichelu! Sentences bido istrampos e montes adhàeche 2. in sa làcana, adhàeche élighes e chessas! Etymon srd. Translations French loin English far away Spanish lejos Italian lontano German weit.

adhaeríu , avb Definition a s'àtera parte de s'erriu, a cudh'ala de riu Etymon srd.

adhài adhàe

adhajólu , nm: adhaolu Definition aina po imbodhigare su filu in su cannedhu de pònnere in s'ispola; cannita ue s'imbodhigat su filu de s'ispola de su telàrgiu Synonyms e antonyms faegannedhos, ispoladore Etymon srd.

adhàne adhàe

adhaólu adhajólu

àdhara , nf: gàdhara* Synonyms e antonyms cadhajoni, dhàdhara, ghiritoni, gradhajone, ladhagione, làdhara.

adhéi, adhéni , avb, prep Definition atesu, a s'àtera bandha de… Synonyms e antonyms adhae, atesu Sentences sa domu de Luisicu est s'úrtima de sa bia e de sa bidha: prus adhei is ortus e is argiolas ◊ sa die fiat andhandhosiche e adhei si bidiat su igumarras e faiat fritu ◊ tia Nannedha faiat un'ortu adheni e andhaiat a dhu trabballare gasi dónnia die 2. iat lassau su logu suu e fut andau peri is partis de un'atra bidha, adheni de su frúmini ◊ no est meda adhei de innòi ◊ dèu no podia andai ne prus adhei e ne insegus Translations French loin English far away Spanish lejos Italian lontano German weit.

adheriósu , agt Definition chi tenet o portat sèmpere adhériu, presse meda, est sèmpere impressiu Synonyms e antonyms franedigosu, furighedhosu, pressosu, schinitzosu | ctr. immajonadu, prodhincu Scientific Terminology ntl.

adhériu , nm Definition sa tropu presse Synonyms e antonyms franédiga, furighedha, furighíngiu, schinitzu Sentences Pedru meu, trobéilu s'adhériu, pòneli trava, abbilandra e acamu!

adhià Definition its Sentences no che aiat passadu mancu una chida chi adhià su marisciallu che giughet una carta de bullu cun sa tzita a sa giustíssia.

adhía 1 , prep, nf Definition a s'àtera parte de…, a cudh'ala de…, prus atesu de…; s'àtera parte, apalas de… Synonyms e antonyms adhae, asegus, avatu Sentences s'ortu miu est adhia de s'istrada ◊ mi as agatadu adhia de is làcanas ◊ is ferrus de pudai funt in su tascapani adhia de sa porta ◊ ita fiast ascurtendi adhia de sa porta?! ◊ in sa becesa puru, adhia de aundi s'istrantaxat sa làcana de is bisus, apubu ancora is bellesas chi mi ant donau allirghia 2. bivu s'úrtimu bisu téndiu a s'adhia de sa làcana de is bisus Translations French au-delà de…, de l'autre côté de… English further Spanish más allá, allende Italian óltre, di là da… German weit, jenseits.