A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

afúrriu , nm: fúrriu* Definition su logu a inghíriu, is logos de acanta.

afurrungonài afurringonài

afuruncài , vrb Definition fàghere su furuncu, furare Synonyms e antonyms arraspinzare, frunciare, furanciulai, aungrare Etymon srd.

afusàda , nf Synonyms e antonyms abbusinada, afusigada, afusigonada, afuscu Etymon srd.

afusadòre , agt, nm Definition chi o chie costumat a istare afusendhe, ponendho cunfusione, avolotu, tréulu de cumportamentos Synonyms e antonyms afuseri, mintapare, missimpari, tragalleri Etymon srd.

afusadúra , nf Definition su afusare Etymon srd.

afusàre , vrb Definition istare naendho e ponendho cunfusione, fintzes chentza cumprèndhere bene; fàere che unu fusu, téteru che fuste, mòrrere Synonyms e antonyms fusigare, mummutai, tragagiai / abbusinare, afusigonare Sentences in cussa, totus si afusant, tzertos abbóchinant e iscacàgliant, àteros briant 2. timo sa note, timo s'iscuricore fritu chi mi afusat su coro (F.Satta) Etymon srd.

afusàu , pps, agt Definition de afusare; chi tenet unu fàere impressiu e timorosu, preocupau Synonyms e antonyms afaltadu 2. su dutore fit zovanedhu, essidu pagu tempus dae s'universidade, totu afusau ◊ birgonzosu, afusau che póveru pidore, s'istranzu mi at tochedhau sa zanna ◊ sa mente afusada si afrodhat in tristos fundhacos de fele ◊ duas pessones afusatas che ant cuatu cosa furata in d-unu craticale de chessa Translations French cunfus, embarrassé English confused Spanish confuso, molesto Italian confuso, imbarazzato German verwirrt.

afuscài , vrb Definition fàere o essire prus iscurosu, de si bíere prus pagu Synonyms e antonyms imbelare, impannare, inchelare, infuscai, intelai Etymon srd.

afuscàre , vrb Definition pònnere oriolu, pistighíngiu, pentzamentu Synonyms e antonyms ifadare insudhire Sentences pro unu mamentedhu punnaia de bos afuscare chin custu contu Etymon srd.

afuscàtu , pps, agt Definition de afuscare; chi est in pentzamentu Synonyms e antonyms apensamentau, apinnicadu, orioladu, pistichinzosu | ctr. trancuillu.

afúscu , nm: afusu Definition murigu chentza órdine, trummentu, mancamentu de cuncórdia, fintzes axiu, pentzamentu / andhare o mandhare a s'afusa = mandai o andai a cudhu logu, a pasci cocas, innoromala Synonyms e antonyms abbolotu / afusada, disacórdiu / barrancu, cimbella, pedine Sentences in totu cust'afuscu de sa festa carchiunu si nche prischiaiat carchi cosa ◊ za est pacu s'afusu chi zuches!… 2. biviant chene anneos, chene s'afuscu de si colare male sa vetzesa ◊ sos afusos de sa gherra fint reséssios a fàchere irmenticare sa dirgràssia ◊ sos contos s'iscrient pro irmenticare afuscos e anneos ◊ su dolu li prenaiat sa conca de afusu 3. ma chi andhet a s'afusa, chi no ndhe chelzo mancu intèndhere prus! Surnames and Proverbs prb: si rinnat s'afusu no si carrant contones! Etymon srd. Translations French confusion English confusion Spanish confusión, trasiego Italian confusióne, trambusto, imbarazzo German Verwirrung.

afuséri , nm: fuseri Definition chie costumat a pònnere afusos Synonyms e antonyms afusadore, contulàgliu, fatitàgiu, mintapare, missimpari, scuceri, tragalleri Etymon srd.

afusigàda , nf Definition inteterada che fusu po morte, su mòrrere Synonyms e antonyms abbusinada, afusada, afusigonada Sentences at fatu s'afusigada ◊ "Ischídadi, mà!" ti naraia, e tue no rispondhias: fit s'última afusigada Etymon srd.

afusigonàda , nf Synonyms e antonyms abbusinada, afusada, afusigada Etymon srd.

afusigonàre , vrb Definition fàere s'afusigada, inteterighedhare morindhosi Synonyms e antonyms abbusinare, afusare, mòrrere Sentences si ch'est afusigonadu Etymon srd.

afussàdu , agt Definition chi est agiagarau male, meda, trumbuscadu: afusadu (de afusare)? In Orune sa /s/ ‘sonora’ che dha fúrriant meda a ‘surda’ (pessare = pesare, porossu = porosu, issetare = isetare, pressorju = presorju, e àteros deosi) Sentences chie contat s'ispreu de canes, procos, gatos afussados, sichinne galu a s'apellare a Deu, intennet chi duos n'ant intoladu (M.Gattu Soddu).

afussiòne , nf Definition festa, festa nodia (Pasca manna, Annunou, Mesaustu e àteras), festa chi torrat cad'annu Sentences no ti apo onorau in sas afussiones ◊ sos zovanedhos colant passizandhe a prufessones, a sas afussiones bient e ballant a tropas (L.Loi)◊ a sas afussiones a gustare nos daiant coconedha e casadina ◊ sas carvas po s'afussione abbundhantes incunzas nos promintent Translations French fête English festivity Spanish fiesta Italian ricorrènza German Feiertag.

afusticàre , vrb Definition iscúdere, atripare a fuste Synonyms e antonyms ammatzocai.

afustigàdu , agt Definition atripau a fuste; fintzes chi est malu a cumbínchere, malu a furriare de s'idea sua Synonyms e antonyms fusticau Etymon srd.