A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

afúrriu , nm: fúrriu* Definizione su logu a inghíriu, is logos de acanta.

afurrungonài afurringonài

afuruncài , vrb Definizione fàghere su furuncu, furare Sinonimi e contrari arraspinzare, frunciare, furanciulai, aungrare Etimo srd.

afusàda , nf Sinonimi e contrari abbusinada, afusigada, afusigonada, afuscu Etimo srd.

afusadòre , agt, nm Definizione chi o chie costumat a istare afusendhe, ponendho cunfusione, avolotu, tréulu de cumportamentos Sinonimi e contrari afuseri, mintapare, missimpari, tragalleri Etimo srd.

afusadúra , nf Definizione su afusare Etimo srd.

afusàre , vrb Definizione istare naendho e ponendho cunfusione, fintzes chentza cumprèndhere bene; fàere che unu fusu, téteru che fuste, mòrrere Sinonimi e contrari fusigare, mummutai, tragagiai / abbusinare, afusigonare Frasi in cussa, totus si afusant, tzertos abbóchinant e iscacàgliant, àteros briant 2. timo sa note, timo s'iscuricore fritu chi mi afusat su coro (F.Satta) Etimo srd.

afusàu , pps, agt Definizione de afusare; chi tenet unu fàere impressiu e timorosu, preocupau Sinonimi e contrari afaltadu 2. su dutore fit zovanedhu, essidu pagu tempus dae s'universidade, totu afusau ◊ birgonzosu, afusau che póveru pidore, s'istranzu mi at tochedhau sa zanna ◊ sa mente afusada si afrodhat in tristos fundhacos de fele ◊ duas pessones afusatas che ant cuatu cosa furata in d-unu craticale de chessa Traduzioni Francese cunfus, embarrassé Inglese confused Spagnolo confuso, molesto Italiano confuso, imbarazzato Tedesco verwirrt.

afuscài , vrb Definizione fàere o essire prus iscurosu, de si bíere prus pagu Sinonimi e contrari imbelare, impannare, inchelare, infuscai, intelai Etimo srd.

afuscàre , vrb Definizione pònnere oriolu, pistighíngiu, pentzamentu Sinonimi e contrari ifadare insudhire Frasi pro unu mamentedhu punnaia de bos afuscare chin custu contu Etimo srd.

afuscàtu , pps, agt Definizione de afuscare; chi est in pentzamentu Sinonimi e contrari apensamentau, apinnicadu, orioladu, pistichinzosu | ctr. trancuillu.

afúscu , nm: afusu Definizione murigu chentza órdine, trummentu, mancamentu de cuncórdia, fintzes axiu, pentzamentu / andhare o mandhare a s'afusa = mandai o andai a cudhu logu, a pasci cocas, innoromala Sinonimi e contrari abbolotu / afusada, disacórdiu / barrancu, cimbella, pedine Frasi in totu cust'afuscu de sa festa carchiunu si nche prischiaiat carchi cosa ◊ za est pacu s'afusu chi zuches!… 2. biviant chene anneos, chene s'afuscu de si colare male sa vetzesa ◊ sos afusos de sa gherra fint reséssios a fàchere irmenticare sa dirgràssia ◊ sos contos s'iscrient pro irmenticare afuscos e anneos ◊ su dolu li prenaiat sa conca de afusu 3. ma chi andhet a s'afusa, chi no ndhe chelzo mancu intèndhere prus! Cognomi e Proverbi prb: si rinnat s'afusu no si carrant contones! Etimo srd. Traduzioni Francese confusion Inglese confusion Spagnolo confusión, trasiego Italiano confusióne, trambusto, imbarazzo Tedesco Verwirrung.

afuséri , nm: fuseri Definizione chie costumat a pònnere afusos Sinonimi e contrari afusadore, contulàgliu, fatitàgiu, mintapare, missimpari, scuceri, tragalleri Etimo srd.

afusigàda , nf Definizione inteterada che fusu po morte, su mòrrere Sinonimi e contrari abbusinada, afusada, afusigonada Frasi at fatu s'afusigada ◊ "Ischídadi, mà!" ti naraia, e tue no rispondhias: fit s'última afusigada Etimo srd.

afusigonàda , nf Sinonimi e contrari abbusinada, afusada, afusigada Etimo srd.

afusigonàre , vrb Definizione fàere s'afusigada, inteterighedhare morindhosi Sinonimi e contrari abbusinare, afusare, mòrrere Frasi si ch'est afusigonadu Etimo srd.

afussàdu , agt Definizione chi est agiagarau male, meda, trumbuscadu: afusadu (de afusare)? In Orune sa /s/ ‘sonora’ che dha fúrriant meda a ‘surda’ (pessare = pesare, porossu = porosu, issetare = isetare, pressorju = presorju, e àteros deosi) Frasi chie contat s'ispreu de canes, procos, gatos afussados, sichinne galu a s'apellare a Deu, intennet chi duos n'ant intoladu (M.Gattu Soddu).

afussiòne , nf Definizione festa, festa nodia (Pasca manna, Annunou, Mesaustu e àteras), festa chi torrat cad'annu Frasi no ti apo onorau in sas afussiones ◊ sos zovanedhos colant passizandhe a prufessones, a sas afussiones bient e ballant a tropas (L.Loi)◊ a sas afussiones a gustare nos daiant coconedha e casadina ◊ sas carvas po s'afussione abbundhantes incunzas nos promintent Traduzioni Francese fête Inglese festivity Spagnolo fiesta Italiano ricorrènza Tedesco Feiertag.

afusticàre , vrb Definizione iscúdere, atripare a fuste Sinonimi e contrari ammatzocai.

afustigàdu , agt Definizione atripau a fuste; fintzes chi est malu a cumbínchere, malu a furriare de s'idea sua Sinonimi e contrari fusticau Etimo srd.