A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

abbentài , vrb: abbentare Definition abbarrare coment'e incantau / abbentare sos pitzinnos = giogai is pipius Synonyms e antonyms abbanghelare, atraucare / abbalaucare, abberelare, ammadainare, asturdire, atolondrai, atontonare, ispantai, scilibriri Etymon srd. Translations French être abasourdi English to be astonished Spanish asombrarse, pasmarse, embelesarse Italian sbalordirsi German verblüfft.

abbentài 1 , vrb: abbentare 1, abbentiai Definition pigare bentu e asciutare, nau de cosa isciusta; pigare s’arrancu chi batit su bentu; indrúchere che a candho una cosa arta meda pigat bentu Synonyms e antonyms asciutai / arrastai, fiagare, respirare / alletiae, dòrchere Sentences sa robba istérrida a ora de sole abbentat luego ◊ sa robba fit istesa supra de sas sepes abbentanne 2. su cane est abbentendhe sa fera ◊ su polcabru est forrojendhe e abbentendhe, lestru a s'imbèlghere ◊ sa cani si est firmada a bruncu a susu po abbentiai e apustis est partia che unu guetu 3. no si reziat ritzu, fit andhendhe cun sas ancas abbenta abbenta ◊ no che pighes a punta de s'àrbure ca abbentat e ndhe podes rúere ◊ sa bértiga, s'antenna, est tropu longa e abbentat ◊ su carru nos giughiat dibbiddabba, a s'abbentabbenta ◊ tremint is birdieras a su tronu e abbentat su linnarbu a sa stracia Etymon srd.

abbentaméntu , nm Synonyms e antonyms abbentadura.

abbentamúnnos , agt, nm Definition nau de ccn, chi praghet meda in cumpangia Synonyms e antonyms ispassile, ispassiosu, ispàsticu Scientific Terminology ntl.

abbentàre abbentài, abbentài 1

abbentàri abbentài

abbentàu abbentàdu

abbentiài abbentài 1

abbentinnàre , vrb: abbintinnare Definition fàere su marcu a is animales in su pilu de sa pedhe; connòschere a s'intina, a s'aerada, a sa bisura, a calecuna cosa chi distinghet Synonyms e antonyms marcai, signare / abbrembare, aerae, agghentinare, assemizare, assimbigiai 2. sa limba est unu sinnale chi depet èssere abbintinnadu chentza lu fadhire ◊ daghi abbintinnadu apo sa mama, a su tipu sa fiza apo connotu Etymon srd.

abbentosàre , vrb Definition coment' e fàere sa bentosa, provare sa síndria po bíere si est cota Synonyms e antonyms atachedhai, intatzare Etymon srd.

abbentràda , nf: abbrentada Definition su papare, papada manna, de cosa meda Synonyms e antonyms abbrentosicada, abbuzada, afraschedhada, atatamacada, sassada Sentences mi sedo pessandhe a s'abbrentada, su fracu mi cossolat, soe chin sas salibedhas in buca! Etymon srd. Translations French gueuleton, ventrée English bellyful, full meal Spanish atracón, panzada Italian mangiata, spanciata German Fresserei.

abbentràre , vrb: abbrentare Definition papare, betare a bentre a meda, a tropu, tzatzare; portare su bestiàmene a pàschere, po si tzatzare Synonyms e antonyms abbentruscare, abbidhiai, abbiscarzare, abbuselcare, abbuzare, aelcare, apasterare, atatamacare, imbrentai, mascare, tesciare / atatare Sentences cussu puzone est semper chin su pitu apertu pessandhe a s'abbrentare ◊ ponzesint sa peta e s'abbentresint cun fàmine caninu ◊ su sirbonedhu aiat sutu e si fit abbrentadu ◊ a s’abbentrare est avesu de porcos: su mannicare a serentis est de ómines ◊ si fit meda, de su produtu si ndhe abbrentaiat ca su cummérciu de oe no che fiat! 2. a pitzinnedhu aio duas vacas e andhao dogni die a las abbrentare 3. issu abbrentau a binu e sa famíglia a fàmine! ◊ fimus bene abbrentadas e cuntentas e amus cantau e ballau 4. tue abbrentas sa zente a fàulas! Etymon srd. Translations French se bourrer s'empiffrer, se gaver English to stuff oneself Spanish llenarse, atiborrarse Italian rimpinzarsi German sich vollstopfen.

abbentrischedhàre , vrb Definition su crèschere de sa bentre po su tropu papare Etymon srd.

abbentronàdu , pps, agt Definition de abbentronare; chi portat bentre manna meda Synonyms e antonyms bentrone, bentrudu, budhone 1, trodolassu, matimannu 2. est un'ómine abbentronadu e sa pigada lu faghet suerare.

abbentronàre , vrb Definition papare, betare a bentre a meda, a tropu Synonyms e antonyms abbentrare, abbuzare, atatamacare, imbrentai, mascare Sentences bi at cosa meda, a su zòvanu no lu intendhides nandhe chi nono e si abbentronat a discassu (Z.A.Cappai) Etymon srd.

abbentruscàre , vrb Definition su si tzatzare a meda, a tropu Synonyms e antonyms abbentrare, abbiscarzare, abbudagare, abbuselcare, atatamacare, sgagliubbai 2. su sero comintzeit a si arrolliare custa truma de nues niedhas e abbentruscadas che crabas prinzas Etymon srd.

abbentrustràre , vrb Synonyms e antonyms abbentruscare.

abbéntu , nm Definition su fragu, s'arrastu chi si pigat in s'ària, pruschetotu pudésciu / timire a unu a s'a. = tímiri fintzas s'arrastu de unu Synonyms e antonyms abbentada, arrancu, fracu, pudescioi, meleda Sentences su sirvone at leadu abbentu e prima de suprire a sa posta at iscostazadu 2. cussu tantu abbramidu malandrinu tzertosunos lu timent a s'abbentu Etymon srd. Translations French puanteur English bad smell, reek Spanish peste, hedor Italian puzza German Gestank.

abbéntu 1 , nm: apentu Definition cosa chi praghet a s'istentare, comente podet èssere unu giogu o fintzes una faina chi si faet cun passione; su no fàere atentzione Synonyms e antonyms ciogu, passione, pasu Sentences zughiat pupias e àteros apentos de pitzinnos ◊ sunt inimigos de sos apentos e de àteros zogos ◊ si bufat muscadedhu, crannatza colorida e girone chi paret un'apentu Etymon srd. Translations French passe-temps English plaything Spanish pasatiempo, juego Italian trastullo German Zeitvertreib, Spielzeug.

abbéntu 2 , avb Definition a s'a. = chene una filada precisa, aundi andat andat, a imbèrgheti cumbessu, a intzertu, a s'afaiu, sentza giare atentzione o fàere contu de su perígulu.