A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

abbenadórgiu, abbenadróxu , nm: benadroxu, venadórgiu Definition logu inue dhue sumit abba e dhue creschet giuncu Synonyms e antonyms bena, benale, benarzu, benassu, benàtile, benatinu, lotzina, pranedili, tónchine, tuerra, úvidu Scientific Terminology slg Etymon srd. Translations French marécage English swamp Spanish paúl, ciénaga Italian acquitrino German Morast.

abbenài, abbenàri , vrb Definition tzatzare sa terra de abba a puntu chi s'abba essit de tretu in tretu, bundhare abba, nau de is venas e mígias; nau de terrenos in paris, su si fàere a unu pantamu, tzatzaos de abba a tropu Synonyms e antonyms sassiare Sentences su pròiri a meda abbenat is terras ◊ candu s'iscallat sa ní si abbenant is funtanas ◊ custa est àcua de mitza chi abbenat de arroca Etymon srd.

abbenatzài , vrb Definition fàere a benatzu, abbadrinu Synonyms e antonyms apadulare, ammodhocare, imbenatzai Etymon srd. Translations French transformer en marais English to swamp Spanish empantanar Italian impaludare German versumpfen lassen.

abbeneíta , nf Definition abba beneita chi si ponet in s'intrada de is crésias o a beneíghere Synonyms e antonyms abbasanta.

abbenenàre abbelenàre

abbengàdu , pps, agt Definition de abbengare; chi istat a buca aperta de sa meravíglia o àteru Synonyms e antonyms apapughinau Sentences za ses pagu abbengadu!…◊ est macu abbengadu, cussu Translations French stupéfait, étonné, hébété English astonished Spanish pasmado Italian sbalordito, stupito German verblüfft, erstaunt.

abbengalàre abbanghelàre

abbengàre , vrb Definition incantare cun abbengos, mantènnere a unu cun contos o chistiones chi praghent o incantant meda e atontant puru; cricare de si tènnere o de dhu tènnere contu de alimentu, a unu Synonyms e antonyms abbaucare, abbanghelare, abbentai, atraucare / abbalaucare, abbelare, abberelare, atolondrai, atontonare, scilibriri, stolondrai Sentences sirenas, cantendhe, abbengaiant sos marineris chi capitaiant a s'ala issoro ◊ sa zente, a sos contados de Ulisse, ndhe restat dilliriada, abbengada ◊ cun custu zogu su pitzinnu si abbengat Translations French hébéter English to be bewildered Spanish embelesar Italian imbambolare German bezaubern.

abbéngheru , nm Definition giogu, cosa po giogare Sentences si cheres un'apentu cun tzertos abbèngheros, a sa festa ti lu leas! ◊ mortu su pitzinnu, cudhos abbèngheros che los aia postos in su sostre Etymon srd.

abbengósu , agt Definition chi abbengat, chi faet abbengare Sentences dechidu tempus benidore abbengosu chi su coro ti faghiat intèndhere ammajadu! (N.Puggioni) Etymon srd.

abbéngu , nm Synonyms e antonyms ispantu, maravíglia Sentences no faghet in tempus a gridare a totus s'abbengu e sa cuntentesa sua, ca s'eroe li tupat sa buca! Etymon srd. Translations French étonnement, stupeur, stupéfaction English astonishment Spanish asombro Italian stupóre German Staunen.

abbeniàre , vrb Definition su si pònnere de acórdiu Synonyms e antonyms acodrare, cuncordai.

abbeniméntu , nm: avenimentu Definition fatu de importàntzia manna, istraordinàriu Synonyms e antonyms acontéssiu, fatu 2. fit chin sas oricras che lèpore, aspetanne su sant'avenimentu, canno comintzant a s'intènnere in su vichinatu sos primos tzocos Translations French événement English event Spanish acontecimiento Italian avveniménto German Ereignis.

abbéniu , nm Definition su si abbeniare, su cuncordare o bènnere a bene Synonyms e antonyms acódriu, acómodu Etymon srd.

abbentaculàre , vrb Definition istare sentza bisóngiu in logu chi dhue at bentu pigandho bentu.

abbentàda , nf Definition bentu chi portat fragu pudésciu, fragu meda chi si pigat agiummai coment’e chi siat una nue de bentu; idea, pentzada chi benit a conca; su abbentare, asciutare Synonyms e antonyms abbentu, abburata, afrusada, arrancu, arrasta, fiacu 1, pudescioi / meleda, seledu Sentences comente colas acurtzu leas s'abbentada de su fragu chi lassat andhare ◊ at bénnidu un'abbentada de pudidore chi no si bi podiat parare! ◊ comente ant picau s'abbentada de su pudiore ant bochinau ispaporicaos 2. li at bénnidu un'abbentada a conca!… 3. a custa robba li cheret dadu un'abbentada, ca est ifusta Etymon srd. Translations French coup de vent, fig. vague English gust of wind, stench Spanish vaharada, ventada Italian zaffata, ventata German übelriechende Dunstwolke, Windstoß.

abbentadítu , agt Definition dhu narant de unu puntedhu, cambu longu de mata, pértiga o àtera cosa longa meda chi no abbarrat tètera e s’indruchet cun facilidade candho dha fortzant (comente faet su bentu o unu pesu); nau de css. materiale, chi s’indruchet chentza si truncare / àrbure, bértiga, camba abbentadita = chi s'incruat, s’indullit meda Synonyms e antonyms alletiosu, bolàntigu, lentu, mugiaditu Sentences ndhe sego rampos abbentaditos de sa edra ◊ giuncu abbentaditu bi creschet in sos rios Etymon srd. Translations French flexible English flexible Spanish flexible, correoso Italian flessìbile German flexibel.

abbentadòre , nm Synonyms e antonyms abbervadore Sentences sas duas féminas, disisperadas, andhant a chircare a tia Borica s'abbentadora, chirchendhe rimédiu pro s'annaemele ca lis fit faghindhe dannu Etymon srd.

abbentàdu , pps, agt: abbentau Definition de abbentare 1, chi est asciutu; de abbentai, nau de unu, chi est pagu ischidu, pagu atentu Synonyms e antonyms assutu / alembru, allabentau, ammincau, atolondrau, atontau, bambioco 2. abbentada maca, as comporadu peta guasta: frundhichela! ◊ fiat nàsciu locu e de lollòi abbentau iat bíviu Translations French inconsidéré, irréfléchi English rash Spanish imprudente, descuidado Italian avventato, sbadato German unbesonnen, zerstreut.

abbentadúra , nf Definition su fàere is cosas sentza dhas pentzare bene; su asciutare Synonyms e antonyms abbentada, abbentu, abbentamentu, ismanchinada / asciutadura, incaspadura Sentences faghet sa cosa a abbentadura Etymon itl. Translations French étourderie English rashness Spanish imprudencia Italian avventatézza German Unüberlegtheit.