A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

atatadúra , nf Synonyms e antonyms mascadura, sassadura Etymon srd.

atatamacàda , nf Definition papada manna Synonyms e antonyms abbentrada, abbrentosicada, afraschedhada, sassada Etymon srd.

atatamacàre , vrb Definition papare manna, de si tzatzare bene Synonyms e antonyms abbentrare, abbidhiai, abbiscarzare, abbrentosicare, abbudagare, abbuzare, afraschedhare, , imbrentai, sgagliubbai tèrghere Sentences cussos sunt cumandhandhe e atatamacàndhesi, manicandhe a bàtoro barras, a brente prena e a concale bódiu! Etymon srd. Translations French se rassasier English to satisfy one's appetite Spanish saciarse Italian saziarsi German sich satt essen.

atatamacàu , pps, agt Definition de atatamacare.

atataméntu , nm Synonyms e antonyms mascadura, sassadura Etymon srd.

atatàre , vrb: atzatzare, sassai, tatare* Definition papare, bufare, fintzes a èssere prenos, fintzes a si ndhe bogare su fàmene, su sidi, su disígiu Synonyms e antonyms abbentrare, assevare, atzibbare, colloviare, ingomare, isciusciare 1, mascare, tèrghere, tesciare Sentences unu matzone in chirca de si atatare fit mirendhe unu bérgulu de ua ◊ isolve sos presorzos, no ti atates de promissas anzenas! ◊ "Deo su mere meu no l’ofenno", narat su cane, "ca si mi mancat issu no mi atato" Translations French rassasier English to satiate Spanish saciar, hartar Italian saziare German sich satt essen.

atatarràu , agt Definition nau de unu, chi est atacau a sa cosa, de manu afissa, no ndhe giaet, arrestigu.

atatína , nf Definition papada de si tzatzare bene; genia de cuntentu, de prexu / s'a. de babbu = sa bonànima, su biadu de babbu; dare s’a. a ccn. = fai calincuna cosa isbagliada e donai it'e nàrriri, motivu de arriri e befai (coment'e satzendi sa genti donendidhi su cuntentu de criticai) Synonyms e antonyms abbentrada, abbrentosicada, abbrentosichedhada, abbrentu, abbuzada, afraschedhada, atatamacada, isbuserigada / acuntentamentu, acuntentu, contentu / beadu Sentences mi apo fatu una bella atatina 2. addaghi m'istraco de istare intro torro a essire, ma s'atatina de s'inserru no bi lis dao ◊ dae oxe at a mudare carchi cosa in custa domo, ciuta a risu e dendhe atatina a sa zente! Etymon srd.

atàtinu , nm Definition tzatzu, cuntentesa po su male angenu Etymon srd.

atàtu , agt, nm, pps: satzu, tatu Definition de atatare; chi est tzatzau, chi tzatzat, chie est tzatzau / dare a. a ccn. = donai soddisfatzioni (po cosa chi no si depit) Synonyms e antonyms afiancu, mascadu, pienu, satzau, zibbu / mànigu Sentences s'ama est torrada atata a su pasciale 2. totu sos poveritos sunt mandrones, pro sos atatos, ca no ant connotu fàmene, afannos e aflissiones (P.Mereu)◊ sa bindita no daet atatu, ma dolores ebbia 3. totus ant mandhigadu e si sunt atatos Etymon srd. Translations French rassasié, rassasiement English replete, satiety Spanish harto, lleno, hartazgo Italian sàzio, satollaménto German satt, Sättigung.

atatzadòre , agt, nm Definition chi o chie cantat tajas, fintzes poeta malu Etymon srd.

atatzàre , vrb Definition cantare a taja, improvisandho Synonyms e antonyms ataciai Etymon srd.

atatzàre 1 , vrb Definition segare, fàere a orrugos piticos Synonyms e antonyms arrogai, intatzare*, secare.

atàtzu , nm Synonyms e antonyms pagamenta, tàcia Sentences no poto abbèrrere buca chi luego mi betant s'atatzu! Etymon srd.

atauledhadúra , nf Definition fascadura de un’arremu segau fata cun tauledhas Synonyms e antonyms incannedhadura, intaulitadura Etymon srd.

atauledhài , vrb Definition pònnere tauledhas fascandho un’arremu segau (es. camba, bratzu) po dhu mantènnere in firmu Synonyms e antonyms incannedhae, intaulitai, intauledhare Etymon srd.

atauledhàre , vrb Definition intostare, fàere coment’e tàula, nau de sa terra candho dh’intostat s’astraore Synonyms e antonyms intostai Etymon srd.

atauridhàdu , agt Definition nau de su pane pagu pesau e cotu male, chi est abbadherigadu, calau e tostau Synonyms e antonyms atellau Etymon srd.

atavarràre atabarràre

atavellài , vrb Definition fàere s’orrobba (bestimentu) a tavellas, a pinnigas, a gajas Synonyms e antonyms afaldizare, aggajai, illetimare, irfrunzire / afrangillonai, afrascillonai, afrignonare, apigiare, arruntzai, atribuntzire, frongire, granculai, iscrafangiai | ctr. istirai Etymon ctl. (a)tavellar Translations French plisser English to pleat Spanish plisar, tablear Italian pieghettare German fälteln.