A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

carellài, carellàre, carellàri carelàre

carèna , nf: cherena Definition totu su corpus de sa persona o fintzes de un'animale; si narat fintzes de is ossos solu, a sa parte chi aguantat totu, de una cosa, e, segundhu su frutu, a su tenaghe chi mantenet su frutu (mescamente de is gurdones de s'àghina); de una nave, sa parte chi abbarrat a modhe in s'abba Synonyms e antonyms pelsone / carenale, carenalzu, coscovatzu, dossu / tanache Idioms csn: pònnere o fàghere c. = crèsciri; èssere de mala cherena = in cara mala; sa carena de sos bruncos = itl. àlbero bronchiale Sentences li at essidu in totu sa carena magras rujas che bràsia ◊ sento in sa carena su pesu de sos annos ◊ est un'ómine mannu de carena ◊ cuss'ómine zughet sa carena a unchinu ◊ nachi fia sana, deo puru… nointamas apo sa carena che una màrture 2. in binza petzi bi est abbarrada sa carena, de sos budrones: sos puzones si che ant collidu totu! ◊ su binu essit prus bonu si de su mústiu incubonadu si ndhe chírriat sa carena a fora 3. oe ses de mala cherena 4. Sardigna, si ti miro mi das pena: si ti miro e ite ses? una carena! Surnames and Proverbs smb: Carena Scientific Terminology rbr Etymon ctl. carena Translations French corps English body, physique Spanish cuerpo, complexión Italian còrpo, corporatura, raspo, struttura German Körper.

carèna 1 cadèna

carenàciu cadenàssu

carenàdu , nm Synonyms e antonyms carena, carenale, dossu Sentences su carenadu meu, chi inghíriat custu coro, est abbolotadu dae sos inimigos (Z.A.Cappai)◊ mi dolet totu su carenadu! Etymon srd.

carenàle , nm Definition totu su corpus de sa persona o fintzes de un'animale Synonyms e antonyms cantellu, carena, tamagnu Sentences fit iscassu de carenale, ma malintragnadu ◊ fit unu piciocu graziosu de cara, emmo, ma cun su carenale meda meda iscassu Etymon srd. Translations French corps, physique English build Spanish complexión Italian corporatura, fìsico, statura German Körperbau.

carenàlzu, carenàrgiu, carenàrzu , nm: carenazu Definition sa carena, mescamente is ossos Synonyms e antonyms carena, carenu Sentences za ndhe zughet, de carenarzu, cussu!…◊ est cuendhe sos suspiros in su carenazu sou, pro no dare a bídere nudha ◊ zuto su carenazu tostu, tortu e male cumpostu chi so che un'ischèletro ficadu 2. si isfossades, cantos carenalzos umanos bei dezis agatare!… Scientific Terminology crn Etymon srd. Translations French squelette English skeleton Spanish esqueleto Italian schèletro German Skelett.

carenàssa , nf Definition sa carena, is ossos Synonyms e antonyms carenalzu.

carenàtu , nm Synonyms e antonyms carena, carenu, carenalzu Sentences custos fómines de su sonnu giuchiant su carenatu de cristianu ma sa conca de crapa Etymon srd.

carenàzu carenàlzu

careníglia cadeníglia

carenísca , agt, nf Definition calidade de àghina niedha (àxina de Ispagna) e de binu (itl. carignano), in Sardigna connota giai de s'antigóriu mannu.

carénu , nm Synonyms e antonyms carigna.

caresàre carasàre

caréschidu caléschidu

carésia , nf: cerésia, ceréssia, ceréxia, cherésia, cheréssia, ciarésia, ciaréxia, créssia Definition genia de mata chi faet manna meda (bona fintzes po linna de òpera) e bogat unu frutu (upm) tundhitu, de sa mannària de un’olia, a tenaghe longu, cabudàrgiu (primu frutu nou, in beranu), de colore orrúbiu craru o fintzes cotu / in su frutu si podet distínghere: s'apiconi o tenaxi, sa prupa, su pisu, su papu de su pisu Synonyms e antonyms cariasa, ceràsia Sentences funt artziaus a is ceréxias ◊ ingunis est totu prantau a ceréxias ◊ tenia un'àlvure de cherésia alta chi no arrivaia a ndhe godhire 2. ti avertu, isturru, de no tocai prus cerésia! ◊ labai, ceréxia druci, barata!…◊ in logu nostu feus sa festa de sa ceréxia ◊ acudu a ispibidai cuatru o cíncui cerésias candu de suncunas si truncat su cambu…◊ oe annaus totus ca n'ispicaus sa cheréssia dae sa mata Scientific Terminology mtm, frt, Prunus cerasus Etymon itl. Translations French cerisier, cerise English cherry-tree, cherry Spanish cerezo Italian ciliègio, ciliègia German Kirschbaum, Kirsche.

carésima , nf Definition is baranta dies, de is chisinos a su sàbudu santu: tempus de peniténtzia chi preparat a sa Pasca in sa Crésia católica Synonyms e antonyms barantinu Sentences in bidha, coment'e in medas logus, su primu domínigu de carésima si segànt is pingiadas ◊ mi ant prenu sa cara de tzintziedhu e mancari in carésima che seo andhau a múrghere mascarau!◊ in carésima no ti afides! Surnames and Proverbs prb: is ballus de carnevali si prangint in carésima Scientific Terminology prdc Etymon itl. quaresima.

caresimàle , nm Definition is prédicas o funtziones chi si costumant a fàere in tempus de carésima Sentences l'at ammonidu su preigadore in su caresimale Etymon itl. quaresimale.

carestía , nf: cariltia, caristia Definition mancàntzia, bisóngiu mannu de cosa chi sighit a tempus meda; nau a befa, unu (gente o animale) chi est romasu cadidu, làngiu làngiu, bisongiosu meda / a caristia chi… = male e peus chi…, a peus chi… Synonyms e antonyms iscassia, merchinzia | ctr. bundhàntzia Sentences sos mandrones sunt a cariltia finas de s'abba! ◊ fint tempos de caristia: de cosa no si ndhe agataiat ◊ annada de caristia, ocannu, est sichendisí totu! 2. daebbilu custu pane a cussu caristia! 3. a carestia est prexau: no dhi capit unu cíxiri! ◊ ah, gravellu miu, a carestia t'istimu! ◊ a caristia chi semus, chentza dinari, tue mi che ispendhes cussos pagos sodhos in zogos! ◊ a caristia chi est, sempre malàidu, petzi li cheret atapadas gai!…◊ a carestia fiu aspetendidhu custu momentu! Translations French disette English famine Spanish carestía Italian carestìa German Hungersnot.

carestiósu, carestósu carastiósu