A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

carellài, carellàre, carellàri carelàre

carèna , nf: cherena Definizione totu su corpus de sa persona o fintzes de un'animale; si narat fintzes de is ossos solu, a sa parte chi aguantat totu, de una cosa, e, segundhu su frutu, a su tenaghe chi mantenet su frutu (mescamente de is gurdones de s'àghina); de una nave, sa parte chi abbarrat a modhe in s'abba Sinonimi e contrari pelsone / carenale, carenalzu, coscovatzu, dossu / tanache Modi di dire csn: pònnere o fàghere c. = crèsciri; èssere de mala cherena = in cara mala; sa carena de sos bruncos = itl. àlbero bronchiale Frasi li at essidu in totu sa carena magras rujas che bràsia ◊ sento in sa carena su pesu de sos annos ◊ est un'ómine mannu de carena ◊ cuss'ómine zughet sa carena a unchinu ◊ nachi fia sana, deo puru… nointamas apo sa carena che una màrture 2. in binza petzi bi est abbarrada sa carena, de sos budrones: sos puzones si che ant collidu totu! ◊ su binu essit prus bonu si de su mústiu incubonadu si ndhe chírriat sa carena a fora 3. oe ses de mala cherena 4. Sardigna, si ti miro mi das pena: si ti miro e ite ses? una carena! Cognomi e Proverbi smb: Carena Terminologia scientifica rbr Etimo ctl. carena Traduzioni Francese corps Inglese body, physique Spagnolo cuerpo, complexión Italiano còrpo, corporatura, raspo, struttura Tedesco Körper.

carèna 1 cadèna

carenàciu cadenàssu

carenàdu , nm Sinonimi e contrari carena, carenale, dossu Frasi su carenadu meu, chi inghíriat custu coro, est abbolotadu dae sos inimigos (Z.A.Cappai)◊ mi dolet totu su carenadu! Etimo srd.

carenàle , nm Definizione totu su corpus de sa persona o fintzes de un'animale Sinonimi e contrari cantellu, carena, tamagnu Frasi fit iscassu de carenale, ma malintragnadu ◊ fit unu piciocu graziosu de cara, emmo, ma cun su carenale meda meda iscassu Etimo srd. Traduzioni Francese corps, physique Inglese build Spagnolo complexión Italiano corporatura, fìsico, statura Tedesco Körperbau.

carenàlzu, carenàrgiu, carenàrzu , nm: carenazu Definizione sa carena, mescamente is ossos Sinonimi e contrari carena, carenu Frasi za ndhe zughet, de carenarzu, cussu!…◊ est cuendhe sos suspiros in su carenazu sou, pro no dare a bídere nudha ◊ zuto su carenazu tostu, tortu e male cumpostu chi so che un'ischèletro ficadu 2. si isfossades, cantos carenalzos umanos bei dezis agatare!… Terminologia scientifica crn Etimo srd. Traduzioni Francese squelette Inglese skeleton Spagnolo esqueleto Italiano schèletro Tedesco Skelett.

carenàssa , nf Definizione sa carena, is ossos Sinonimi e contrari carenalzu.

carenàtu , nm Sinonimi e contrari carena, carenu, carenalzu Frasi custos fómines de su sonnu giuchiant su carenatu de cristianu ma sa conca de crapa Etimo srd.

carenàzu carenàlzu

careníglia cadeníglia

carenísca , agt, nf Definizione calidade de àghina niedha (àxina de Ispagna) e de binu (itl. carignano), in Sardigna connota giai de s'antigóriu mannu.

carénu , nm Sinonimi e contrari carigna.

caresàre carasàre

caréschidu caléschidu

carésia , nf: cerésia, ceréssia, ceréxia, cherésia, cheréssia, ciarésia, ciaréxia, créssia Definizione genia de mata chi faet manna meda (bona fintzes po linna de òpera) e bogat unu frutu (upm) tundhitu, de sa mannària de un’olia, a tenaghe longu, cabudàrgiu (primu frutu nou, in beranu), de colore orrúbiu craru o fintzes cotu / in su frutu si podet distínghere: s'apiconi o tenaxi, sa prupa, su pisu, su papu de su pisu Sinonimi e contrari cariasa, ceràsia Frasi funt artziaus a is ceréxias ◊ ingunis est totu prantau a ceréxias ◊ tenia un'àlvure de cherésia alta chi no arrivaia a ndhe godhire 2. ti avertu, isturru, de no tocai prus cerésia! ◊ labai, ceréxia druci, barata!…◊ in logu nostu feus sa festa de sa ceréxia ◊ acudu a ispibidai cuatru o cíncui cerésias candu de suncunas si truncat su cambu…◊ oe annaus totus ca n'ispicaus sa cheréssia dae sa mata Terminologia scientifica mtm, frt, Prunus cerasus Etimo itl. Traduzioni Francese cerisier, cerise Inglese cherry-tree, cherry Spagnolo cerezo Italiano ciliègio, ciliègia Tedesco Kirschbaum, Kirsche.

carésima , nf Definizione is baranta dies, de is chisinos a su sàbudu santu: tempus de peniténtzia chi preparat a sa Pasca in sa Crésia católica Sinonimi e contrari barantinu Frasi in bidha, coment'e in medas logus, su primu domínigu de carésima si segànt is pingiadas ◊ mi ant prenu sa cara de tzintziedhu e mancari in carésima che seo andhau a múrghere mascarau!◊ in carésima no ti afides! Cognomi e Proverbi prb: is ballus de carnevali si prangint in carésima Terminologia scientifica prdc Etimo itl. quaresima.

caresimàle , nm Definizione is prédicas o funtziones chi si costumant a fàere in tempus de carésima Frasi l'at ammonidu su preigadore in su caresimale Etimo itl. quaresimale.

carestía , nf: cariltia, caristia Definizione mancàntzia, bisóngiu mannu de cosa chi sighit a tempus meda; nau a befa, unu (gente o animale) chi est romasu cadidu, làngiu làngiu, bisongiosu meda / a caristia chi… = male e peus chi…, a peus chi… Sinonimi e contrari iscassia, merchinzia | ctr. bundhàntzia Frasi sos mandrones sunt a cariltia finas de s'abba! ◊ fint tempos de caristia: de cosa no si ndhe agataiat ◊ annada de caristia, ocannu, est sichendisí totu! 2. daebbilu custu pane a cussu caristia! 3. a carestia est prexau: no dhi capit unu cíxiri! ◊ ah, gravellu miu, a carestia t'istimu! ◊ a caristia chi semus, chentza dinari, tue mi che ispendhes cussos pagos sodhos in zogos! ◊ a caristia chi est, sempre malàidu, petzi li cheret atapadas gai!…◊ a carestia fiu aspetendidhu custu momentu! Traduzioni Francese disette Inglese famine Spagnolo carestía Italiano carestìa Tedesco Hungersnot.

carestiósu, carestósu carastiósu