A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

cadiúne cadaúne

cadò! , iscl Definition foedhu, tzérriu po istrunchiare is gatos Synonyms e antonyms catu!, gatuvora!

cadófulu , nm: cadufu 1 Definition cundhutu po arregòllere s'abba próina, de terra (ma fintzes fogna); orroda cun istrègios (tuvoneras, de una pariga de litros) po ndhe piscare s'abba de is putzos Synonyms e antonyms túvulu 1 Sentences sos cadufos de sa roda de su mistériu si pesant artos umprios de puténia Etymon ctl. caduf Translations French noria English noria Spanish noria Italian nòria German Eimerbagger.

cadógiu , nm: cadoju, codoju, codrogu Definition cosa a istrobbu, chi leat logu, cosa de pagu contu / no bi at mancu cadógiu = no bi at unu nudha Synonyms e antonyms baldulete, carramacina, nudha Sentences su chi est in s'isostre est totu cadoju 2. no bi ndh'at lassadu codoju de totu su casu chi bi aimus.

cadojàre , vrb Definition giare in caderoju, nàrrere cosa a unu coment'e brigandhodhu Synonyms e antonyms afrontai, agiostrare, atzuridare, cadolare, iscamurriare, rumbicare, sfacidhiri.

cadolàre , vrb Definition nàrrere cosa a unu coment'e brigandhodhu Synonyms e antonyms cadojare, refaciai Sentences no podimus istare si no cadolamus!

cadoliàre cadeliàre

cadòne, cadòni , nm: caroni, codone, codoni, gadoni Definition est erba chi faet in istade e cun su sèmene ndhe prenet su logu, pudéscia, chi ponet sabore malu a sa cosa prantada: a una calidade dhi narant erba púdia, pudéscia, cadoni burdu; cun custu númene si narat fintzes su sabore malu chi cust'erba ponet a su binu Synonyms e antonyms aghedone Sentences de bíngia tocat a ndi bogai su caroni ca ponit fragu légiu a su binu ◊ si bidiant solu matas de ortija, codone e caragantzu 2. custu binu at su cadone, su sabore de su cadone Surnames and Proverbs smb: Cadone, Cadoni Scientific Terminology rba, Chenopodium album, C. polyspermum, C. vulvaria Etymon ltn. catone(m) Translations French mercuriale English pigweed Spanish cenizo Italian farinàccio, èrba puzzolana, mercorèlla German weißer Gänsefuß, Bingelkraut.

cadonibbúrdu , nm Definition una genia de aghedone.

cadòspe , nm: codospe, godospe* Definition pane niedhudu po canes Synonyms e antonyms gospo.

càdra càdha

cadrabóru , nm: cadraoru, cardaloru Definition genia de pigione Synonyms e antonyms birdajolu Scientific Terminology pzn.

cadrabudhài , vrb: cadrampoai, cadrebudhai, cadrapudhare, cardabbudhare, cradampulare Definition cúrrere, andhare a brínchidos, brinchidare a giogu, po alligria Synonyms e antonyms brinchillai, cadraminciare, ischeltiare, subesciare / cadredhai Translations French sautiller, s'ébattre English to hop Spanish brincar Italian saltellare, ruzzare German hüpfen, herumtollen.

cadrabudhàu , pps, agt Definition de cadrabudhai; nau de su cuadhu, chi andhat a brinchidedhos Translations French sautillant English hopping Spanish que brinca Italian saltellante German hüpfend.

cadràbula , nf: cadràpula, catràbbula Definition cosa chi si faet a ingannu, chi si giaet po bona Synonyms e antonyms abberintu, afrascu, cumpoltura, estremagiogu, farrassa, imbelecu, imbovu, ingànniu, mangalofu, màngana, tràglia, tramòglia, trampa, trapassa, transa, troga 2. bendhèndheli sa màchina li at dadu una cadràbula Translations French piège, embûche English snare Spanish trampa Italian tranèllo German Falle.

cadracíli , nm: cadranchile, cadrancibi, cardacili, cardanchile, cardancili, carracili, garracili Definition tretu de sa carena, s’annoigadórgiu mannu de mesania in is cambas de asegus de is animales a bàtoro cambas Synonyms e antonyms cianchile Sentences bai ca no mi as a mussiai is cadrancibis tui, no! (E.Melis) Scientific Terminology crn Translations French jarret English hough Spanish corvejón, jarrete Italian garrétto German Sprunggelenk.

cadracodhínu , avb Definition leare a unu a c. = ciciu in codhos, cun is cambas pendhendho in petorras de chie dhu portat Etymon srd.

cadràcu , nm Definition istentinas, nau fintzes de una parte de is istentinas Sentences est semper chistionendhe de cadracos, de frissuras, de temporadas, de casu, de pasturas.

cadràdhara , nf Synonyms e antonyms nàdia.

cadragódhu , nm Definition fasche de linna chi si leat a codhu intrada in calecunu fuste o àteru (es. màniga de ferramenta aguantada a denanti cun sa manu, e sa fasche pendhendho apalas).