A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

conduíre , vrb: cunduire Definition pigare, ghiare a calecuna cosa o a calecunu logu Synonyms e antonyms condúsiri, ghiai, poltare, zúchere | ctr. lassai Sentences sa lege no conduit in ingannos ◊ su tantu furare ti at conduidu a manos de su re ◊ bois sezis cudh'istella chi conduet in portu ◊ sas boches aiant fatu cunduire sas bichinas Etymon ctl. condu(h)ir.

condúlliri , vrb Synonyms e antonyms conchinare, cunduire, dòrchere, indugi Etymon srd.

cónduma còdoma

condumàdu condomàdu

condúsiri , vrb: cundusi Definition portare, batire, ghiare a calecuna cosa o a calecunu logu Synonyms e antonyms conduire, ghiai, poltare, zúchere | ctr. lassai Etymon spn. conducir.

condúta , nf: cundhuta Definition sa manera de si cumportare de unu po totu su chi podet àere de bonu, o de malu, fatu cun intentzione Synonyms e antonyms cumpoltamentu Sentences sos pisedhos chi atendhent sos mannos in sos apretos si meressint bàntidu e sunt símbulu de bona cundhuta ◊ fit in pistichinzu pro sa cundhuta isegherada sua ◊ is isposus essiant impari sa prima borta apustis de ai arriciu is racumandítzias de bona cunduta Etymon itl. Translations French conduite English behaviour Spanish conducta Italian condótta German Benehmen.

còne, còni , nm: (su cone = nr. sugòne) Definition est un'arga, unu traitore chi portat a ogu sa cosa de furare o sa gente de idorrobbare agiudandho is furones chi benint a fàere su cropu Synonyms e antonyms bugoni, medianeri, ospia Sentences custu est su coni: est istràngiu e connoscit bèni sa zona ◊ su coni… sa metadi in galera e s'atra in prasoni: s'est fuiu cumenti a unu macu! ◊ s'est fuiu su coni po sa timoria Surnames and Proverbs smb: Coni Translations French taupe, cerveau English inside man, mole Spanish topo Italian basista, talpa German krimineller Vorarbeiter.

conèta , nf: cuneta Definition genia de cora, manna, fintzes a incodau, ororu de is istradas po arregòllere s'abba próina a manera de no fàere dannu a s'istrada Synonyms e antonyms banchina, coleta Etymon itl.

conèta 1 , nf Definition genia de bonete Sentences bendit arrobba de lana, seda e cotoni, capedhus a frisiera, conetas e àteras cosas.

conetòni , nm: coretone, coretoni Definition coneta manna, genia de canale po arregòllere is abbas a meda (a inghíriu totu fora in bidhas de monte) o passare abba po campos e indústrias Synonyms e antonyms canalone Sentences una fémina fut isciacuendi is pannitzus de su pipiu in su conetoni.

confidàntzia , nf: cufiàntzia, cufidànsia, cufidàntzia, cunfiància, cunfiantza, cunfiàntzia, cunfidànsia, cunfidàntzia Definition su àere unu fàere coment'e de gente bene connota, amiga, parente, fidada, coment'e giaendho fide a unu Synonyms e antonyms cunfidu / ballansa, familiaricítzia, fidàssia, modhore, ollantza | ctr. discunfiantza Sentences lah, chi m'imbovas tui puru truncaus sa cunfiantza! ◊ sa cunfidàntzia dha tengu cun Deus ◊ sas cosas in cunfidàntzia no si narant in carrela ◊ no sunt totu sos nepodes chi si gosant sa cufidàntzia de su zaju ◊ mi ais a perdonare: tèngio cunfiància de no mi abbandhonare Surnames and Proverbs prb: su saludu a totus, sa cunfiantza a pagus Etymon spn. Translations French familiarité English confidence Spanish confianza Italian confidènza German Vertrauen.

confinài , vrb: cufinare, cunfinai, cunfinare Definition mandhare a su cunfinu, istesiare, bogare a unu de su logu suo a logu angenu po chi no potzat fàere che in logu e cun gente chi connoschet e ue tenet is benes Synonyms e antonyms disterrai, terrafinare Sentences una primu borta mi aiant cufinau ca proite no mi fio créfiu arruolare Etymon itl. confinare.

confinàu , pps, agt Definition de confinai; chi dh'ant cundennau a istare foras de su logu suo, chi est disterrau.

confínu , nm: cufinu, cunfinu Definition su che bogare o istesiare a unu de logu suo a logu angenu po chi no potzat fàere che in logu e cun gente chi connoschet; logu de pena, a ue che mandhant o ue che mantenent a unu a fortza Synonyms e antonyms disterru, isterru Sentences in tempus de su fassismu a chie mustraiat de èssere contràriu a su guvernu che lu mandhaiant a su cufinu ◊ su marisciallu at minetadu a babbu de lu mandhare a su confinu si faghiat propagandha contr'a sos fascistas Etymon itl. Translations French relégation English internment Spanish destierro Italian confino German Zwangswohnort.

confrímu , nm: cunfrimu Definition unu de is sete sacramentos e funtzione de candho unu atrogat de si bòllere cristianu e su píscamu dh’unghet in crebedhos cun s’ogiusantu Synonyms e antonyms crésima, cufirmassione, gríjamu, incrísima Etymon srd. Translations French chrême English chrism Spanish confirmación Italian crisma German Chrisma.

confúgere , vrb Definition pònnere impare is líteras a unas a unas o lígere a síllabbas Synonyms e antonyms cofuzire*, compitare Translations French articuler séparément les syllabes English to sillabify Spanish silabear Italian sillabbare German buchstabieren.

confúndhere, confúndiri , vrb: cufúndhere, cunfundi, cunfúndiri Definition pigare o crèdere una cosa po un'àtera, fàere ibballiare / pps. cunfúndiu, cufusu Synonyms e antonyms aforrotulare, fadhie, imbrabugliare, imprabastulai | ctr. distínghere, scunfúndiri Sentences ista mudu ca so contendhe, chi mi as fatu cufúndhere! ◊ l'apo cufusu: no mi so abbizadu chi fint diferentes Translations French confondre English to confuse Spanish confundir Italian confóndere, disorientare German verwirren.

confusionajólu , nm: cunfusionajolu Definition chie pesat burdellu, chie ponet a brigare s'unu cun s'àteru Synonyms e antonyms confusioneri, cunvisionadori, cunfusionista Scientific Terminology ntl Etymon srd.

confusionéri , agt, nm: cubisioneri, cunfusioneri, cuvusioneri Definition chi o chie pesat cuvusiones, ponet a brigare s'unu cun s'àteru, betat apare is chistiones; fintzes chi o chie cunfundhet cun tropu facilidade cosas diferentes Synonyms e antonyms confusionajolu, cunvisionadori, cunfusionista / carraxeri Sentences a s'imprabastuleri no lu acrustes ca est confusioneri! Scientific Terminology ntl Etymon ctl. confusioner Translations French semeur de discordes English sow seeder of discord Spanish sembrador de discordia Italian seminatóre di discòrdia German Zwietracht Säer.

congedài , vrb: cunzedare Definition acabbare su servítziu militare.