A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

gamarésu , nm Definition pastore, ómine chi càstiat bestiàmene, pruschetotu brebès Synonyms e antonyms alvegalzu, bamalzu, berbecàlgiu, gamedhare 1 Scientific Terminology prf Etymon srd.

gamasínu , nm: camasinu Definition logu, a bortas mannu, in is domos po chistire provistas o pònnere àteru (materiale fintzes a bèndhere) Synonyms e antonyms macasinu* Sentences commo chi soe tatau mi nche falo a gamasinu a bufetare Scientific Terminology dmo.

gambàle, gambàli , nm: cambale* Definition genia de pinzos grussu, prus che àteru de pedhe, chi si ponet in is cambas: si acàpiat a parte de apalas a corrias longas chi intrant a lobos a s'andhetorra de un'istampu a s'àteru de bàsciu a pitzu; su pl. podet èssere fintzes una genia de marcos orrúbios chi essint in sa pedhe de is cambas a fortza de istare aparaos a su fogu Sentences unta bene gambales e catola, pòneti in bértula pane e casu, istaca su cabadhu e bola! Scientific Terminology bst.

gambiòre , nm Definition farta de sale, su èssere bambu nau de is cosas de papare Synonyms e antonyms bambiore.

gambisínu , agt Definition nau de cosa de papare, chi est unu pagu mancante a sale Synonyms e antonyms bambighinu, bambisinu*, bambitu.

gàmbu , agt: gammu Definition chi portat pagu sale Synonyms e antonyms bambu*.

gamedhàre , vrb: amedhare* Definition betare apare totu a unu duos tàgios de bestiàmene, avesare is angiones a abbarrare impare cun is àteros, is pegos noos a abbarrare in su tàgiu, a cònnoschere su pastore, ammasedare; nau de gente, fàere amedhu, avesare a istare impare cun is àteros Synonyms e antonyms abbamare, acedhae, achedhonare, aggamai, aggrustare, ammeschiare, ingamai | ctr. iscamedhare, stagiai Sentences sas balenas allatant che a sos animales chi gamedhamus Translations French socialiser, habituer un animal à vivre l'un avec l'autre English to socialize Spanish acostumbrar al ganado a vivir en el rebaño, socializar Italian abituarsi alla compagnìa, socializzare German vergesellschaften, sozialisieren.

gamedhàre 1 , nm Synonyms e antonyms bamalzu, berbecàlgiu, gamaresu Etymon srd.

gamedhigàre, gammedhigàre , vrb Definition pònnere s'angione a súere a un'àtera brebè Synonyms e antonyms allatae, amedhigare Scientific Terminology pst.

gamellínu , nm Definition genia de istrégiu piticu a pònnere cosa de papare is sordaos Synonyms e antonyms discudíglia, pingiatinu Scientific Terminology stz.

gàmmu gàmbu

gàmu , nm Definition genia de cancarrone o gànciu pitichedhu po piscare fatu a manera de intrare in buca de su pische ma chi no ndhe potzat essire / parai is gamus = betare sos amos; erba de gamu = Astragalus hamosus (faet sa tega chi paret unu gànciu, acancarronada) Synonyms e antonyms àghimu, amu*, gànciu Sentences seu essiu a chitzi cun is istrepus po sa pisca: canna, lentza, prumu, gamus e sa tremulígia frisca ◊ cancuna borta, o mari, a su piscadori dhi fais perdi pisci, arretza e gamu 2. passamu su noti piegau che gamu, acarraxau cun d-una burrixedha Scientific Terminology ans Translations French hameçon English hook (fish) Spanish anzuelo Italian amo German Angelhaken.

gamúrru , agt: camurru* Definition ignorante, chi tenet unu fàere chi dirgustat Synonyms e antonyms grosseri Sentences cussa sorri est che a mimi, gamurra, cota de su campu, no est civili che a s'àtera.

gamusína , nf: cambusina* Definition calidade de pira, pitica ma saboria e fragosa meda.

gàna , nf: ganas Definition disígiu o bisóngiu de calecuna cosa, nau fintzes in su sensu de fàmene (pagu o meda), de àere s'idea, sa volontade, su disígiu / min. ganighedha, ganutza Synonyms e antonyms boza, desizu / fàmene, fràmicu / idea, volontade | ctr. malaggana Idioms csn: èssiri de bona g. = èssere in bonumore; fai una cosa de mala g. = a malugoro; èssiri a ganas mabas = gana de bombitare, de ndhe torrare sa cosa de s'istògomo; ganaona (gana bona)= su istai bèni, su èssiri allirgus, de bona ispétzia; leare sa g. = fai passai s'apititu; una ganigedha tèngiu de!… = no ndhe tenzo própiu gana!; intzaurraisí de gana = disigiare, àere ganas; gana maca = isazerada, tropu, aira; g. neta = fàmini ca no dhoi at própriu nudha a papai; ponnirisí de gana a fai cosa = de bona volontade; a prima gana = comintzendhe a manigare, candho unu est famidu; leare, manigare, fàghere su chi si at in gana = su chi o cantu unu bollit Sentences faghe su chi as in gana! ◊ si sos Sardos aiant gana de traballare comente ant gana de ammorare, nuraches nobos aiant fatu! ◊ tenner o benner gana de riere, de chistionare, de prànghere, de caminare, de lèzere, de drommire, de manigare, de fàghere abba, gana de figu, de pira, de casu, de abba, de cosa de apílliu ◊ como no assazo nudha ca mi che leat sa gana ◊ a tui puru, oi, no fait gana de ti ndi pesai? 2. bi at zente chi galu oje morit de sa gana 3. sa piciochedha est sempri a ganas mabas: no est papendi giai nudha ◊ a s'antzianu li benit gana de fàghere abba fatuvatu 4. in cussu logu a prima gana bosi cracant sa berdura, mancu chi siais unu molente! Surnames and Proverbs smb: Gana Etymon ctl., spn. Translations French envie, désir English wish Spanish gana, deseo Italian vòglia, desidèrio, stìmolo German Lust.

gàna 1 , nf Definition genia de cosighedha bianca chi in sa natura de s'ómine si dhue faet ororu de sa conchedha in su surchighedhu totu comente abbarrat ammontau cun su pedhutu, e ororu de sa tituledha in sa natura de sa fémina Synonyms e antonyms recotedhu.

ganàdu , agt Definition chi tenet gana Synonyms e antonyms ganosu, inganadu Sentences torro a tie ganadu e lezeru! Surnames and Proverbs smb: Canadu, Ganadu.

ganalègia , ng Definition gana de caciare, de ndhe torrare de s’istògomo sa cosa papada (e, segundhu, fintzes chentza àere papau) Synonyms e antonyms ganamala.

ganamàla , nf Definition gana de caciare, de ndhe torrare de s’istògomo sa cosa papada (e, segundhu, fintzes chentza àere papau) Synonyms e antonyms agrúngiu, buriedha, collóvia, ganalègia, isvilimentu, malaggana Sentences su fragu de sos purmas mi faghet a ganamala ◊ est de istògomo díligu chi li faghet a ganamala fintzas a viazare in màchina Etymon srd. Translations French nausée English nausea Spanish náusea Italian nàusea German Übelkeit.

ganamalósu , agt, nm Definition chi o chie tenet una manera de fàere chi no si faet bòllere bene, no praghet, faet bènnere sa ganamala Synonyms e antonyms dilzeniau, irzeniatu | ctr. ispàsticu, zeniosu Etymon srd. Translations French antipathique English unpleasant Spanish antipático Italian antipàtico German unsympatisch.