A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

istragamúzu , nm: stragambullu Definition genia de avolotu, de moida, istragatzu Synonyms e antonyms abbatúliu, abbolotu, atutina, mamudinu, sciumbullu, subuzu, trambullu Sentences una note apo intesu un'istragamuzu addasegus de sa cresura e mi ndh'est brinchiadu in pes unu paru niedhu…◊ apo intesu custu istragamuzu… mi ne seo pesadu sidhidu, no ischio ite cosa fut (Z.Porcu) Etymon srd.

istraganàu , agt Definition chi est totu andhau male, malegontzu, nau de cosas e de gente Synonyms e antonyms malacónciu sderessau | ctr. folte, nobu, sanu Sentences custa est una barchita betza e istraganà, chi azomai no aguantat in mare Etymon srd.

istraganòre , nm Definition su èssere chentza cunsideru, su fàere sa cosa a sa maconatza Synonyms e antonyms abbentadura, sfundóriu.

istragàre istracàre

istragàre 1 , vrb Definition illascinare, andhare illascinandho inue no arreschent is peis Synonyms e antonyms illascinare, illiscigare, iscadriare, lassingiare, tragulare Etymon srd.

istragàre 2 , vrb Definition giare istragu, fàere istragos Synonyms e antonyms batacollare, apurire, atormentai / degogliai Sentences m'istragant zuighes e sordados, mi curret zente mai bida e ne connota chi mi assuconat sa pessone Etymon itl. straccare Translations French tourmenter English to torment Spanish atormentar Italian tormentare German quälen.

istragàssu istragàciu

istragatzài , vrb Definition fàere istragatzu, fintzes giagarare; nau de unos cantu animales, fàere sa boghe (sa coca e s'anade istragatzant); fintzes brigare 3. mullei mia mi at istragatzau ca su pani chi apu pigau no fut bellu iscrafangiau! (P.Tola) Etymon srd.

istragatzòne istracatzòne

istragatzósu , agt Definition chi faet istragatzu Synonyms e antonyms muinosu Sentences at fatu una passada de abba itragatzosa Etymon srd.

istragàtzu istragàciu

istragazènte , agt Synonyms e antonyms atzegatzioneri, ifadosu Etymon srd.

istragéntu , nm Synonyms e antonyms istrachia, istrasura, trarchia Sentences oe puru, disisperu, ses cun mimi, cun is bàtiles bentulados in d-una note de istragentu (T.Frau).

istràghida , nf Synonyms e antonyms istracada 1, istragatzu, scioscionu Sentences s'intendhiat s'apeisinzu de sos cadhos e s'istràghida de sas rodas Etymon srd.

istraghitúdine istrachidúdine

istragiàdu , agt Definition chi est bestiu male, totu male postu de bestimentu Synonyms e antonyms isconfusu, malatragiau, malatrociau Sentences istaiat male, fit lanzu che corru, totu istragiadu e avilongu pariat drommendhe in d-unu pedhasu Etymon srd.

istragnía , nf: istrangia, istranzia, strangia Definition is istràngios, sa gente de fora, de àteras bidhas, de logu fora de sa Sardigna Synonyms e antonyms istranzina, istranzúmene Sentences in Sardigna cumandhat s'istranzia ◊ iscatza dogni istranzia, torra líbbera e una, o Terra mia! (B.Cara)◊ como no est prus sacra s'istranzia Etymon srd.

istràgnu , agt, nm: istràngiu, istranzu, stràngiu Definition chi o chie est de fora, de àtera bidha, de àteros logos, mescamente candho si agatat in logu angenu, cun gente angena; chi o chie est de fora ma arreciu in domo de amigos, cun amigos, cun gente connota Synonyms e antonyms afertu, aproviau, foranu, forasteri Idioms csn: zente bon'a istranzu = chi collit, chi acasazat s'istranzu; a istranzinu = che istranzos, coment'e istranzu Sentences sa zente sarda est sugeta, pro lusinga o pro mineta, a istranza segnoria (S.Casu)◊ afusau che póveru pidore, s'istranzu mi at tochedhau sa zanna ◊ o Sardigna, sempri manus istràngias a tirai is filus! ◊ est pitziosu e grai su bíviri in logu allenu de istràngiu ◊ sardos, si mustrant istranzos che a su matzone cambiendhe intinu! ◊ iscampainosí de sa bregúngia de negai pani e binu a s'istràngiu e a su bixinu! ◊ no ti apo mai biu: ite ses, istragnu? 2. oe in domo bi tenzo istranzos e no poto atèndhere a nudha àteru ◊ ndi erriceis istràngius? Surnames and Proverbs prb: inube bi at istranzu, mancari malu, bi est Deus Etymon ltn. extraneus Translations French étranger, hôte English stranger, host Spanish extraño Italian estràneo, òspite German fremd, Gast.

istràgnu 1 , nm Definition cosa ispantosa, de fàere ispantu, genia de miràculu, cosa istrana Etymon spn. estraño.

istragonàda , nf Definition cropu forte de abba, próida manna Synonyms e antonyms abbísciu, istrasura, istrúgulu, tragonada.