A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

istragamúzu , nm: stragambullu Definitzione genia de avolotu, de moida, istragatzu Sinònimos e contràrios abbatúliu, abbolotu, atutina, mamudinu, sciumbullu, subuzu, trambullu Frases una note apo intesu un'istragamuzu addasegus de sa cresura e mi ndh'est brinchiadu in pes unu paru niedhu…◊ apo intesu custu istragamuzu… mi ne seo pesadu sidhidu, no ischio ite cosa fut (Z.Porcu) Ètimu srd.

istraganàu , agt Definitzione chi est totu andhau male, malegontzu, nau de cosas e de gente Sinònimos e contràrios malacónciu sderessau | ctr. folte, nobu, sanu Frases custa est una barchita betza e istraganà, chi azomai no aguantat in mare Ètimu srd.

istraganòre , nm Definitzione su èssere chentza cunsideru, su fàere sa cosa a sa maconatza Sinònimos e contràrios abbentadura, sfundóriu.

istragàre istracàre

istragàre 1 , vrb Definitzione illascinare, andhare illascinandho inue no arreschent is peis Sinònimos e contràrios illascinare, illiscigare, iscadriare, lassingiare, tragulare Ètimu srd.

istragàre 2 , vrb Definitzione giare istragu, fàere istragos Sinònimos e contràrios batacollare, apurire, atormentai / degogliai Frases m'istragant zuighes e sordados, mi curret zente mai bida e ne connota chi mi assuconat sa pessone Ètimu itl. straccare Tradutziones Frantzesu tourmenter Ingresu to torment Ispagnolu atormentar Italianu tormentare Tedescu quälen.

istragàssu istragàciu

istragatzài , vrb Definitzione fàere istragatzu, fintzes giagarare; nau de unos cantu animales, fàere sa boghe (sa coca e s'anade istragatzant); fintzes brigare 3. mullei mia mi at istragatzau ca su pani chi apu pigau no fut bellu iscrafangiau! (P.Tola) Ètimu srd.

istragatzòne istracatzòne

istragatzósu , agt Definitzione chi faet istragatzu Sinònimos e contràrios muinosu Frases at fatu una passada de abba itragatzosa Ètimu srd.

istragàtzu istragàciu

istragazènte , agt Sinònimos e contràrios atzegatzioneri, ifadosu Ètimu srd.

istragéntu , nm Sinònimos e contràrios istrachia, istrasura, trarchia Frases oe puru, disisperu, ses cun mimi, cun is bàtiles bentulados in d-una note de istragentu (T.Frau).

istràghida , nf Sinònimos e contràrios istracada 1, istragatzu, scioscionu Frases s'intendhiat s'apeisinzu de sos cadhos e s'istràghida de sas rodas Ètimu srd.

istraghitúdine istrachidúdine

istragiàdu , agt Definitzione chi est bestiu male, totu male postu de bestimentu Sinònimos e contràrios isconfusu, malatragiau, malatrociau Frases istaiat male, fit lanzu che corru, totu istragiadu e avilongu pariat drommendhe in d-unu pedhasu Ètimu srd.

istragnía , nf: istrangia, istranzia, strangia Definitzione is istràngios, sa gente de fora, de àteras bidhas, de logu fora de sa Sardigna Sinònimos e contràrios istranzina, istranzúmene Frases in Sardigna cumandhat s'istranzia ◊ iscatza dogni istranzia, torra líbbera e una, o Terra mia! (B.Cara)◊ como no est prus sacra s'istranzia Ètimu srd.

istràgnu , agt, nm: istràngiu, istranzu, stràngiu Definitzione chi o chie est de fora, de àtera bidha, de àteros logos, mescamente candho si agatat in logu angenu, cun gente angena; chi o chie est de fora ma arreciu in domo de amigos, cun amigos, cun gente connota Sinònimos e contràrios afertu, aproviau, foranu, forasteri Maneras de nàrrere csn: zente bon'a istranzu = chi collit, chi acasazat s'istranzu; a istranzinu = che istranzos, coment'e istranzu Frases sa zente sarda est sugeta, pro lusinga o pro mineta, a istranza segnoria (S.Casu)◊ afusau che póveru pidore, s'istranzu mi at tochedhau sa zanna ◊ o Sardigna, sempri manus istràngias a tirai is filus! ◊ est pitziosu e grai su bíviri in logu allenu de istràngiu ◊ sardos, si mustrant istranzos che a su matzone cambiendhe intinu! ◊ iscampainosí de sa bregúngia de negai pani e binu a s'istràngiu e a su bixinu! ◊ no ti apo mai biu: ite ses, istragnu? 2. oe in domo bi tenzo istranzos e no poto atèndhere a nudha àteru ◊ ndi erriceis istràngius? Sambenados e Provèrbios prb: inube bi at istranzu, mancari malu, bi est Deus Ètimu ltn. extraneus Tradutziones Frantzesu étranger, hôte Ingresu stranger, host Ispagnolu extraño Italianu estràneo, òspite Tedescu fremd, Gast.

istràgnu 1 , nm Definitzione cosa ispantosa, de fàere ispantu, genia de miràculu, cosa istrana Ètimu spn. estraño.

istragonàda , nf Definitzione cropu forte de abba, próida manna Sinònimos e contràrios abbísciu, istrasura, istrúgulu, tragonada.