A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

mucuxòne , nm, agt Definition chi o chie est pitichedhu de carena, unu forchidhu, nanu Synonyms e antonyms malavascione Scientific Terminology zcrn Translations French nabot, -ote, laideron English freak, dwarf Spanish renacuajo, esperpento Italian mostriciàttolo German kleines Scheusal, Mißgeburt.

múda , nf Definition su mudare; su fàere bellu unu logu o una cosa; sa cosa chi si ponet po mudare, po fàere unu logu prus bellu, o fintzes bestimentu bonu chi si ponet in dossu po festa o solu po dhu portare límpiu Synonyms e antonyms istramudinzu, mudadura, mudansa / càmbiu, tràmmudu Idioms csn: traste de m. = traste chi de tantu in tantu si ndhe bogat a pizu pro lu pònnere; sa m. de sa festa = bestimenta bona Sentences milli allegrias, dícias chi no fentomo, paraiant a muda sa domita (A.Spano)◊ tres fizos, tres gigantes, tres fiores poniant sa muda in custu logu che matzu de lizos friscos in s'altare ◊ arrecadas a muda portat s'Annuntziada… 2. s'istatzu est sa muda de su saltu ◊ ti at frundhidu che lórumu de trama sa chi ti aiat dévidu pesare che anzonedhu chi est sa muda de s'ama ◊ pro muda si at postu su mantedhu 3. sa muzere li at preparadu sa bestimenta de muda, ca deviat tucare Etymon srd. Translations French changement, métamorphose, changement, embellissement English change, embellishment Spanish mutación, cambio, embellecimiento Italian mutaménto, metamòrfosi, mutazióne, abbelliménto German Veränderung, Verwandlung, Verschönerung.

múda 1 mòta 2 Sentences

mudaciàre , vrb Definition bestire àteru bestimentu, bonu, límpiu Synonyms e antonyms tramudai 2. aiat acudidu una truma de amigos e parentes bene mudaciados ca Nina si depiat coxuare (A.Langiu) Etymon srd.

mudàda , nf Definition su mudare Synonyms e antonyms cambiada, cambiamentu, mudadura, mudansa Sentences arratza de mudada chi at fatu, totinduna! Etymon srd. Translations French changement English change Spanish mutación Italian mutaménto German Veränderung, Änderung, Wechsel.

mudadítzu , agt Definition chi càmbiat, podet cambiare, est sugetu a cambiare Synonyms e antonyms mudangiosu, mudóngiu Etymon srd.

mudàdu , pps, agt: mutatu, mudau Definition de mudare; bestiu o postu bene, che in die de festa, totu bene cuncordau / mudadu che chereu = totu bene postu, galanu, bellu che a su chereu de Pasca Synonyms e antonyms cambiadu, tramunadu | ctr. isconfusu / isfrunidu 2. si sas muntagnas fint de macarrones ei sos rios de binu mudadu, e ite vida sa de sos mandrones! 3. essis mudada cun bellos zipones a dispetu de totu sas bajanas ◊ pitzinna, bella pitzinna, cantu mi ses aggradada: sa domíniga, mudada, su lunis andhendhe a linna! Surnames and Proverbs smb: Mudadu, Mudau Translations French changé, embelli English changed, embellished Spanish cambiado, embellecido Italian mutato, abbellito, adórno German gewechselt, verändert, verschönert.

mudadúra , nf Definition su mudare Synonyms e antonyms cambiamentu / mudansa, tràmmudu Sentences sa mudadura de su late in casu si faet betàndhebi su cazu 2. tenes un'imbustu de zúghere a mudadura ◊ cussa criatura fit sa mudadura, sa cuntentesa de sa domo! Etymon srd.

mudài , vrb: ammudai, mudare, mutare Definition cambiare, fintzes cambiare de logu, de istrégiu, ma mescamente in su sensu de fàere o de si fàere bellu, galanu, postu bene de bestimentu, alligru / mudàresi chei sa Luna = abarrai sempri a su càmbia càmbia, èssiri chentza firmesa; mudare su binu = itl. travasare, betare límpiu a un'àteru istrégiu lassandho sa feghe Synonyms e antonyms addegiare, atramudai, cambiai, cuncodrai / iscolomare Sentences at mudadu de prontu opinione ◊ dogni annu in beranu ti mudas, rica d'ervas e fiores ◊ tia mudare sa tristura in allegria ◊ issa fit s'abba connota chi curriat in sas venas meas mutanne su disconnotu in connotu ◊ sa famíglia gei fiat arrica, ma su destinu at mudau totu! 2. ma càstia custus froris acomenti mudant su logu! ◊ su bonu fàghere mudat sa pessone ◊ su pudhedru fit mudadu cun fiocos e collanas ◊ su beranu mudat a festa s'universu intreu (R.Bechere)◊ ricamus indoraus totu a filus de òru mudant a nou s'altari…◊ mudas sa cambarara candu arriis e fuedhas! 3. cheret mudadu su binu, gai abbarrat prus netu e no si guastat Etymon ltn. mutare Translations French changer, parer, orner English to change, to adorn Spanish mudar, acicalar, adornar Italian mutare, addobbare, adornare German verändern, wechseln, verschönern, verzieren.

mudaméntu , nm Definition su mudare Synonyms e antonyms cambiamentu, mudadura, mudansa, mudascione Sentences donzi cosa at mudamentu, totu est in mudamentu Etymon srd. Translations French transformation, changement English transformation Spanish transformación Italian trasformazióne, divenire German Verwandlung, Veränderung.

mudàndha , nf: mudanna, muranda Definition prus che àteru nau pl., bestimentu de fundhu, fine, po su prus curtzu, ma fintzes longu, a bestire che is pantalones, asuta, a primu pígiu / pònnere, bogare, falaresiche, pigaresiche sas m. Sentences si no parit ca funt bistius a murandas crúcias!… Scientific Terminology bst Translations French culotte, slip, caleçon English briefs, panties Spanish braga Italian mutande German Unterhose.

mudangiósu , agt Definition chi mudat, chi càmbiat o chi podet cambiare Synonyms e antonyms mudóngiu, tramudadorju Etymon srd.

mudàngiu , agt Synonyms e antonyms mudangiosu, mudóngiu Etymon srd.

mudànna mudàndha

mudànsa, mudànscia , nf: mudantza, mudàntzia, mutantza Definition su mudare; fintzes su bestimentu càmbiu, prus bonu, chi unu si ponet Synonyms e antonyms cambiamentu, muda, mudadura, mudamentu, mudascione / tràmmudu 2. s'isposa iat postu sa mudantza ispeciali de sa dí de sa coja Translations French changement English mutation Spanish mudanza Italian mutazióne German Veränderung, Verwandlung.

mudànte, mudànti , nm Definition sa muda, bestimentu límpiu de cambiare, de pònnere a càmbiu; totu s'orrobba, is trastos téssios; persona chi pigat bestiàmene in afitu Synonyms e antonyms muderi 2. sos mudantes istérridos los at torrados a ifúndhere s'abba ◊ andhamus a sa baltza pro isciucare sos mudantes.

mudàntza, mudàntzia mudànsa

mudàrche , nm Definition trigu séberu, ispigas de is méngius chistias abbandha po sèmene de pònnere in terrenu apostadamente po fàere sèmene prus bonu Sentences teles semenaos a mudarche.

mudàre mudài

mudasciòne, mudassiòne , nf Synonyms e antonyms cambiamentu, mudadura, mudamentu, mudansa Sentences custu coro no est sugetu a determinos de mudascione (P.Mossa)◊ chie at fatu su mundhu e lu guvernat l'at cumpostu de annos e istajones, a sas cales diversas mudassiones cumandhesit cun lege sempiterna (L.Marongiu).