A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mucuxòne , nm, agt Definitzione chi o chie est pitichedhu de carena, unu forchidhu, nanu Sinònimos e contràrios malavascione Terminologia iscientìfica zcrn Tradutziones Frantzesu nabot, -ote, laideron Ingresu freak, dwarf Ispagnolu renacuajo, esperpento Italianu mostriciàttolo Tedescu kleines Scheusal, Mißgeburt.

múda , nf Definitzione su mudare; su fàere bellu unu logu o una cosa; sa cosa chi si ponet po mudare, po fàere unu logu prus bellu, o fintzes bestimentu bonu chi si ponet in dossu po festa o solu po dhu portare límpiu Sinònimos e contràrios istramudinzu, mudadura, mudansa / càmbiu, tràmmudu Maneras de nàrrere csn: traste de m. = traste chi de tantu in tantu si ndhe bogat a pizu pro lu pònnere; sa m. de sa festa = bestimenta bona Frases milli allegrias, dícias chi no fentomo, paraiant a muda sa domita (A.Spano)◊ tres fizos, tres gigantes, tres fiores poniant sa muda in custu logu che matzu de lizos friscos in s'altare ◊ arrecadas a muda portat s'Annuntziada… 2. s'istatzu est sa muda de su saltu ◊ ti at frundhidu che lórumu de trama sa chi ti aiat dévidu pesare che anzonedhu chi est sa muda de s'ama ◊ pro muda si at postu su mantedhu 3. sa muzere li at preparadu sa bestimenta de muda, ca deviat tucare Ètimu srd. Tradutziones Frantzesu changement, métamorphose, changement, embellissement Ingresu change, embellishment Ispagnolu mutación, cambio, embellecimiento Italianu mutaménto, metamòrfosi, mutazióne, abbelliménto Tedescu Veränderung, Verwandlung, Verschönerung.

múda 1 mòta 2 Frases

mudaciàre , vrb Definitzione bestire àteru bestimentu, bonu, límpiu Sinònimos e contràrios tramudai 2. aiat acudidu una truma de amigos e parentes bene mudaciados ca Nina si depiat coxuare (A.Langiu) Ètimu srd.

mudàda , nf Definitzione su mudare Sinònimos e contràrios cambiada, cambiamentu, mudadura, mudansa Frases arratza de mudada chi at fatu, totinduna! Ètimu srd. Tradutziones Frantzesu changement Ingresu change Ispagnolu mutación Italianu mutaménto Tedescu Veränderung, Änderung, Wechsel.

mudadítzu , agt Definitzione chi càmbiat, podet cambiare, est sugetu a cambiare Sinònimos e contràrios mudangiosu, mudóngiu Ètimu srd.

mudàdu , pps, agt: mutatu, mudau Definitzione de mudare; bestiu o postu bene, che in die de festa, totu bene cuncordau / mudadu che chereu = totu bene postu, galanu, bellu che a su chereu de Pasca Sinònimos e contràrios cambiadu, tramunadu | ctr. isconfusu / isfrunidu 2. si sas muntagnas fint de macarrones ei sos rios de binu mudadu, e ite vida sa de sos mandrones! 3. essis mudada cun bellos zipones a dispetu de totu sas bajanas ◊ pitzinna, bella pitzinna, cantu mi ses aggradada: sa domíniga, mudada, su lunis andhendhe a linna! Sambenados e Provèrbios smb: Mudadu, Mudau Tradutziones Frantzesu changé, embelli Ingresu changed, embellished Ispagnolu cambiado, embellecido Italianu mutato, abbellito, adórno Tedescu gewechselt, verändert, verschönert.

mudadúra , nf Definitzione su mudare Sinònimos e contràrios cambiamentu / mudansa, tràmmudu Frases sa mudadura de su late in casu si faet betàndhebi su cazu 2. tenes un'imbustu de zúghere a mudadura ◊ cussa criatura fit sa mudadura, sa cuntentesa de sa domo! Ètimu srd.

mudài , vrb: ammudai, mudare, mutare Definitzione cambiare, fintzes cambiare de logu, de istrégiu, ma mescamente in su sensu de fàere o de si fàere bellu, galanu, postu bene de bestimentu, alligru / mudàresi chei sa Luna = abarrai sempri a su càmbia càmbia, èssiri chentza firmesa; mudare su binu = itl. travasare, betare límpiu a un'àteru istrégiu lassandho sa feghe Sinònimos e contràrios addegiare, atramudai, cambiai, cuncodrai / iscolomare Frases at mudadu de prontu opinione ◊ dogni annu in beranu ti mudas, rica d'ervas e fiores ◊ tia mudare sa tristura in allegria ◊ issa fit s'abba connota chi curriat in sas venas meas mutanne su disconnotu in connotu ◊ sa famíglia gei fiat arrica, ma su destinu at mudau totu! 2. ma càstia custus froris acomenti mudant su logu! ◊ su bonu fàghere mudat sa pessone ◊ su pudhedru fit mudadu cun fiocos e collanas ◊ su beranu mudat a festa s'universu intreu (R.Bechere)◊ ricamus indoraus totu a filus de òru mudant a nou s'altari…◊ mudas sa cambarara candu arriis e fuedhas! 3. cheret mudadu su binu, gai abbarrat prus netu e no si guastat Ètimu ltn. mutare Tradutziones Frantzesu changer, parer, orner Ingresu to change, to adorn Ispagnolu mudar, acicalar, adornar Italianu mutare, addobbare, adornare Tedescu verändern, wechseln, verschönern, verzieren.

mudaméntu , nm Definitzione su mudare Sinònimos e contràrios cambiamentu, mudadura, mudansa, mudascione Frases donzi cosa at mudamentu, totu est in mudamentu Ètimu srd. Tradutziones Frantzesu transformation, changement Ingresu transformation Ispagnolu transformación Italianu trasformazióne, divenire Tedescu Verwandlung, Veränderung.

mudàndha , nf: mudanna, muranda Definitzione prus che àteru nau pl., bestimentu de fundhu, fine, po su prus curtzu, ma fintzes longu, a bestire che is pantalones, asuta, a primu pígiu / pònnere, bogare, falaresiche, pigaresiche sas m. Frases si no parit ca funt bistius a murandas crúcias!… Terminologia iscientìfica bst Tradutziones Frantzesu culotte, slip, caleçon Ingresu briefs, panties Ispagnolu braga Italianu mutande Tedescu Unterhose.

mudangiósu , agt Definitzione chi mudat, chi càmbiat o chi podet cambiare Sinònimos e contràrios mudóngiu, tramudadorju Ètimu srd.

mudàngiu , agt Sinònimos e contràrios mudangiosu, mudóngiu Ètimu srd.

mudànna mudàndha

mudànsa, mudànscia , nf: mudantza, mudàntzia, mutantza Definitzione su mudare; fintzes su bestimentu càmbiu, prus bonu, chi unu si ponet Sinònimos e contràrios cambiamentu, muda, mudadura, mudamentu, mudascione / tràmmudu 2. s'isposa iat postu sa mudantza ispeciali de sa dí de sa coja Tradutziones Frantzesu changement Ingresu mutation Ispagnolu mudanza Italianu mutazióne Tedescu Veränderung, Verwandlung.

mudànte, mudànti , nm Definitzione sa muda, bestimentu límpiu de cambiare, de pònnere a càmbiu; totu s'orrobba, is trastos téssios; persona chi pigat bestiàmene in afitu Sinònimos e contràrios muderi 2. sos mudantes istérridos los at torrados a ifúndhere s'abba ◊ andhamus a sa baltza pro isciucare sos mudantes.

mudàntza, mudàntzia mudànsa

mudàrche , nm Definitzione trigu séberu, ispigas de is méngius chistias abbandha po sèmene de pònnere in terrenu apostadamente po fàere sèmene prus bonu Frases teles semenaos a mudarche.

mudàre mudài

mudasciòne, mudassiòne , nf Sinònimos e contràrios cambiamentu, mudadura, mudamentu, mudansa Frases custu coro no est sugetu a determinos de mudascione (P.Mossa)◊ chie at fatu su mundhu e lu guvernat l'at cumpostu de annos e istajones, a sas cales diversas mudassiones cumandhesit cun lege sempiterna (L.Marongiu).