A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

pastorizàre , vrb Definition tratare su late a calore forte a manera de no si guastare ma chentza dhi fàere pèrdere is calidades chi si iant a pèrdere cun su budhimentu, coendhodhu; fintzas pastorigare 2. chie pastorizat manighizat.

pastorízu , nm Definition totu su manígiu chi si faet a su late Sentences tziu Ortale fit urtimandhe sos pastorizos de su late in su cuile, apenas úmpriu su recotu Etymon srd.

pastosidàde, pastosidàdi , nf Definition su èssere pastosu, nau de is papares.

pastósu , agt Definition nau de alimentu, chi prenet, chi giaet sustàntzia meda (nau de terrenu puru) Sentences Silanos, ses cussorza 'e poesia ca possedis pastosu su terrinu (B.Longu).

pastróxu partóxu

pàstu , nm Definition su papare cunsideradu coment'e borta chi si papat, chi si pigat Synonyms e antonyms scatúsciu Sentences tra irmurzu, merendha e chena si faghent tres pastos a die ◊ s'at papau a unu pastu su cadhu cun s'imbastu, ingurtit che surcu de abba! Etymon ltn. pastus Translations French repas English meal Spanish comida Italian pasto German Essen, Mahlzeit.

pastudrèmini , nm Definition erva de ràmine, genia de erba chi camminat meda sutaderra, totu cambos nuosos e tostaos (chi faent is arraighinedhas, fines fines, in is nodos) istrobbosa e mala a bínchere fintzes in logu trebballau Synonyms e antonyms araminzu, arramanarxu, eràmine, gràmene, norodhàsile, orgodhàsile, orodhasu, trèmini Sentences in bíngia su pastudrèmini tocat a dhu circai bèni po ndi dhu bogai totu Scientific Terminology rba, Cynodon dactylon Translations French chiendent English scutch Spanish grama Italian gramigna German Hundszahn.

pastúmini , nm Definition cosa de papare, prus che àteru po bestiàmene.

pastúra , nf Definition su logu e s'erba a pàschere / p. franca = pàsculu francu, genia de cuntratu (unu ponet is pàsculos, s'àteru su bestiàmene e su trebballu: su frutu est a mesapare) Synonyms e antonyms ammindha, erba, paschinzu, pàsculu Sentences sunt bichinos de pastura ◊ sos pastores pregant s'abba pro chi crescat sa pastura ◊ truvat su masone a sa ínnida pastura ◊ cussas tancas las tenent issos in pastura ◊ cufromma a sa pastura sa rassura Etymon ltn. pastura Translations French pâturage English graze Spanish pasto Italian pàscolo German Weide.

pasturài , vrb: pasturare Synonyms e antonyms pàscere Sentences su pastore si leat su bachidhu e bogat sas alveghes pasturendhe ◊ issus funt pasturendi bestiàmini insoru.

pasturàle , nm Definition in sa camba de is cuadhos, tretu a bisura de nodu e chirrione de pilos longhitos in s'annoigadórgiu tra su cambúciu e sa cannedha Sentences sa cannedha àrtziat dae s'arva de su pasturale a su grenucu (G.Albergoni)◊ sos pasturales sont de su matessi pilu e colore de s'animale Scientific Terminology crn.

pasturàre pasturài

pasturía pastoría

pasturicàre pastoricàre

pàsu pàsa 1

pasulànu , agt Definition chi abbarrat asseliau, in pàusu Synonyms e antonyms pachiosu, pàsidu Sentences allegra e pasulana, sa porchedha incalorida si fit drommida in sa friscura Etymon srd.

pàta , nf Definition su calore de sa forredha, ma fintzes sa basca Synonyms e antonyms caentu, patera, tebidori / basca | ctr. frios Idioms csn: avb.: a p. a fogu, a p. de fogu = a calor'a fogu; cotu a p. = cotu in su pamentu de su foghile imbudhighinadu; p. a… = afaca a…; su fogu betat p. = mandhat caentu Sentences lezindhe custu contu paret de intèndhere sa pata de su forru coghindhe su pane ◊ no caentao mancu a pata a fogu (P.Bitto)◊ fit in domo sétzidu a pata a fogu ◊ intret segura sa pata de beranu! 2. fimus sétzidos pata a tie a nos contare sos contos Surnames and Proverbs smb: Pata, Patta Translations French chaleur du foyer English home warmth Spanish calor del hogar Italian calóre del focolare German Wärme der Feuerstelle.

pàta 1 , nf Definition su matessi tanti de un'àteru, s'arresurtau oguale a su de s'àteru Synonyms e antonyms cdh. impata Idioms csn: fàghere p., èssere a p. = èssere patos, àere su matessi tantu (de puntos, de cosa addesumada, e gai); cadhos de pata = cuadhus chi lompint impari, currendi; andai, o fai cosa, pat'apari = paris, totu paris; sos puzones de pata = de sa matessi cria, chi si che bolant paris; pat'apari = fàcia apari Sentences amus fatu pata zoghendhe a cartas ◊ sos cadhos a paríglia in serras ponent pata de óbbligu ◊ dae nidu est boladu cun alas de astore lassendhe in d-una in d-una sos puzones de pata in bidatone (A.Dettori)◊ cherimus su riconnoschimentu de su sardu paris e pata cun s'italianu ◊ candho tancamus contos semus a pata 2. duus amigus fiant andaus pata apari a is domus bècias po biri chi dhoi essiant cosas mauas ◊ cudhus duus s’ant contau pata apari su bisu chi ant fatu Translations French égalité English draw Spanish pata, empate Italian patta German Unentschieden.

patabàri , avb Definition pata a pari, pat'e pari = impare Sentences is dus piciocus ant decídiu de abarrai patabari.

patàda , nf Definition terrenu in paris, parighinu, in logos de monte, paris de logos artos / sa p. de sos cadhos = su pònnere impares is cuadhos candho tzucant a cúrrere Synonyms e antonyms campeda, giara Sentences l'aiant richiamadu pro andhare a gherrare contras a sos Austríacos in sa patada de Asiago ◊ s'elimóbbile l'ant dassadu in d-una patada chi galu serbàt sinnales de ortos e binzas (Z.F.Pintore) Scientific Terminology slg Etymon srd. Translations French haut plateau, alignement English upland, alignment Spanish altiplanicie, meseta, alineación Italian altopiano, allineaménto German Hochebene, Einreihung.