A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

strobedhadúra , nf Definition su strobedhai Etymon srd.

strobedhài strabedhài

strobedhalíngua , nm Definition filera de foedhos ue torrat unu sonu o síllabba chi cufundhet cun facilidade cun àtera chi dhi assimbígiat: es. unu crobu crésciu in d-una crobi de crésia si crediat crobu su prus togu de totu is trexentus crobus de sa Trexenta, ue torrat "cro", "cre", "to", "tre" Translations French série de mots difficiles à prononcer vite English tonguetwister Spanish trabalenguas Italian scioglilìngua German Zungenbrecher.

strobillài , vrb: istrobillai* Synonyms e antonyms ilboligare, irbojare Sentences est strobillendi is madassas arrulladas.

strobillicài , vrb Synonyms e antonyms istrobillai, scabbúlliri Etymon srd.

strobíri strebíri

strochillài , vrb: strocillai Definition foedhare trochendho is murros e cambiandho sa boghe o fàere ingestos coment'e po pàrrere un'àteru po dhu pigare a befa, po erríere Synonyms e antonyms istòlchere, istrochire, istrochizare / cantonare, ifutire Sentences gopai fiat prexau candu as cumentzau a strochillai sa prallata! Etymon srd. Translations French singer English to ape Spanish remedar Italian scimmiottare German nachäffen.

stròci stòrciri

strociarràna straciaràna

strocidòri , agt, nm: istrocadore* Definition chi o chie dhu tenet de avesu a istròchere is àteros.

strócidu, strocíu, stróciu , nm: (stró-ciu) istróchidu*, istrocu Definition ingestu chi si faet o cosa chi si narat, cambiandho sa boghe e trochendho is murros, po istròchere, pigare a befa, fàere arrennegare; fintzes buatone, mamutzone, prus che àteru nau de ccn. po èssere bestiu male / fai su stróciu = istròchere / a/c. a su pl. sa /ò/ est abberta: stròcius Synonyms e antonyms strocidura, strocimentu Sentences dèu no timu stróciu mancai cumentzint giai a mi tzerriai su nomíngiu ◊ pariat chi sa gioventudi bidhanoesa fut fendu su stróciu a is boxis chi s'intendiant in sa radio ◊ su tempus ti at a isconciai sa bellesa, a stròcius piticus, finas a signai totu sa faci tua 3. cambiadia, ca comenti ses bestiu mi paris unu strociu! Translations French grimace English grimace Spanish mueca Italian boccàccia, smòrfia German Grimasse, Fratze.

strocidúra , nf: istrochidura* Definition su istròchere, ingestu chi si faet o cosa chi si narat, cambiandho sa boghe e trochendho is murros, po istròchere Synonyms e antonyms istróchidu, istrochimentu, istrocu.

strocillài strochillài

strociméntu , nm: istrochimentu* Synonyms e antonyms istróchidu, istrochidura, istrocu.

stròciri stòrciri

strócula , nf Definition tàula cun orrugu de ferru a cad’ala po sonare in chida santa: su ferru est fatu a bisura de asa intrada in duas lórigas de ferru etotu cravadas in sa tàula in mesania una asuta de s’àtera (e a parte e àtera de sa tàula), a manera chi movendho a cropu sa tàula in sensu rotatóriu de mesu giru verticale (pigandhodha a manu prena in s’asa chi arresurtat istampandho sa tàula a oru in artu), is ferros iscudent a sa tàula faendho duos tzàcurros impare Synonyms e antonyms mastràcula Scientific Terminology sjl.

stródhu , nm Definition su stòdhiri / papai su pani a strodhu = segandhondhe a bículos.

strofòdho , agt, nm Definition nau de ccn., chi o chie est tropu grassu de no si pòdere aúrghere, mancu mòvere Synonyms e antonyms introdhi, trofodhu, trudhoni 1.

strogadúra , nf Definition su strogai Synonyms e antonyms isorbidura, scapiadura | ctr. annodadura, prendhidura Etymon srd.

strogài, strogàri , vrb Definition iscapiare cosa acapiada, fàere a lómboru su filu de una madassa, ispodhicare cosa imbodhigada: in cobertantza, arrangiare una chistione; fintzes atrotigare, furriare Synonyms e antonyms illiare, isòlbere, isprèndhere, scapiai / tirai | ctr. acapiae, prèndhere, trogai Sentences strogaidhu is manus e is peis e lassaidhu andai! ◊ iant strogau is funis e, isprata sa vela maista, si fuant móvius ◊ tocat a strogari cust'auera de su truncu 2. tui no andas a logu perunu, ca sa madassa dha strogu dèu! 3. a su pilloni dh'at strogau su tzugu e si dh'at papau Etymon srd. Translations French défaire, dénouer English to unlace Spanish desatar Italian sciògliere, slacciare German lösen, aufschnüren.