A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

stronadúra , nf Definition su stronai 1 Synonyms e antonyms stronamentu, tumbimentu Sentences acident'e conca, soi fata a stronadura! Etymon srd.

stronài , vrb: istronai* Definition foedhare de sa trona, predicare.

stronài 1 , vrb: istronae* Definition fàere sa conca a casidhu, coment’e a moida a fortza de intèndhere, cunfúndhere de no atuare bene Synonyms e antonyms alloriai, atordire, atronai, scilibriri Sentences issa tenit abbisóngiu de arriposai e nosu seus stronandudedha cun is ciaciarras nostras 2. prus de unu est abarrau stronau de cudha cultura italiana chi no bolit lassai funi longa a sa cultura sarda (A.Satta) Translations French étourdir English to confuse Spanish aturdir Italian frastornare German belästigen.

stronaméntu , nm Synonyms e antonyms stronadura, tumbimentu Etymon srd.

stronciài , vrb: istrunchiare*, strunciai (strun-ci-a-i) Definition fàere una cosa a stròncius, a orrugos; segare a istúturu, arrespòndhere male, pigare a boghes, de malu crabbu, murrungiare, brigare Synonyms e antonyms arrogai, secare, struncionai / abboluire, abbruncai, ataciai, chelcire, irmurrare, sbruncai, struncionai, trilliare Sentences pigat su pani, dhu strònciat e si ponit a papai ◊ seu giai stroncendumindi un'arrogu, de cussu pani! 2. no bollu strunciai, ma certus dotoris funt cumbintus de isciri curai su malàdiu ◊ seu discuidau e tenint arrexoni de mi strunciai Translations French démolir (fig.), gronder, blâmer English to put down, to scold Spanish vapulear, reprobar Italian stroncare, sgridare, biasimare German abbrechen, ausschimpfen, tadeln.

strònciri , vrb Definition s. sa buca = fàere su bruncu coment'e tenendho ischifu de calecuna cosa Synonyms e antonyms istròchere.

strónciu, strónciulu , nm: strúnciu, strúnciulu, trónciu* Definition bículu, orrugu de cosa, prus che àteru pane, segau a manos / segai a strónciu = nau de manera de fàere a sa grussera, chentza delicadesa e ne crabbu Synonyms e antonyms acantu 1, arrogu, bículu, istallada, rúgiu 1, tancu | ctr. totu Sentences donaisidhu unu strúnciu de pani! ◊ unu strónciu de pani e saludi po bivi in allirghia! ◊ giaunàt candu no agatàt a nemus de dhi donai unu strónciu de pani ◊ su malassortau est cumossendu ferenu po unu strónciulu de civraxu Translations French morceau, bout English piece Spanish trozo Italian pèzzo German Stück.

strontòni , nm Definition nau de persona, chi est unu de dispretziare Synonyms e antonyms istruntzu.

stròpalu , nm Definition sa parte prus larga, s'úrtimu tretu de s'istentina de su porcu Synonyms e antonyms budhales, cordule, erca, fodhale, strópudhu, tòparu* Scientific Terminology crn.

stropiài , vrb: istropiai*, strupiai Definition pònnere istrúpiu, fàere dannu, guastu chi dhi abbarrat, a sa carena / s. sa minestra = fàere andhare male un'afare Synonyms e antonyms bisastrare, immelmare, irfrezare, iscempiai, iseniare.

strópudhu , nm Definition sa parte prus larga, s'úrtimu tretu de s'istentina de su porcu Synonyms e antonyms budhales, cordule, erca, fodhale, stròpalu, tòparu* Scientific Terminology crn.

stròssa , nf: istrònscia* Definition dannu, male mannu chi distruet totu / pròiri a s., fàiri s. = a dellúbbiu, a malistropiadura Synonyms e antonyms arruinu, degógliu, derruta, desacatu, destrossa, istralia, sderrocu, sderrota, sderruimentu / ildeoltu, ilgrabbuladu, istramu Sentences incarrerat a proi… e a s'acabbu at fatu una strossa ◊ anchi tèngasa strossa! ◊ ant fatu una strossa de genti 2. seu atzopiendi ca cussa strossa de sabbateri mi at fatu unu taconi artu e unu bàsciu! Translations French massacre English slaughter Spanish masacre Italian strage German Blutbad.

strossàda , nf Definition iscutulada manna de abba, nue forte de bentu (e in cobertantza fintzes àteru a meda) Synonyms e antonyms strasura Sentences sa prédica fiat istétia curtza e poderosa cantu sunt totus is strossadas de austu ◊ un'araxi frida sulàt a strossadas fadendu furriotus a is contonadas ◊ de monti ndi calànt strossadas de bentu budhiu (I.Lecca) Etymon srd.

strossadúra , nf Definition su pigare a su tzugu ponendho s'atzavoga Synonyms e antonyms aggangadura Etymon srd.

strossài , vrb Definition pònnere s'atzavoga, pigare e istrínghere su tzugu a forte Synonyms e antonyms aggangae, aggangulitare, apistijare, apuligare, atuduxare, atzavogare, studugai Etymon itl. strozzare.

strotódhu , nm Synonyms e antonyms irfortzu, spropodhu Sentences piticu su strotodhu… pariat ca ndi depiat isciusciai totu e no at fatu nudha!

strotoxài stortixàe

strovílla , nf Definition padente de matighedhas, de tupas Synonyms e antonyms crachi, istruvina.

strubbàri storbài

strúbbu , nm: istrubba*, strumbu Synonyms e antonyms foete, istrumbu, puntógliu Sentences cancuna borta si donànt un'iscorriada de strubbu puru, candu andaiaus infatu de su carru.