A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

strobedhadúra , nf Definitzione su strobedhai Ètimu srd.

strobedhài strabedhài

strobedhalíngua , nm Definitzione filera de foedhos ue torrat unu sonu o síllabba chi cufundhet cun facilidade cun àtera chi dhi assimbígiat: es. unu crobu crésciu in d-una crobi de crésia si crediat crobu su prus togu de totu is trexentus crobus de sa Trexenta, ue torrat "cro", "cre", "to", "tre" Tradutziones Frantzesu série de mots difficiles à prononcer vite Ingresu tonguetwister Ispagnolu trabalenguas Italianu scioglilìngua Tedescu Zungenbrecher.

strobillài , vrb: istrobillai* Sinònimos e contràrios ilboligare, irbojare Frases est strobillendi is madassas arrulladas.

strobillicài , vrb Sinònimos e contràrios istrobillai, scabbúlliri Ètimu srd.

strobíri strebíri

strochillài , vrb: strocillai Definitzione foedhare trochendho is murros e cambiandho sa boghe o fàere ingestos coment'e po pàrrere un'àteru po dhu pigare a befa, po erríere Sinònimos e contràrios istòlchere, istrochire, istrochizare / cantonare, ifutire Frases gopai fiat prexau candu as cumentzau a strochillai sa prallata! Ètimu srd. Tradutziones Frantzesu singer Ingresu to ape Ispagnolu remedar Italianu scimmiottare Tedescu nachäffen.

stròci stòrciri

strociarràna straciaràna

strocidòri , agt, nm: istrocadore* Definitzione chi o chie dhu tenet de avesu a istròchere is àteros.

strócidu, strocíu, stróciu , nm: (stró-ciu) istróchidu*, istrocu Definitzione ingestu chi si faet o cosa chi si narat, cambiandho sa boghe e trochendho is murros, po istròchere, pigare a befa, fàere arrennegare; fintzes buatone, mamutzone, prus che àteru nau de ccn. po èssere bestiu male / fai su stróciu = istròchere / a/c. a su pl. sa /ò/ est abberta: stròcius Sinònimos e contràrios strocidura, strocimentu Frases dèu no timu stróciu mancai cumentzint giai a mi tzerriai su nomíngiu ◊ pariat chi sa gioventudi bidhanoesa fut fendu su stróciu a is boxis chi s'intendiant in sa radio ◊ su tempus ti at a isconciai sa bellesa, a stròcius piticus, finas a signai totu sa faci tua 3. cambiadia, ca comenti ses bestiu mi paris unu strociu! Tradutziones Frantzesu grimace Ingresu grimace Ispagnolu mueca Italianu boccàccia, smòrfia Tedescu Grimasse, Fratze.

strocidúra , nf: istrochidura* Definitzione su istròchere, ingestu chi si faet o cosa chi si narat, cambiandho sa boghe e trochendho is murros, po istròchere Sinònimos e contràrios istróchidu, istrochimentu, istrocu.

strocillài strochillài

strociméntu , nm: istrochimentu* Sinònimos e contràrios istróchidu, istrochidura, istrocu.

stròciri stòrciri

strócula , nf Definitzione tàula cun orrugu de ferru a cad’ala po sonare in chida santa: su ferru est fatu a bisura de asa intrada in duas lórigas de ferru etotu cravadas in sa tàula in mesania una asuta de s’àtera (e a parte e àtera de sa tàula), a manera chi movendho a cropu sa tàula in sensu rotatóriu de mesu giru verticale (pigandhodha a manu prena in s’asa chi arresurtat istampandho sa tàula a oru in artu), is ferros iscudent a sa tàula faendho duos tzàcurros impare Sinònimos e contràrios mastràcula Terminologia iscientìfica sjl.

stródhu , nm Definitzione su stòdhiri / papai su pani a strodhu = segandhondhe a bículos.

strofòdho , agt, nm Definitzione nau de ccn., chi o chie est tropu grassu de no si pòdere aúrghere, mancu mòvere Sinònimos e contràrios introdhi, trofodhu, trudhoni 1.

strogadúra , nf Definitzione su strogai Sinònimos e contràrios isorbidura, scapiadura | ctr. annodadura, prendhidura Ètimu srd.

strogài, strogàri , vrb Definitzione iscapiare cosa acapiada, fàere a lómboru su filu de una madassa, ispodhicare cosa imbodhigada: in cobertantza, arrangiare una chistione; fintzes atrotigare, furriare Sinònimos e contràrios illiare, isòlbere, isprèndhere, scapiai / tirai | ctr. acapiae, prèndhere, trogai Frases strogaidhu is manus e is peis e lassaidhu andai! ◊ iant strogau is funis e, isprata sa vela maista, si fuant móvius ◊ tocat a strogari cust'auera de su truncu 2. tui no andas a logu perunu, ca sa madassa dha strogu dèu! 3. a su pilloni dh'at strogau su tzugu e si dh'at papau Ètimu srd. Tradutziones Frantzesu défaire, dénouer Ingresu to unlace Ispagnolu desatar Italianu sciògliere, slacciare Tedescu lösen, aufschnüren.