A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

trabintàda , nf Definition orruta mala Synonyms e antonyms arratroxa, iscartinada, iscorjada, istrampada Translations French culbute, dégringolade English big tumble Spanish caída Italian tombolóne German schwerer Sturz.

trabitólu , nm: travitolu Definition min. de trabu, magiolu piticu Etymon srd.

trabitzédhu , nm Definition linnàmene segau apostadamente, longu e fine, de totunu andhare Synonyms e antonyms bigarone, currente 2, traizolu, tzivina 1.

trabojàre , vrb: trepojare, trobogiare, trobojare, troboxare Definition nau de cosa, de chistione, betare apare, ammesturare de no si cumprèndhere prus coment’est / trepojàresi favedhandhe = fadhíresi, cufúndheresi Synonyms e antonyms abberrisonare, aggadhionai, agghirrisonare, atrepillai, atrobutzare, imbogiare, impiligare, intrebedhai, trobodhicai, trobullai | ctr. istrepojare Sentences isse troboxat cuss'ignignoria de ancas in su tavolinu e bido su vaseto ruendhe! ◊ a troboxare sa limba a tie bi ndhe cheret! Translations French embrouiller English to tangle up Spanish enredar Italian ingarbugliare, intricare German verwickeln.

trabojéri , agt, nm Definition chi o chie faet trobojos, cosas pagu craras e no sèmpere cun idea bona o límpia, ponendho dificurtades a s'àteru Synonyms e antonyms imbusticheri.

tràbu , nm: trau, travu Definition in su bestimentu, segadedha a bisura de ogu totu cosia ororu de dhue pòdere intrare butone a dhu poderare serrau (a logos, fintzes iscórriu, segada e bastat); pl. genia de traos fatos po bellesa in is petorras de su cropete, in costúmenes de ómine; in s'iscala de su carru est s'incàsciu istampau chi si faet in is taulones de su fundhu po dhue intrare is bratzuleras de is gerdas Synonyms e antonyms ageta, bachíglia, baga, oghedhu, traca, traocu, trauca / frincu, secada Sentences est un'iscanzadura che unu trau de zacheta ◊ poniat s'orolozu in sa buzachedha de su gropete chin sa cadenedha ligada a su travu 2. s'at fatu unu bellu trau in su bratzu, comente est orrutu 3. in is taulones de su letu de su carru si faiant is traos po intrare e arrèschere is costeris Etymon ctl. trau Translations French boutonnière English buttonhole Spanish ojal Italian occhièllo German Knopfloch.

tràbu 1 , nm: trau 1, travu 1 Definition boe de fedu o de mamas, su mascu bulu cogiudu de betare a is bacas in more / min. trabitolu; forte che t. (nau de ccn.) = forti meda Synonyms e antonyms maglioru, tràilu Sentences su bentu est a corróchinos che trabu ispojoladu Etymon ltn. taurus Translations French taureau English bull Spanish toro Italian tòro German Stier.

trabúculu , nm Synonyms e antonyms cabruncu*, trabuncu

trabulatzòne , nm Synonyms e antonyms trabatzone Sentences como vint'annos a carrascialare dae Aldedu andhaimis umpare, deo minore e tue pisedhone chi ti bestias a trabulatzone.

trabúncu , nm Synonyms e antonyms cabruncu*

trabungàre , vrb: atrapungare Definition cosire a sa bona, comente essit essit Synonyms e antonyms afioncai, apunghedhare, atrapulai, cosinzare, sartzire, tapulare Etymon itl. trapuntare.

trabuntàna , nf: trapuntana, travuntana Definition bentu chi calat de su Nord (a logos t. arta, distinta de t. bàscia chi benit de Nord-Est) Synonyms e antonyms tramuntana* Sentences su bentu de trabuntana in cue pigat incanaladu muizendhe ◊ est gherrendhe contr'a su bentu fritu de travuntana ◊ sa die de carrasegare fit tirendhe un'atighedha de travuntana Scientific Terminology tpm Translations French tramontane English north wind Spanish cierzo, tramontana Italian tramontana German Tramontana.

trabuntanàrgiu , agt Definition nau de su logu, chi est a cara a travuntana, istat meda in umbra, palassole Synonyms e antonyms arbàrgiu, culassoli, umbrine, umbritzu | ctr. solianu Etymon srd.

trabútzu , nm: trafúciu, trautzu, travúciu, travurtzu, travutzu, trebussu, trebutu, trebutzu, treutu, treutzu, trevutzu, tribussu, tributu, tributzu, trigutzu, triutu, triutzu, trivutu, trivutzu, trubutzu, truputu, truvussu Definition genia de aina a bisura de frochita a màniga longa meda, a tres (e fintzes a bàtoro) corros longos po pigare a punghidura fenu, malesa segada, bentulare laore treulau e àteru; a logos, triutzu est sinnu de bestiàmene chi si faet in punta de s'origa (tres segadas de longu) Scientific Terminology ans Etymon ltn. trifurcium Translations French trident English hayfork Spanish horca de tres púas, bieldo Italian tridènte German Dreizack.

tràca , nf, nm: tracu Definition segada in s'orrobba cun s'inghíriu orollau a filu po intrare unu butone o una limeta Synonyms e antonyms ageta, bachíglia, baga, oghedhu, trabu, traocu Sentences sos ómines si poniant unu butone niedhu in su tracu de sa giancheta, pro lutu.

tràca 1 , nf: (sa t. = satràca) Definition genia de sonàgia chi si ponet a su bestiàmene (brebè, baca) fatu a base retangulare, de metallu grogo (no própriu brunzu) e de diferentes mannàrias Synonyms e antonyms tràcala Scientific Terminology snl.

tràca 2 , nf: (sa traca = nr. sadràca) Definition su carru totu bene cuncordau e ammontau po andhare a festa Synonyms e antonyms carragóciu Idioms csn: annare che t. = bene meda; pònnere a unu, una cosa in buca de t. = in primu pupa, po dha biri; pàrriri una t. (nadu de fémina)= cuncordara bèni, càrriga de oraria Sentences candu s'at cumbidau a prandi at cuncordau sa mesa coment'e una traca, pariat chi nci mancaiant isceti is bòis! ◊ ruant poi catzados che silvones o che tigres in traca a ferru fertas 2. su dinari chi apo incunzadu annat che traca pro mi che chitire su dépidu! Etymon itl. trabacca.

tràca 3 , nf Definition a logos, su orruo Synonyms e antonyms arrú Scientific Terminology mt, Rubus fruticosus.

tracàciu , nm Definition pitiolu, sonàgia.

tracàda , nf Definition su tracare; fintzes s'isperrada chi si faet in sa linna candho tracat Synonyms e antonyms tzacarrada / afilada, isperrada, tzacadura Etymon srd. Translations French crépitation English crackling Spanish chasquido Italian crepitazióne German Geknister.