A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

trególlu , nm: trégulu, tréulu, tríulu Definition murigamentu de cosas coment'e de treulóngiu, murigamentu de pentzamentos, chistiones, moidas e sonos de cosa movendho, boghes e àteru, cosa posta totu a s'afaiu; fintzes avolotu, protesta / èssere a tríulos de mata, de istògomo = giúghere sa bentre, s'istògomo avolotaos Synonyms e antonyms abbatúliu, abbolotu, atrepógliu, baraundha, mamudinu, sciumbullu, stragambullu, trambullu, trepollu Sentences mannu fut su tregollu de is sordaus ◊ in vida mia apu tentu tréulus, disprexeris e pensamentus (C.M.Costa)◊ pasàdebbos, gai ismentigades sos tríulos chi móssigant su coro! ◊ poi de tantu tríulu e matana sa morte mi at a dare eternu pasu (C.Ortu)◊ lassa a pèldere is campanas, faent solu tréulu! 2. su mere dhis donat tropu pagu a biàgiu e po cussu est nàsciu su tréulu ◊ imbídia no che at ne faghevaghe de minetas, de tríulos e gherras Etymon srd. Translations French pagaille, cohue, agitation English hubbub Spanish desbarajuste Italian scompìglio, bailamme, agitazióne German Verwirrung.

tregonàda , nf Definition iscutulada de abba, próina manna Synonyms e antonyms abbisciada, abbísciu, bírrida, dallúviu, defúgliu, pióida, strasura Sentences isérghidu est che grodhe in su padente in cudha note iscura e chena luna a tregonadas de abba e nie e bentu (L.Marteddu) Translations French averse English heavy shower Spanish chaparrón Italian rovèscio German Schauer.

trégua trèba

treguài, tregulàre trauài

trégulas trébua

tregulàu , pps, agt: trigulau, triulatu Definition de tregulare; fintzes immarriu meda, istracu.

treguléri trebuléri

trégulu trególlu

tréichi tréchi

treiciòba traiciòba

tréige, tréighi tréchi

treighína , nf Definition sumana de tréighi dies, prus che àteru dies de nuinas po unu santu; de una filera de cosas, sa chi in s'órdine arresurtat a tréighi.

tréigi, tréixi tréchi

trejèntos trecèntos

trelàxu telàgiu

trèma tèrema

tremàgliu , nm Definition genia de arretza a duos pígios po piscare in is errios.

tremàta tamàta, tramàta 1

trémbula , nf: trémula, trémulu 2 Definition su trèmere, su istare tremendho / trémulas de lughe = lughighedha mori mori Synonyms e antonyms tremedhera, trementa, tremuea Sentences est torrau a pidore: commo cudha manu balente isetat a trémula farfaruzas ◊ fit petinne chin sa bochedha a trémulas dae su titia ◊ a resistire addainanti meu ndhe atacat sa trémula a sos mastros!(Pirastru)◊ sa trémula mi múciat sas ancas ◊ nci dhi atacat una trémbula e cun su coru in buca àrtziat su crobecu po biri… Etymon srd.

tremedhèra , nf Definition su trèmere, su istare tremendho, treme treme, genia de móvia a iscutuladura totu parívile; fintzes genia de presse, furighedha Synonyms e antonyms trementa tremuea, tremuina, tremuledha / cdh. trimaredha Sentences dhi benit una tremedhera in totu su corpus e dhi tzacarrant is dentis puru 2. dh'at pigau sa tremedhera e si ndi est andau Etymon itl. Translations French frisson, tremblote English shivers Spanish tembleque Italian tremarèlla German Zittern.