A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tazàda , nf Definition su tazare, segada Synonyms e antonyms secada.

tazànte tagiànte

tazàre tallài

tazéri tagéri

tazichédhu , nm Definition tallu pitichedhu, tagighedhu, chedhita de pagos pegos Synonyms e antonyms cedhita, crezita, robbita.

tazòa tagiòla

tazòla , nf Definition taza pitica, astuledha de linna; una calidade de macarrones; fintzes orrugos o fita de casu, comente si ndhe piscat a is discos o si segat a papare cun pane, fintzes de su casu friscu faendhodhu, po dhu allisare; aterue, taulita chi si ponet in murros a is vitellos Synonyms e antonyms fita Sentences sa carapigna no fit àteru che tazolas de àstragu 2. sas duas calidades de símula fint pro sos macarrones (tazolas, ciciones, sucu) e pro sa matzafrissa (G.Addis) Etymon srd.

tazolàre , vrb Definition segare tazolas, fàere a tazolas, a tiras, a crantighedhos; pònnere sa tazola a is vitellos Synonyms e antonyms irtazolare Sentences est tazolandhe unu punzu de casu friscu pro cundhire sa pulenta ◊ su cumassu de su casu si tazolat a fitas Etymon srd.

tazòlla tagiòla

tazólu tagiólu

tazòra tagiòla

tàzu tàgiu

te , nm Definition una linna chi faet a mata manna, ma mescamente agguantada bàscia po arregòllere sa fògia, chi faent sicare, bona po fàere unu bufóngiu ponendhodha in abba budhia Scientific Terminology mt, Camellia sinensis.

te 1, tèi , prn Definition pron. de 2ˆ pers. sing., impreau a cumplementu ma prus che àteru a s'italiana Synonyms e antonyms tene Sentences eo regiro pro te, so pro te in arguai (P.Mossa)◊ torra, chi no at a èssere male po tei! Etymon ltn. te.

tè! , bvrb Definition tene!, lea!, aciapa!: si narat giaendho cosa a crantu in manu.

teatràle , agt Definition chi est de o po teatru.

teàtru , nm: treatu, triatru Definition logu, fràigu mannu fatu adatu po dhue fàere ispetàculos, de pòdere cicire gente meda a bíere e iscurtare; fintzes s’ispetàculu etotu (cummédia, tragédia) 2. in s’immensu teatru de s’umana vida nc’est sempri unu Giuda in su cenàculu (Danese) Etymon itl. Translations French théâtre English theatre Spanish teatro Italian teatro German Theater.

tèba , nf: tela Definition pannu lisu de linu, genia de orrobba téssia, fine, in colore biancu; orrugu de cosa adata po dhue fàere pintura; napa chi creschet in s'ogu / genias de tela: rigada, ispigada, crua, lasca, afissa, russa, fine Idioms csn: zúghere sa cara chei sa t. = bianca, irgrisida, in colore malu (de maladia, debbilesa, atzíchidu); torrare in beste de t. = pèrdere sos benes in su zogu; t. de aragna = tallaranis, naparangiolu Sentences donànt su linu a fibai po fai de custa teba 2. apu pintau tebas e mi seu inténdiu… pintori! ◊ a sos pintadores lis batiat colores, pinzellos e telas 3. de s'asciuconu fit biancu chei sa tela ◊ aiat birgontza de ammustrare su corpus ufratu, sa ghitza de sa cara bianca chei sa tela ◊ su zocu de sas cartas l'at torratu in beste de tela! Etymon ltn. tela Translations French toile English cloth Spanish tela Italian téla German Leinwand.

tèba 1 , nf: tébia, tébua, téua, téula, téura Definition terràglia cota (upm) a orrugu ladu (t. ciata, plana) o a bisura de canale larga a una bandha e unu pagu prus istrinta in s'àtera (sa sarda) po ammontare teuladas Idioms csn: sa t. sarda si ponet de duos betos: istérrida a canale una a costazu de s'àtera (cun sa parte astrinta a manu de fundhu, a sa parta bassa) e a coberta (covecada subra de duos canales e cun sa parte larga a manu de fundhu): sa filera fatante, prus in subra, si ponet chi resurtet unu tretu subra de sa prima filera, siat a canale e siat a coberta; téula ciata = itl. émbrice; calai una téula a unu (nadu in suspu) = rúere, bènnere o tocare cosa meda, interessu, fortuna; àere téulas (in cobertantza) = tènniri dinai, portai pistocu in bértula; mancare carchi téula a unu = èssiri pretocau, no èssiri tanti giustu de ciorbedhu; èssiri cotu che una teba = cotu che pipa, imbriagu pérdiu Sentences iat pesau a bobai portas, fantanas, gecas, portabis e sa teba de is crabeturas ◊ sa téula cheret chi no siat cannida ◊ si est bolada sa tébua de sa crabetura ◊ amus comporadu sa téula pro che finire sa cabertura 2. ge ndi dhis cabat una tébia, a is mòngias, cun totu su chi dhis ant lassau!…◊ a comporare cussa tanca bi cheret téulas! (P.Casu) Etymon ltn. tegula Translations French tuile English tile (roofing) Spanish teja Italian tégola German Dachziegel.

tebbacàre tabbacài