Ditzionàriu in línia
de sa limba e de sa cultura sarda

téciu , agt: télciu Definition chi at papau meda, bene; nau de sa manera de fàere de unu, chi si credet meda Synonyms e antonyms atatu, mascadu, satzau, zibbu / chíbbalu / altivu, mannósigu, presumidu | ctr. famidu Sentences sos ciclistas fint tècios che porchedhos chi no resessiant mancu a partire ◊ comente at finidu de bufare, s'animale fit téciu de abba ◊ tandho mandhigaiat bene e si che colcaiat télciu e cuntentu 2. est passadu acurtzu téciu téciu Etymon cdh.

teciúra , nf: telciura Definition manera de fàere de chie si credet meda Synonyms e antonyms alteriu, barrosia, blaga, magnosidade, prejumu Etymon srd.

tècla , nf Definition parte de una màchina de iscríere, de una computera, o àteru (tastiera) ue funt iscritas is líteras o àteros sinnos (o chi currispondhent a unu valore istabbiliu) e chi si incracant cun d-unu cropighedhu po lassare su singiale o a dónnia modu fàere s'efetu chi si bolet (es. sonu, nota) Synonyms e antonyms tastu 2 Etymon spn. Translations French touche d'un clavier English key Spanish tecla Italian tasto German Taste.

teclàu , nm Definition in màchina de iscríere, computera, sonetu, òrganu, armóniu e cosas deasi, órdine o filera de is tastos o teclas Synonyms e antonyms tastiera Etymon spn. Translations French clavier English keyboard Spanish teclado Italian tastièra German Tastatur.

tecói , nm Definition ccn. cosa, unu pagu de calesiògiat cosa, motivu, imperò Sentences torrais, istràngius innòi puru, immoi, e chena chi nemus si boghit tecoi po s'ammizai sa buca (G.Mura)◊ toca, bogadhi tecoi e cumbidadha a custa picioca, no nci dha lessist andai sentza de nudha! ◊ apu a tenni tecoi de fai ◊ apu comporau un'unguxedha de tecoi.

técu , nm Synonyms e antonyms giara, gollei, ibba, pranedha 1, taca* / toneri.

técus , prn: tegus Definition prn. de persona chi s'impreat agiummai solu cun sa prep. cun, chin po inditare prus che àteru cumpangia: chin tecus, cun tegus = cun tui Sentences cun tegus giogo e m'ispasso ◊ cun tegus so istadu note e die ◊ pro no mi èssere cun tecus amicadu no credas oe chi sia pentidu ◊ nois creimus in tegus ◊ ómine perunu at àpidu tratonzu malu chin tecus ◊ sa poesia in tegus est naschida che rosa bella, che rosa dechida (N.Demurtas) 2. la tenzo cun tegus, mih, pro su dannu chi mi as fatu! Etymon ltn. tecum Translations French avec toi English with you Spanish contigo Italian in tua compagnia, insième a te German mit dir.

tecussèi , avb Synonyms e antonyms aghinunca, deghinò, diacussu, sinono Sentences beni immoi, tecussei mi ndi andu (P.Pillonca)

tèda , nf Definition genia de candhela Synonyms e antonyms fiaca 1, làmpada Sentences a teda in manu illuminai totu s'aposentu! ◊ a su conchispilidu li lughet sa conca che teda ◊ tudadas sas tedas, in pag'ora si corcat puru dogni servidora Translations French flambeau English torch Spanish antorcha, tea Italian fiàccola German Fackel.

tedàja tadàgia

tedàju , nm Definition su pobidhu de sa tadàgia.

tedàssu tadàtzu

tedatajòla , nf Synonyms e antonyms cherridorja, impodhinajola, scedatzadori, sedatagiola*, séula, tatajola Sentences su tedatu chin sa tedatajola fint ifurcados in d-una bratzulera.

tedatàre , vrb: tedatzai Definition passare o fàere in sedatzu Synonyms e antonyms cerri, cherrintzonare, farinare, scedassai* Sentences Sisinna in s'aposentu de manixu est tedatzendi sa farra ◊ oe depet bènnere nura mia a tedatare.

tedàtu tadàtzu

tedatzài tedatàre

tedatzédhu , nm Definition tumborru piticu de linna serrau a una bandha cun pedhe de gatu, cun trinnitos ororu Scientific Terminology sjl.

tedéscu , agt, nm Definition chi pertocat o chi est de sa natzione tedesca (sa gente de Germània, Àustria, parte de s'Isvítzera, su Sud Tirolo e àteros territórios puru in parte de diferentes istados) Translations French allemand English german Spanish alemán Italian tedésco German deutsch, Deutsche.

tedéum , nm Definition Te, Deum: pregadoria in latinu chi cumènciat cun custos foedhos (a Tie, Deus), po arringratziamentu.

tedíbi, tedíle tadíbi