Ditzionàriu in línia
de sa limba e de sa cultura sarda

téciu , agt: télciu Definizione chi at papau meda, bene; nau de sa manera de fàere de unu, chi si credet meda Sinonimi e contrari atatu, mascadu, satzau, zibbu / chíbbalu / altivu, mannósigu, presumidu | ctr. famidu Frasi sos ciclistas fint tècios che porchedhos chi no resessiant mancu a partire ◊ comente at finidu de bufare, s'animale fit téciu de abba ◊ tandho mandhigaiat bene e si che colcaiat télciu e cuntentu 2. est passadu acurtzu téciu téciu Etimo cdh.

teciúra , nf: telciura Definizione manera de fàere de chie si credet meda Sinonimi e contrari alteriu, barrosia, blaga, magnosidade, prejumu Etimo srd.

tècla , nf Definizione parte de una màchina de iscríere, de una computera, o àteru (tastiera) ue funt iscritas is líteras o àteros sinnos (o chi currispondhent a unu valore istabbiliu) e chi si incracant cun d-unu cropighedhu po lassare su singiale o a dónnia modu fàere s'efetu chi si bolet (es. sonu, nota) Sinonimi e contrari tastu 2 Etimo spn. Traduzioni Francese touche d'un clavier Inglese key Spagnolo tecla Italiano tasto Tedesco Taste.

teclàu , nm Definizione in màchina de iscríere, computera, sonetu, òrganu, armóniu e cosas deasi, órdine o filera de is tastos o teclas Sinonimi e contrari tastiera Etimo spn. Traduzioni Francese clavier Inglese keyboard Spagnolo teclado Italiano tastièra Tedesco Tastatur.

tecói , nm Definizione ccn. cosa, unu pagu de calesiògiat cosa, motivu, imperò Frasi torrais, istràngius innòi puru, immoi, e chena chi nemus si boghit tecoi po s'ammizai sa buca (G.Mura)◊ toca, bogadhi tecoi e cumbidadha a custa picioca, no nci dha lessist andai sentza de nudha! ◊ apu a tenni tecoi de fai ◊ apu comporau un'unguxedha de tecoi.

técu , nm Sinonimi e contrari giara, gollei, ibba, pranedha 1, taca* / toneri.

técus , prn: tegus Definizione prn. de persona chi s'impreat agiummai solu cun sa prep. cun, chin po inditare prus che àteru cumpangia: chin tecus, cun tegus = cun tui Frasi cun tegus giogo e m'ispasso ◊ cun tegus so istadu note e die ◊ pro no mi èssere cun tecus amicadu no credas oe chi sia pentidu ◊ nois creimus in tegus ◊ ómine perunu at àpidu tratonzu malu chin tecus ◊ sa poesia in tegus est naschida che rosa bella, che rosa dechida (N.Demurtas) 2. la tenzo cun tegus, mih, pro su dannu chi mi as fatu! Etimo ltn. tecum Traduzioni Francese avec toi Inglese with you Spagnolo contigo Italiano in tua compagnia, insième a te Tedesco mit dir.

tecussèi , avb Sinonimi e contrari aghinunca, deghinò, diacussu, sinono Frasi beni immoi, tecussei mi ndi andu (P.Pillonca)

tèda , nf Definizione genia de candhela Sinonimi e contrari fiaca 1, làmpada Frasi a teda in manu illuminai totu s'aposentu! ◊ a su conchispilidu li lughet sa conca che teda ◊ tudadas sas tedas, in pag'ora si corcat puru dogni servidora Traduzioni Francese flambeau Inglese torch Spagnolo antorcha, tea Italiano fiàccola Tedesco Fackel.

tedàja tadàgia

tedàju , nm Definizione su pobidhu de sa tadàgia.

tedàssu tadàtzu

tedatajòla , nf Sinonimi e contrari cherridorja, impodhinajola, scedatzadori, sedatagiola*, séula, tatajola Frasi su tedatu chin sa tedatajola fint ifurcados in d-una bratzulera.

tedatàre , vrb: tedatzai Definizione passare o fàere in sedatzu Sinonimi e contrari cerri, cherrintzonare, farinare, scedassai* Frasi Sisinna in s'aposentu de manixu est tedatzendi sa farra ◊ oe depet bènnere nura mia a tedatare.

tedàtu tadàtzu

tedatzài tedatàre

tedatzédhu , nm Definizione tumborru piticu de linna serrau a una bandha cun pedhe de gatu, cun trinnitos ororu Terminologia scientifica sjl.

tedéscu , agt, nm Definizione chi pertocat o chi est de sa natzione tedesca (sa gente de Germània, Àustria, parte de s'Isvítzera, su Sud Tirolo e àteros territórios puru in parte de diferentes istados) Traduzioni Francese allemand Inglese german Spagnolo alemán Italiano tedésco Tedesco deutsch, Deutsche.

tedéum , nm Definizione Te, Deum: pregadoria in latinu chi cumènciat cun custos foedhos (a Tie, Deus), po arringratziamentu.

tedíbi, tedíle tadíbi