A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

teríe tería

terighínu , nm: tirighinu, utirighinu Definition genia de camminedhu istrintu Synonyms e antonyms aterighinu*, botorinu, izola, strintu Sentences nos la lemis fatu sos terighinos coment'e andhendhe a pirastrare ◊ peri su tirighinu iscarenidu tra pedra e lazu, fossu e cresura, tra multas altas e rú imbuschidu cantat cantones de sa gioventura (S.Casu)◊ sas rodas de sa moto tichirriaiant che lamentu in sa pedrighina de sos tirighinos Translations French sentier English path Spanish callejuela, vereda Italian vïòttolo German Feldweg.

teríma, térima , nf Definition genia de retàulu bàsciu a pònnere calecuna cosa pagu prus in artu de terra (es. sa càtedra de iscola) Sentences su mastru istat semper a s'artiefala dae sa térima Etymon spn. tarima Translations French estrade English platform Spanish estrado Italian predèlla German Podest.

terinàgos , nm pl: tirinagos Definition is funes betadas a corros e a s'origa de is boes po dhos guvernare candho funt giuntos Synonyms e antonyms odriangus, redinàgios* Sentences dhi dant unu cropighedhu, comente a sos tirinagos a boes de carru ◊ su boinarzu, terinagos a dresta e puntorzu a manca, fit truvendhe sos boitos.

termàle, termàli , agt Definition nau de abbas chi essint budhias de asuta de terra (che a Fordongianus, Benetuti, Sàrdara e àteros logos) e de is bagnos chi si dhue faent po cura.

terminàxi , nm: tremenarzu, treminaxu, triminaxu Definition sa pedra de sa genna, s'intrada, s'oru de una genna / sartai su treminaxu = no istare a sa régula, no pònnere mente (ma fintzes solu essire de domo) Synonyms e antonyms briminaxu, cumenarzu, gennile, lemenalzu, nemenaxu / cdh. triminili Sentences no ti ses prus iscotzara de su treminaxu de sa porta! ◊ comenti sa mama sartat su treminaxu de s'enna, custus piciochedhus ndi cumbinant calicuna! Translations French seuil English threshold Spanish umbral Italian sòglia, limitare German Schwelle.

términe, términu , nm Definition acabbu, puntu, tretu o línia a inue si lompet o si depet arribbare (e chi no si depet propassare); fintzes foedhu impreau cun significau bene distintu / batire una cosa a t. = fàgherendhe fine, atuliare Synonyms e antonyms acabbada, fine, finitia / làcana, trèmena / paràgula 2. sighit a cúrrere suta de su sole términu finas a domo sua.

termòmetro, termòmetru , nm Definition genia de aparíciu chi marcat sa temperadura (est de duas genias: analógicu o digitale) Sentences po regulai is gradus de calori su mellus contzillu est a tenni unu termòmetru 2. su matedu est un'ispétzia de termòmetru po is àcuas Translations French thermomètre English thermometer Spanish termómetro Italian termòmetro German Thermometer.

termosifòne , nm Definition in is impiantos po caentare aintru de domo cun abba budhindho, genia de illargamentu, mescamente a illadiadura, de is tubbos a manera de lassare andhare budhidore cantu prus podet po caentare su logu.

termòstatu , nm Definition aparíciu chi singialat e régulat sa temperadura.

tèrna , nf Definition trebide de númenes chi si proponent po calecunu impreu o incàrrigu / fai sa t., pònniri in t. = ternare Synonyms e antonyms ternàriu.

ternài, ternàre , vrb Definition pònnere in terna, nàrrere o propònnere tres númenes Etymon itl. ternare.

ternàriu , nm, agt Definition arregorta de tres cosas impare (es. tres numenes); chi dhi pertocat su númeru tres Synonyms e antonyms terna.

térnu , nm Definition bestimentu de gala chi su preide ponet po nàrrere sa missa Sentences fatu dh'emu su funerali cun su ternu e cun tantis cunfrarias Scientific Terminology prdc Etymon spn. terno.

ternúra, ternúria , nf Definition genia de sentidu carosu chi si sentit po s'àteru, candho paret chi a unu dhi tocat o ammódhigat su coro Synonyms e antonyms amoréntzia Sentences li aiant arrestadu duos fizos, ma est resissidu a bínchere sa ternura de babbu e a ndhe los fàghere bogare ◊ su nòmene de sa Vírgine est ternura in su coro ◊ luxi bella, m'ingèneras sentimentus de ternura po su creau ◊ si movant totu unidos cun ternura a sas chènscias de custa mama! Etymon spn. Translations French tendresse English tenderness Spanish ternura Italian tenerézza, amorevolézza German Zärtlichkeit.

ternurósu , agt Definition nau de ccn., chi tenet o faet a bíere ternura Synonyms e antonyms amistantziosu, carosu, fatitarzu, tiernu Translations French tendre English tender Spanish tierno Italian tènero, amoróso German zärtlich.

terocàre tarocài

teróju , nm: tológiu, tolozu, torógiu, torógliu, toroju, torou, torozu Definition boghes a meda, a s'istremada, coment'e de lamentu, de dolore, de dannu mannu, de prantu, ma fintzes de murrúngiu sighiu; dolore, dispraxere mannu Synonyms e antonyms coroju, murrunzu, órulu, tórulu, túnchiu / addorojamentu, addoroju, piantu, tormentu Sentences bi est su teroju in domo issoro, no bi at manera de los assussegare ca a su fizu li ghetant sa morte de unu ◊ ohi cun ite tológiu mi che andho!…◊ si pesant a toroju corrighinendhe che boes feridos ◊ ti ant piantu a toroju ◊ si est isfatu in torojos de prantu ◊ at comintzadu a torojos, ohi sa bentre! ohi sa bentre! ◊ a torozu aviant prantu 2. betàdeli a manigare a su porcu, ca est a toroju! ◊ frade tou est a toroju ca a domo sua no bi semus torrados Etymon srd. Translations French déluge de larmes, pleurnicherie English desperate crying Spanish llanto incontenible Italian pianto dirótto, piagnistèo German heftiges Weinen.

tèrpe tèlpe

terpènte , nm, nf: cerpenti, tzerpente Synonyms e antonyms telpe Sentences sas raighinas faghet cunvertire in terpentes de dente velenosa (F.Dore)◊ ant aprodadu in d-un'ísola piena de terpentes velenosos ◊ terpentes armadas Scientific Terminology anar Etymon itl. serpente.