A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbanzulicàre , vrb Sinonimi e contrari abbanzulare, tzaculare.

abbaòga , nf Definizione s'abba chi si dhue faet in is bubburucas de abbruxaduras, in sa carre Sinonimi e contrari abbadruxa, abbatiza, acuadrulla / abbagiolu Frasi zughiat sas manos unfiadas de abbaoga Etimo srd.

abbaòlga, abbaòrga, abbaòrja , nf: baolga Definizione sa caciadura de is féminas príngias; su saliàciu de is tzintzigorros; sa forma abbaorja dha narant po s'abba chi tirant is matas Sinonimi e contrari abbau, bàbula, baulada, saliàciu / froa Frasi cussa móssiga-santos de Arrita est isbrighinzada a abbaolga de làmpana!… Etimo srd. Traduzioni Francese bave Inglese dribble Spagnolo baba, secreción Italiano bava Tedesco Geifer.

abbaósu , agt, nm Definizione chi o chie portat o dhi calat s'abbau Sinonimi e contrari babosu, babuleri, babulosu Frasi za est pagu abbaosu cussu pisedhu: sempre cun s'abbau falendhe est! ◊ abbaosu: si l'istas in dainanti candho faedhat t'ifundhet de salia! Etimo srd. Traduzioni Francese baveux Inglese slavering Spagnolo baboso Italiano bavóso Tedesco geifernd.

abbaradhàda , nf Definizione su si abbaradhare Sinonimi e contrari abbelada, abbeliada, indiosada Etimo srd. Traduzioni Francese ivresse, entichement Inglese acstasy, infatuation Spagnolo enamoramiento, exaltación Italiano ebbrézza, invaghiménto Tedesco Taumel, Sichverlieben.

abbaradhàdu , pps, agt: abbaradhatu, abbaradhau, abbaredhadu Definizione de abbaradhare; coment'e agt. nau de ccn., fintzes chi tenet fide, ibertu bonu, ma fintzes chi est ammammalucau Sinonimi e contrari afideadu, animosu 2. su mascru est totu abbaradhadu, che unu culedhu, in mesu a sas berveghes.

abbaradhaméntu , nm Sinonimi e contrari abbaradhu, ammàchiu Etimo srd. Traduzioni Francese béguin (fam.), entichement Inglese infatuation Spagnolo enamoramiento Italiano invaghiménto Tedesco Sichverlieben.

abbaradhàre , vrb: abbaredhare Definizione su si lassare pigare cun calecunu sentidu de amore forte meda po ccn. o calecuna Sinonimi e contrari abbelare, alleriare, ammorare, imbelare, inamorai, indeosare, ingeniai / ammachiae Traduzioni Francese s'embéguiner Inglese to take a fancy Spagnolo enamorarse Italiano invaghirsi Tedesco sich verlieben.

abbaradhàtu, abbaradhàu abbaradhàdu

abbaràdhu , nm Definizione sentidu de amore forte chi leat a su coro po unu o po una Sinonimi e contrari abbaradhamentu, abbéliu, allériu / ammaju Frasi issa si lu pompiabat a ocros modhes ma neune si est abbizau de s'abbaradhu Etimo srd. Traduzioni Francese béguin (fam.), entichement Inglese infatuation Spagnolo enamoramiento Italiano invaghiménto Tedesco Sichverlieben.

abbaràre , vrb Definizione crocare una bara, istèrrere e interrare una pértiga de bide chentza ndhe dha segare de su fundhu, po fàere arraighinas Sinonimi e contrari aporcai, parpainare Etimo srd. Traduzioni Francese provigner Inglese to layer Spagnolo acodar, amugronar Italiano propagginare Tedesco absenken.

abbaratài , vrb: baratai* Definizione abbasciare, menguare is prétzios Sinonimi e contrari abasciai, arrebbasciai, imbaratire | ctr. incarie Frasi su fasoledhu friscu, ocannu, su prus chi at abbaratau a cuatrumila su chilu.

abbaratíre , vrb Definizione abbasciare is prétzios, essire prus baratu Sinonimi e contrari abbaratai, imbaratare, imbaratire | ctr. incarèssiri, incarie Frasi ant a abbaratire ancora chi ant a bènnere a sa fuliada Etimo srd.

abbaràza , nf: acuaràgia Definizione ógiu de trementina, bonu po ammodhigare e iscagiare méngius su vernissu a manera de acivire de prus frigau a pinzellu Traduzioni Francese térébenthine Inglese oil of turpentine Spagnolo aguarrás Italiano ràgia, diluènte Tedesco Terpentinöl.

abbarballài , vrb: abbraballai, abbrabballai Definizione abbarrare o fàere incantau, a buca aperta, coment’e chie no est cumprendhendho nudha Sinonimi e contrari abbabballocai, abbambanai, indormiscai / sansiae Frasi s'isposa dh'at abbarballau Etimo itl. abbarbagliare Traduzioni Francese retomber en enfance Inglese to become stupid Spagnolo embelesarse, encantarse Italiano incantarsi Tedesco verdummen.

abbarballaméntu , nm Definizione su si abbarballai Etimo srd.

abbarballàu , pps, agt Definizione de abbarballai Sinonimi e contrari atontadu, ammaudinadu, drommidu 2. iscínt iscioberai, no ti cretas, no: no funt mancu abbarballaus! ◊ sunt totus abbarballaus po cussa fémina ◊ si ses abbarballau, iscidadindi!

abbarbàre , vrb Definizione atobiare a ccn. Sinonimi e contrari acarare, atobiai Etimo srd.

abbarbatàre abbalvatàre

abbarbeàre, abbarbiài, abbarbiàre , vrb: abbrabiai, abbrabiare, barbiai Definizione fàere sa braba; in cobertantza, cullonare Sinonimi e contrari afaitai Frasi seo andhadu po mi abbrabiare ◊ at abbrabiau a lepa ◊ ita ti creis, ca mi depu abbrabiai in conca?!◊ is piciocas immoi si abbràbiant is cambas… 2. est tontu e abbarbiau de totus! Etimo srd. Traduzioni Francese se raser Inglese to shave, to make up Spagnolo afeitarse Italiano ràdersi Tedesco sich rasieren.