A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

acótzu acótu

acotzulàre , vrb: cotzulare Definizione cicire in terra cun is cambas a grughe, a cotzulinu Sinonimi e contrari acorbulare, allorigare Frasi su pitzinnu si est acotzuladu in coa de sa mama ◊ si fit acotzulatu a supra de sos carcantzos ◊ mi so acotzulatu a un'oru e mi so postu a mannicare Etimo srd.

acovadhàre acabadhàre

acovardàdu , agt Definizione chi faet vilesas, chi no tenet su coràgiu o sa face de fàere su giustu; chi dh’ant fatu a bregúngia Sinonimi e contrari cobardu / abbirgonzadu 2. sos chimbanta literados intrados in disputa cun Caderina restant acovardados Terminologia scientifica ntl Etimo srd. Traduzioni Francese lâche Inglese cowardly Spagnolo acobardado Italiano vigliacco Tedesco feig.

acovardài , vrb: acovordai Definizione fàere cobardu, prus che àteru nau in su sensu de si ammandronare Sinonimi e contrari acochinai, ammandronae, ammandronire, arraigai, impraitzai Etimo srd.

acovàre , vrb Definizione serrare, isserrare, aguantare in logu totu serrau de pàrrere chi allupat; a logos, nàrrere calecuna cosa a briga, fàere citire a ccn. (coment'e pònnere asuta de cove (crobe) Sinonimi e contrari inserrai / abbucare, assamudare, irbrunchiare, ispochiare 3. pro unu sennore sétzidu intro de bàtoro muros acovados totu cussu no at importu ◊ si imbucat a pròere, bogademiche luego a foras, ca mi sento totu acovada (Z.A.Cappai)◊ su caldu acovadu ti faghet male.

acovatzàdu, acovatzàtu , agt Definizione fatu a cobatza, nau de animale chi istat crocau allorigau Sinonimi e contrari acoconau, acocorrodhau, acuguciau, allorigadu Frasi s'intendhent in sas badhes sas toncas mimulosas e ranas totu a càderas acovatzadas in s'oru de su poju (B.Truddaju)◊ su gatu est acovatzatu acurtzu a su fochile Etimo srd.

acovecài acavacài

acovécu , nm: cobecu* Definizione tupone ladu, unu pagu copudu, po tupare un'istrégiu ponendhosidhu in pitzu Sinonimi e contrari cabertore, cavacu, tavacu / apetigu.

acovonài , vrb Definizione pònnere a modhe s'orrobba in s'abba po dha samunare Sinonimi e contrari incovonai Frasi est in domu acovonendi pannus e pannixedhus.

acovordài acovardài

acozolàdu , agt Definizione chi est o istat a una parte, in su cozolu o cugigone Sinonimi e contrari acuzonau, afurrungonau, arrenconau, ingronau Frasi si che istaiat acozoladu in sa tziminea Etimo srd.

àcra , nf: arraca, raca 1 Definizione su sorrogu chi s'intendhet de unu candho est morindho Sinonimi e contrari pilisca 1, póleu, randha 1, sarragu, sórriga, tórulu / cdh. frasconi Etimo srd. Traduzioni Francese râle Inglese gasp Spagnolo estertor Italiano ràntolo del moribóndo Tedesco Röcheln.

acrabbússu , nm Definizione giogu chi si faet cun d-unu cannedhu de samucu imboidau inter duos nodos), ue si ponent duas ballas de ortigu, una in s’istampu a una parte e una a s'àtera, intradas a fortza po tupare bene: tandho si faet intrare una crae de linna ispintore o fritighissa) chi ispinghet una balla chi cun sa pressione de s’ària che faet essire s'àtera a cropu, che dh’isparat Sinonimi e contrari ischirtzarolu, isciapete, istichinajolu, tzicaloru, tzocadore Terminologia scientifica ggs.

acrabinàdu , pps, agt Definizione de acrabinare; chi si movet o faet che un'irbariadu, chentza giare atentzione nudha (coment’e abbaidandho a crabas) Sinonimi e contrari abbundhoradu, assurviladu, foraldómine, incóglidu, indemoniadu, indiaulau, spiridau 2. tia chèrrere imperriare tentorzas acrabinadas… Terminologia scientifica ntl Traduzioni Francese hasardé, inconsidéré, irréfléchi Inglese reckless Spagnolo atolondrado Italiano avventato, spiritato Tedesco unbesonnen, besessen.

acrabinadúra , nf Definizione su acrabinare, nau de sa manera de fàere Etimo srd.

acrabinàre , vrb: crabinare Definizione andhare coment'e abbaidandho a crabas, sentza fàere atentzione Sinonimi e contrari incrabinare Etimo srd.

acrabionàdu , pps, agt: acrabiunadu Definizione de acrabionare; chi est a crabione (figu ancora crua), maduru e tostau che crabione 2. gighet sos ojos acrabionados.

acrabionàre , vrb Definizione ammadurare is ogos, fàere is ogos che duos crabiones, isprepedhaos Sinonimi e contrari apinnulare, apirastare, ispalpedhare, sparrunchiai Frasi comente at bidu gai at acrabionadu sos ojos Etimo srd.

acrabistài, acrabistàre , vrb: acrapistare Definizione pònnere su crabistu a un'animale; acapiare sa bide noa po no che dha betare is bentos fortes Sinonimi e contrari abbrunchilare, imbrunchidare, incrabistae Etimo srd. Traduzioni Francese enchevêtrer Inglese to tie with a rope Spagnolo encabestrar Italiano incapestrare Tedesco anbinden.