A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aggài aggàe

aggajadúra , nf Definizione trebballu a piegas o gajas in s’orrobba faendho bestimentu Sinonimi e contrari aggaju, teníngiu Etimo srd.

aggajài, aggajàre , vrb Definizione fàere a lomboredhu, a piegas, fàere a gajas, pressare s’orrobba faendho bestimentu Sinonimi e contrari abballinare, aggromare, aggromerare, aggromeredhare, allomborae, allorimmedhare, arrombulonai / agghironare, atavellai, illetimare | ctr. irbolicare, istirai, sòrbere 2. is féminas portant sa gunnedha aggajada e sa camisa de pannu.

aggajàre 1 , vrb Definizione fàere alligru, cuntentu Sinonimi e contrari allegrare, frogare, gavisare, prexai Frasi candho bidiat a mie si l'aggajaiat su coro e mi retziat cun sa cara de fémina allegrada Etimo srd. Traduzioni Francese se réjouir Inglese to rejoice Spagnolo alegrarse Italiano rallegrarsi Tedesco sich freuen.

aggajarèsa , nf Sinonimi e contrari aggaju, cuntentesa Frasi delliriendhe pro s'aggajaresa, ammessedeit chentu bias Etimo srd.

aggàju , nm: gaju* Definizione su èssere alligros, su provare cuntentesa Sinonimi e contrari allegria, bríllida, cuntentesa, gosa, prégiu | ctr. tristura Etimo srd. Traduzioni Francese gaieté Inglese mirth Spagnolo alegría Italiano allegrìa Tedesco Fröhlichkeit.

aggàju 1 , nm Definizione trebballu a piegas o gajas in s’orrobba faendho bestimentu Sinonimi e contrari aggajadura, teníngiu Etimo srd.

aggalenàre , vrb Definizione pigare sonnu Sinonimi e contrari abeliari, apisulinare, assograi, galare, ingalenare / imbasare, irganzare, iscadangiai, sucunzare, tambai | ctr. abbertudare, ischidare Frasi fit in irverru, note de traschia, su sonnu no potia aggalenare (A.Contu) Traduzioni Francese s'assoupir, entrouvrir Inglese to doze off, to half-close Spagnolo adormilarse Italiano assopirsi, socchiùdere gli òcchi Tedesco einschlummern.

aggàlia , iscl: gàlia Definizione a gàlia! = e de a bonu!: si narat coment'e disigiandho cosa chi s'ischit de no si pòdere àere Sinonimi e contrari acabbonu, tambene Frasi aggàlia, si lu tenia!… Etimo ctl. agaliu Traduzioni Francese si seulement! et comment! Inglese you bet! Spagnolo ¡ojalá! Italiano magari! Tedesco wenn doch.

aggalíre , vrb Definizione fàere cantepare, totu oguale Sinonimi e contrari aggualai, apalisare, aparinare Etimo srd.

aggalíu , pps, agt Definizione de aggalire; chi est cantepare, oguale Sinonimi e contrari aggualadu 2. a lassare custu tribàgliu pro andhare a logu istranzu no li cumbenit, pois chi [mancari] su tribàgliu aggaliu diat paga resa e paga soddisfassione.

aggallàdu , pps, agt Definizione de aggallare; nau de sa pedhe mescamente de is manos, chi est totu càgios, intostada e grussa meda a tretos a fortza de fàere trebballu grae; nadu de ccn., chi abbituau meda a calecuna cosa Sinonimi e contrari ingallidu 2. sas manos tuas sunt aggalladas, tirpiendhe sas fortzas a donzi ora ◊ sos massajos sunt chin sos didos aggallados 3. nois pitzinnos fumis aggallados a dogni dificurtade Traduzioni Francese calleux Inglese callous Spagnolo encallecido Italiano incallito Tedesco verhärtet.

aggallàre , vrb Definizione fàere su gallu, is càgios, fàere sa pedhe a tretos tostada e grussa meda Sinonimi e contrari abbadhare, acorgiare, acorzolare Frasi sos pes fint abbituados a totu sos intopos, aggallèndhesi in su corzu, caminendhe chentza botes Etimo srd. Traduzioni Francese rendre calleux Inglese to make horny Spagnolo encallecer Italiano incallire, fare i calli Tedesco verhärten.

aggamài, aggamàre , vrb Definizione fàere su bestiàmene a gama, a tàgiu mannu Sinonimi e contrari abbamare, acedhae, achedhonare, aggrustare, amedhare, ammeschiare, ingamai Frasi totu sos pastores deviant aggamare sas erveches in d-una tanca Terminologia scientifica pst Etimo srd.

aggamassàre acamassàre

agganàu , agt Definizione chi tenet fàmine, gana meda Sinonimi e contrari aframicosau, agganidu, allambridu, famidu, irfamigadu, làmbidu Frasi mi arrimo agganau coment'e unu cane salargiau Etimo srd. Traduzioni Francese affamé Inglese hungry Spagnolo hambriento Italiano affamato Tedesco hungrig.

agganciadúra , nf Definizione su agganciare, su pigare a gànciu Etimo srd.

agganciài , vrb: aggantzare, agghenciai Definizione pigare o aferrare cun gànciu, forte a manos etotu coment’e pigandho a gànciu, ma fintzes leare o ingòllere aifatu; abbutonare / leare, andhare a manu aggantzada = a manu pigada Sinonimi e contrari abbrancai, acafai, aciapai, afarcai, afarrancae, aferrai, aggarrai, agguantai, carrabbusai, mantènnere, picare | ctr. lassare Frasi apo bisonzu de èssere aggantzada e nutrida ◊ arrimat su paperedhu e agghènciat s'ampudha de s'àcua ◊ cudhu dh'agghènciat a su bratzu e ndi dhi pigat su dinai! ◊ aggantza su brassolu! ◊ a carrasegare aggantzant a Zorzi in ziru ◊ fut lompindhe a isprèndhere sos cadhos candho dh’ant agghentzau e che dh'ant furau 2. o truncat o aggànciat! ◊ unu nudha, carchi cosa chi agghentzas o chi pentzas Etimo itl. agganciare Traduzioni Francese saisir Inglese to cling, to catch Spagnolo enganchar, agarrar Italiano agganciare, aggrappare, ancorare, prèndere Tedesco sich festhalten, verankern, nehmen.

aggànciu , nm: gànciu* Sinonimi e contrari amu, cancaritu, cancarroni, carabatu, unchinu.

agganfài, agganfàre aggafài