A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aggradèscere, aggradèschere , vrb Definizione àere praxere de una cosa Sinonimi e contrari acaressire, aggradae, aggradèssere*, aggradire, piàchere 2. Bos siant aggradéscias sas òperas vonas!

aggradéschiu , pps, agt Definizione de aggradèschere Sinonimi e contrari piàchiu | ctr. irgradéschitu.

aggradèssere, aggradèssi , vrb: gradèssere Definizione àere praxere de calecuna cosa, su si ndhe alligrare Sinonimi e contrari acaressire, aggradae, aggradèscere, aggradire, piàchere / acetai, arriciri | ctr. disaggradare Frasi at aggradéssidu meda sos saludos chi li ant fatu tantu piaghere ◊ contivizu apo a tènnere de ti amare de cantu mi aggradesses e t'istimo (M.Murenu)◊ si cancuna cosa de bonu apu fatu, aggradessimidha! Etimo spn. Traduzioni Francese apprécier Inglese to like Spagnolo agradecer, agradar Italiano gradire Tedesco sich freuen über.

aggradessídu, aggradéssidu , pps, agt Definizione de aggradessire s'unu, de aggradèssere s'àteru; chi est aggradau, pràchiu Sinonimi e contrari piàchiu Frasi ringràtzio si custu libbru meu, meritendhe valore carchi pagu, bos restat che granzeu aggradessidu!

aggradessiméntu , nm Definizione su dh'àere a praxere, una cosa Sinonimi e contrari aggradessu, aggradu, piachere / cdh. aggradissimentu Etimo srd. Traduzioni Francese goût Inglese pleasure Spagnolo agrado Italiano gradiménto Tedesco Wohlgefallen.

aggradessíre , vrb Sinonimi e contrari aggradae, aggradèssere Etimo srd.

aggradéssu , nm Definizione su pràghere, genia de sentidu de praxere, de gustu, de cuntentu Sinonimi e contrari aggradessimentu, aggradu Frasi s'aggradessu chi sento est maigantu ◊ bi at pagos istranzos, ma distintos e de aggradessu ◊ como sento in su coro tanta biadia e ateretantu aggradessu chi no agato essu a ti lu nàrrere Etimo srd. Traduzioni Francese goût Inglese liking Spagnolo agrado Italiano gradiménto, gradevolézza Tedesco Wohlgefallen, Annehmlichkeit.

aggradhàre , vrb Definizione su si fàere o istare a unu túturu, allorigau, nau de persona o animale crocau Sinonimi e contrari aciunciulire, aculigionai, aturedhare 1 Frasi Nanni si faghet a un'iscobile, aggradhadu che lórumu de trama Etimo srd.

aggradhàre 1 acrodhàre

aggradheràre , vrb Definizione fàere a gràdhera, a bocitedhas Sinonimi e contrari abballinare Frasi est fachendhe sucu ma sa símula no bi aggràdherat Etimo srd. Traduzioni Francese faire une boule, bouler Inglese to roll into a ball Spagnolo hacer pelotitas Italiano appallottolare Tedesco zur Kugel rollen, mögen.

aggradheronàre , vrb Definizione fàere a cadhajone Sinonimi e contrari acadhajonai, alladhajonare / ammalfudhare Etimo srd.

aggradiàre , vrb Definizione betare, iscúdere pedra atesu, iscúdere a pedra Sinonimi e contrari imperiare, ispiòndiri, lampare 1.

aggradíre , vrb Definizione tènnere prexu, abbarrare cuntentos de ccn. cosa Sinonimi e contrari acaressire, aggradae, aggradèscere, aggradèssere, piàchere | ctr. disaggradai Frasi ti pessas chi no mi diat aggradire a bènnere cada die? ◊ nos semus aggradios e nos semus fatos ammoraos ◊ no chirches radichina si ti aggradit su frore Etimo itl. Traduzioni Francese plaire, apprécier Inglese to like Spagnolo agradar Italiano piacére, gradire Tedesco gefallen, sich freuen über.

aggradissídu , agt Sinonimi e contrari aggradéssiu Etimo srd. Traduzioni Francese aprecié Inglese liked Spagnolo grato Italiano gradito Tedesco lieb.

aggradíu , pps, agt Definizione de aggradire Sinonimi e contrari aggradéssiu.

aggràdu , nm Definizione su aggradire, su pràghere, su èssere o àere in simpatia Sinonimi e contrari aggradessimentu, aggradessu, piachere | ctr. disaggradu Frasi faghe s'aggradu tou! ◊ si mi cheres fàghere aggradu baediche luego! ◊ m’eis a recumpensai cust’atu tanti de aggradu bostu! Etimo srd. Traduzioni Francese plaisir Inglese pleasure Spagnolo gusto, placer Italiano piacére Tedesco Gefallen.

aggraduàu , agt, nm: graduau Definizione chi o chie portat grados, nau de persona in carriera Frasi cun totu custa genti aggraduara… dèu mi ndi andu!

aggragallài , vrb Definizione pigare a gragallu, a cogàrgiu Frasi immoi nd'aggragallaus un'atru tzichedhu, de binu Etimo srd.

aggragiàre , vrb Definizione fàere prus biu unu dolore, unu male, tocandho una liaga, una ferida, un’arremu malàidu / pps. agt., altaradu Sinonimi e contrari agghegiare.

aggraminzonàre , vrb Definizione nau de orrobba, fàere a tzirbisas Sinonimi e contrari acarrongiai, afrangillonai, aggrunciare, apigiare, arruntzai, atavellai, frongire, iscrafangiai Etimo srd.