A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

aggradèscere, aggradèschere , vrb Definitzione àere praxere de una cosa Sinònimos e contràrios acaressire, aggradae, aggradèssere*, aggradire, piàchere 2. Bos siant aggradéscias sas òperas vonas!

aggradéschiu , pps, agt Definitzione de aggradèschere Sinònimos e contràrios piàchiu | ctr. irgradéschitu.

aggradèssere, aggradèssi , vrb: gradèssere Definitzione àere praxere de calecuna cosa, su si ndhe alligrare Sinònimos e contràrios acaressire, aggradae, aggradèscere, aggradire, piàchere / acetai, arriciri | ctr. disaggradare Frases at aggradéssidu meda sos saludos chi li ant fatu tantu piaghere ◊ contivizu apo a tènnere de ti amare de cantu mi aggradesses e t'istimo (M.Murenu)◊ si cancuna cosa de bonu apu fatu, aggradessimidha! Ètimu spn. Tradutziones Frantzesu apprécier Ingresu to like Ispagnolu agradecer, agradar Italianu gradire Tedescu sich freuen über.

aggradessídu, aggradéssidu , pps, agt Definitzione de aggradessire s'unu, de aggradèssere s'àteru; chi est aggradau, pràchiu Sinònimos e contràrios piàchiu Frases ringràtzio si custu libbru meu, meritendhe valore carchi pagu, bos restat che granzeu aggradessidu!

aggradessiméntu , nm Definitzione su dh'àere a praxere, una cosa Sinònimos e contràrios aggradessu, aggradu, piachere / cdh. aggradissimentu Ètimu srd. Tradutziones Frantzesu goût Ingresu pleasure Ispagnolu agrado Italianu gradiménto Tedescu Wohlgefallen.

aggradessíre , vrb Sinònimos e contràrios aggradae, aggradèssere Ètimu srd.

aggradéssu , nm Definitzione su pràghere, genia de sentidu de praxere, de gustu, de cuntentu Sinònimos e contràrios aggradessimentu, aggradu Frases s'aggradessu chi sento est maigantu ◊ bi at pagos istranzos, ma distintos e de aggradessu ◊ como sento in su coro tanta biadia e ateretantu aggradessu chi no agato essu a ti lu nàrrere Ètimu srd. Tradutziones Frantzesu goût Ingresu liking Ispagnolu agrado Italianu gradiménto, gradevolézza Tedescu Wohlgefallen, Annehmlichkeit.

aggradhàre , vrb Definitzione su si fàere o istare a unu túturu, allorigau, nau de persona o animale crocau Sinònimos e contràrios aciunciulire, aculigionai, aturedhare 1 Frases Nanni si faghet a un'iscobile, aggradhadu che lórumu de trama Ètimu srd.

aggradhàre 1 acrodhàre

aggradheràre , vrb Definitzione fàere a gràdhera, a bocitedhas Sinònimos e contràrios abballinare Frases est fachendhe sucu ma sa símula no bi aggràdherat Ètimu srd. Tradutziones Frantzesu faire une boule, bouler Ingresu to roll into a ball Ispagnolu hacer pelotitas Italianu appallottolare Tedescu zur Kugel rollen, mögen.

aggradheronàre , vrb Definitzione fàere a cadhajone Sinònimos e contràrios acadhajonai, alladhajonare / ammalfudhare Ètimu srd.

aggradiàre , vrb Definitzione betare, iscúdere pedra atesu, iscúdere a pedra Sinònimos e contràrios imperiare, ispiòndiri, lampare 1.

aggradíre , vrb Definitzione tènnere prexu, abbarrare cuntentos de ccn. cosa Sinònimos e contràrios acaressire, aggradae, aggradèscere, aggradèssere, piàchere | ctr. disaggradai Frases ti pessas chi no mi diat aggradire a bènnere cada die? ◊ nos semus aggradios e nos semus fatos ammoraos ◊ no chirches radichina si ti aggradit su frore Ètimu itl. Tradutziones Frantzesu plaire, apprécier Ingresu to like Ispagnolu agradar Italianu piacére, gradire Tedescu gefallen, sich freuen über.

aggradissídu , agt Sinònimos e contràrios aggradéssiu Ètimu srd. Tradutziones Frantzesu aprecié Ingresu liked Ispagnolu grato Italianu gradito Tedescu lieb.

aggradíu , pps, agt Definitzione de aggradire Sinònimos e contràrios aggradéssiu.

aggràdu , nm Definitzione su aggradire, su pràghere, su èssere o àere in simpatia Sinònimos e contràrios aggradessimentu, aggradessu, piachere | ctr. disaggradu Frases faghe s'aggradu tou! ◊ si mi cheres fàghere aggradu baediche luego! ◊ m’eis a recumpensai cust’atu tanti de aggradu bostu! Ètimu srd. Tradutziones Frantzesu plaisir Ingresu pleasure Ispagnolu gusto, placer Italianu piacére Tedescu Gefallen.

aggraduàu , agt, nm: graduau Definitzione chi o chie portat grados, nau de persona in carriera Frases cun totu custa genti aggraduara… dèu mi ndi andu!

aggragallài , vrb Definitzione pigare a gragallu, a cogàrgiu Frases immoi nd'aggragallaus un'atru tzichedhu, de binu Ètimu srd.

aggragiàre , vrb Definitzione fàere prus biu unu dolore, unu male, tocandho una liaga, una ferida, un’arremu malàidu / pps. agt., altaradu Sinònimos e contràrios agghegiare.

aggraminzonàre , vrb Definitzione nau de orrobba, fàere a tzirbisas Sinònimos e contràrios acarrongiai, afrangillonai, aggrunciare, apigiare, arruntzai, atavellai, frongire, iscrafangiai Ètimu srd.