A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

allosài , vrb: losai Definizione istèrrere o fàere pomentu o orruga a losas, a pedras ladas Sinonimi e contrari allastricai, arrazolare, intellai Etimo spn. alosar Traduzioni Francese paver Inglese to pave Spagnolo enlosar, empedrar Italiano lastricare Tedesco pflastern.

allosaméntu , nm Sinonimi e contrari allosadura, arregiolamentu Etimo srd.

allosingài , vrb: allusingai, allusingare, losingai* Definizione pigare a losingas, a frandhigos, siat po ammodhigare s'àteru o fintzes po si dhu fàere a sa manu Sinonimi e contrari solingai / allisai, frandhigare, imbrimbinai, improsae, insabonai, lígnere Traduzioni Francese flatter Inglese to flatter Spagnolo lisonjear Italiano lusingare, adulare, blandire Tedesco verlocken, schmeicheln.

allosingiàe, allosingiài , vrb: allusingiai, alluxingiai, luxingiai Definizione fàere o atrotigare a lusíngiu; fàere losingiosu, brutu e consumau Sinonimi e contrari allughinzare 1, ammanucai, apodhicare, cariedhare, imbrutare 2. s'ollu at allosingiau su paperi Etimo srd.

allosingiàu , pps, agt Definizione de allosingiai; chi est totu unu losíngiu, brutu, consumau Sinonimi e contrari brutu, losingiosu | ctr. límpiu, netu 2. boga un'atru pannu de faci límpiu, ca cussu est totu allosingiau! ◊ aporreimí unu pannixedhu, ca seu totu allosingiau! ◊ no tochis su pipiu ca ses totu allosingiau! Traduzioni Francese sale Inglese dirty Spagnolo sucio, desgastado Italiano spòrco, liso Tedesco schmutzig.

allossiài , vrb Definizione carragiare (sa teulada), istèrrere a istoja, a cannitzu intéssiu Etimo srd.

allotriàre , vrb: lutriare Definizione ludai, imbuscinare in su ludu, imbrutare de ludu; ammodhigare, fàere modhe Sinonimi e contrari illudrare / ammodhiae, illotriare 2. sos ammentos li allotriaiant su coro afocànneli sas petorras asumatas (M.Dui) 3. cussa domo a bortas paret una cherina de porcos allotriata! ◊ at bocatu azicu de sole pro assutare su locu allotriatu Etimo srd.

alloturàdu , pps, agt: alluturatu Definizione de alloturare; fatu a lóturu, a bisura de cosa tundha.

alloturàre , vrb Definizione foedhandho de druches, fàere sa lótura 1 (druche cun s'istampu in mesu) Etimo srd.

allovrónzu , nm Definizione cosa po papare Sinonimi e contrari alimentu, arracatu, màndhicu, mandiari Frasi aiat fàmine meda ca fit duas dies chena buscare allovronzu (S.Patatu).

allozadòre , nm Definizione chie giàt allógiu Etimo srd.

allozadúra , nf Definizione su allozare Etimo srd.

allozàre allogiài

allozíre , vrb Definizione giare allógiu Sinonimi e contrari acuartierai, allogiai*, aposentae, ospedai Frasi bos potzo allozire in domo mia.

allózu allógiu 1

àllu àgiu

àllu 1 , nm Definizione sa dente de su sirbone e de su porcu prus longa e furriada a punta a fora in sa barra de fundhu Sinonimi e contrari iscàglia, sàgliu, sagna, sannarzu Frasi fiat timendi chi su porcu si nd'istantarxàt torra a allus a foras, prontu a iscaviai.

àllu 2 , iscl Sinonimi e contrari eà, eallu Frasi che ses dadu inue no depias: allu chi as fadhidu! ◊ allu chi otanta annos pro me sunt otanta chilos subra de palas! ◊ allu chi so semper andhendhe a note e a dedie! ◊ imbestendhe caminu caminu, allos a fronte de unu rizolu! Etimo srd.

alluaciài , vrb Definizione prènnere o cundhire su logu, s'aera, is abbas de luàciu, de velenos o cosas chi noghent Sinonimi e contrari alluae, impestai, toscare Etimo srd. Traduzioni Francese polluer Inglese to pollute Spagnolo envenenar Italiano inquinare Tedesco vergiften.

alluadórgiu , nm Definizione tretu de un'erriu mannu inue (pischina) faet a alluare su pische po nche dhu piscare.