A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aradhàre , vrb: aragadhare, arighedhare Definizione fàere o pònnere s'aradhu, s'arighedhu, brutore a pígiu grussu Sinonimi e contrari aggromare, ingrumai 2. sa padedha est tota arighedhada Etimo srd. Traduzioni Francese incruster Inglese to encrust Spagnolo incrustarse de tártaro Italiano incrostare Tedesco verkrusten.

aradhósu , agt Definizione chi portat aradhu Sinonimi e contrari arradhonidu, cadhóciu, insodrigau Etimo srd. Traduzioni Francese souillé Inglese dirty Spagnolo sucio de tártaro Italiano lórdo, sùdicio Tedesco schmutzig.

aràdhu aradàdhu

aràdio, aràdiu , nm: arràdiu, ràdio Definizione genia de aparéchiu chi mandhat is undhas eletromagnéticas (trasmitidore) o dhas arrecit e mudat in sonu e boghe (retzidore) Frasi sa propaganda fascista sighiat in s’arràdiu, me is giornalis, in iscola! ◊ in domu dhui tenint televisioni e arràdiu ◊ unu nebode lis aiat batidu un’aràdiu Traduzioni Francese radio Inglese radio Spagnolo radio Italiano ràdio Tedesco Radio.

aradòre, aradòri , agt, nm Definizione chi o chie arat, o est arandho Sinonimi e contrari araderi, aringeri Etimo srd. Traduzioni Francese laboureur Inglese ploughman Spagnolo arador Italiano aratóre Tedesco zum Pflügen gebraucht, Pflüger.

aradróxu , agt: aratóriu, aratorju Definizione nau de terrenu, chi est de campu, po laorare, lassau po dhue semenare e fàere su laore; terra bona po arare e laorare Frasi is terrenus aradroxus dhus pagant prus pagu de is terrenus de fràbbicu Etimo ltn. aratorius Traduzioni Francese terre cultivable, labourable Inglese tillable soil Spagnolo arable, tierra buena para ser labrada Italiano aràbile, arativo, terréno agrìcolo Tedesco pflügbar, Ackerland.

aràdu , nm: aratru, aratu, arau Definizione aina po mòvere e furriare sa terra de prènnere a laore, tirada cun animales o a màchina / min. aradedhu, araixedhu; in s'a. si podent distínghere tres partes principales: a) po segare e mòvere sa terra, sa dentale, orrugu grussu chi cicit in terra e portat s'abrada in sa punta o limbata, totu a unu o fintzes a frochidha a desegus ue intrat s'isteva e segundhu sa genia portat is origras o oricrale, duas tauledhas chi, allobadas impare a denanti, si aperint e portant in mesu s'isteva apalas, allobadas cun su traessile o arredrau, e agiuant a covecare sa terra; b) po manigiare, sa isteva o istantarile, sa parte chi pigat s'aradore, orrugu prantau in sa dentale e ue a pagu tretu de custa, prus in artu, intrat sa timona: acabbat in artu cun su manale o manunta o manissa intrada a istúturu, po dha pòdere leare; c) po tirare, sa timona o canna, aguri, orrugu grussu e longu chi cun sa punta intrat in sa sesuja o ajone de su giuale e cun sa coa intrat in s'isteva o, segundhu sa genia, impare cun s'isteva intrat in sa dentale; d) àteras partes funt: sa crabiga o carícia po arrèschere sa timona in sa sesuja, su tallione, orrugu de ferru a bisura de ispada firmau in sa timona prus ainnanti de s'abrada e puntau a terra, su nérbiu o ispada, intrada tra sa dentale e sa timona po regulare s'apertura de s'arau a manera de pigare unu pígiu de terra prus fine o prus grussu, su piatu in is araos de ferru, genia de lamone largu allachedhadu, cun duas puntas ananti, firmau cun assaedhu de si pòdere fintzes furriare a covecare terra a una parte o a s'àtera e portat un'abrada in cada punta Sinonimi e contrari alladru, aràdula Frasi s'aradu fit divisu in deghe petzos: sa cogiana, s'isteva, sa entale, sa cabígia, s'ispada, sa timona, ladrau, ambas orígias, chi atretzos sunt importantes cantu su manale (Pazzola)◊ s'alvada de s'aradu che falat in terra piús de prammu ◊ unu tempus s'arau fut de linna Cognomi e Proverbi smb: Arau Terminologia scientifica ans Etimo ltn. aratrum Traduzioni Francese charrue Inglese plough Spagnolo arado Italiano aratro Tedesco Pflug.

aràdu 1 , pps, agt, nm: arau 1 Definizione de arare; nau de terra, chi dh'ant arada; sa terra arada / terra arada a… = arada e semenada, prena, a sa genia de laore chi si narat 2. tèngiu is crabas a solas e seu timendi non nci sartint in logu arau ◊ in sa parti de Giuannicu sa terra fut arada a lentígia 3. fintzas a candu no apaulat in s'arau, s'abba est paga etotu.

aràdula, aràdulu , nf, nm: aràlidu, oràdulu Sinonimi e contrari aradu*.

aradúra , nf Definizione su arare, su trebballu de arare is terrenos po dhos prènnere a laore, manígiu de sa terra po dha semenare (o prantare cosa) Sinonimi e contrari aramentu, arera, aríngiu, aróngiu Frasi a brabatai su terrenu est a dhi donai un'aradura Etimo srd. Traduzioni Francese labourage Inglese ploughing Spagnolo labranza Italiano aratura Tedesco Pflügen.

aragàdha , nf: aregadha Definizione pan'e tita, genia de crosta chi podet fàere in conca a is pipios prus piticos; essidura de sa pedhe chi faet a iscrafíngiu, in tempus de basca: sa pedhe si faet a granighedhos piticos, a puntighedhas Sinonimi e contrari caracadha / papavarre Traduzioni Francese gourme, sudamina Inglese milkcrust, sudamen Spagnolo lactumen, usagre Italiano lattime, sudàmina Tedesco Milchschorf, Schweißbläschen.

aragadhàdu agaradhàdu

aragadhàre aradhàre

aragàdhu aradàdhu

aragànu , nm: iraganu, oraganu, raganu Definizione istracia mala, nodu de bentos, molinada o remolinu de bentos fortes, iscutulada mala de abba meda a manera de fàere dannos Frasi est un'abbolotu molionosu che araganu Traduzioni Francese ouragan Inglese hurricane Spagnolo huracán Italiano uragano Tedesco Hurrikan.

araganzàtu , agt Sinonimi e contrari aggantzadu, assuriu, cringone, ingurdone, ispítziga, limidu, susuncu, tzecosu.

aragànzu , nm Definizione calesiògiat cosa de pedhe imbeciada, consumada (es. de iscarpas o àteru a fortza de dh'impreare) e de arraganzare Frasi est semper cusindhe in cussos araganzos de iscarpas rosicàs (P.Pireddu).

aragàtu , agt Sinonimi e contrari aggantzadu, assuriu, cringone, ingurdone, ispítziga, limidu, susuncu, tzecosu.

aràghe, aràgi, aràgia , nf, nm: araxi, oragi Definizione bentighedhu fritu / araxi de fogu = su caentedhu de su fogu, coment'e bentighedhu chi benit de su fogu Sinonimi e contrari abra, abrina, arvile, atza 1, frina, saniete Frasi fait araxi frida ◊ cant'e una pampixedha móvia de un'araxi ligeru circu de mi allonghiai po ti biri (S.Medved)◊ cust'araxi dhis fait dannu a is birduras! 2. femu abarrau fúrria fúrria coment'e una tratalia posta araxi a fogu ◊ si aparant a s'araxi de su fogu po si callentai Etimo srd. Traduzioni Francese brise froide Inglese cold breeze Spagnolo brisa fría Italiano brézza frédda Tedesco kühle Brise.

aràgna , nf: aràngia Definizione genia de bobboi de tantas calidades, totu farrancas (bàtoro paja), su chi faet su tallaranis o napa; una genia de pische (pisci aragna); genia de lampadàriu a bratzos, de cristallu, a pònnere in su muru / aragna de mari = genia de càvaru a farruncas longas; genias de pisci aragna: a. carrubbara, de arena, de iscógliu, fregatina Sinonimi e contrari aragnolu, surbadura / lanzu 1, tràcina 2. ammisturu prupu, sépia, un'aragna, un'agúglia, calamaris… una bella cassola! Terminologia scientifica crp, psc, trachinus araneus, t. draco, t. lineatus, t. vipera Etimo ctl., spn. aranya, araña.