A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arrefortzài , vrb: refortzai Definizione fàere o essire prus forte, giare fortilesa Sinonimi e contrari afoltigare, afortiai, afortire, afortzare, fortalèssiri, infortigare | ctr. irdebbilitare Etimo ctl., spn. reforsar Traduzioni Francese renforcer Inglese to reinforce Spagnolo reforzar Italiano rinforzare Tedesco stärken.

arrefórtzu , nm: refortzu* Definizione cosa chi si ponet o chi si faet pro giare prus fortza Sinonimi e contrari afortiadura, afortiamentu Traduzioni Francese renforcement Inglese reinforcement Spagnolo refuerzo Italiano rinfòrzo Tedesco Verstärkung.

arrefrénu , nm: refrenu Definizione genia de bregúngia, de duritu, chi po arrespetu o àteru aguantat a unu de fàere calecuna cosa Sinonimi e contrari recatamentu, regrésciu.

arrefréu , nm: arresfreu, arresfriu, refreu* Definizione genia de maladia de pagu contu chi faet mescamente a innisire, a istúrridos / erba de arresfrius = issopo (Teucrium marum) Sinonimi e contrari arramatia, arrema, arresfriori, refreadura Frasi ita portas, arresfriu? ◊ poita a cenai non ti papas una pariga de aràngius, ca faint brofetu po s’arresfriu?◊ po passare s'arrefreu faent su mendulau Terminologia scientifica mld.

arrefrigàda , nf: refrigada* Sinonimi e contrari contraddiscione Traduzioni Francese contradiction Inglese contradiction Spagnolo contradicción Italiano contraddizióne Tedesco Widerspruch.

arrefrigài , vrb Sinonimi e contrari contraíchere, scontrariai.

arrefrigerài , vrb Definizione fàere friscu, prus friscu, abbacare su caente a tropu Sinonimi e contrari arrefriscai, ifriscare, irfriargiare | ctr. caentare, imbudhighinare.

arrefriscài, arrefriscàre , vrb: errenfriscare, refriscai Definizione fàere prus friscu, nau de su tempus, ifridare, illeniare cosa budhia; fintzes giare sullevu a calecunu male prus che àteru po comente si digirit o s'efetu chi faet su chi si papat Sinonimi e contrari afriscai, afriscorai, arrefrigerai, ifriscare | ctr. caentare, imbudhighinare Frasi su tempus arrefriscat, est arrefrischendi ◊ no potzu assebiai de sa basca: bandu a frumi, annadu e mi arrefriscu! 2. issu connoschet is erbas po arrefriscare Etimo ctl., spn. refrescar Traduzioni Francese rafraîchir Inglese to cool Spagnolo refrescar Italiano rinfrescare Tedesco abkühlen.

arrefríscu , nm: refriscu* Definizione s'arrefriscai; cómbidu o brindhu de cosas a bufare Sinonimi e contrari refriscada.

arrefudài, arrefudàre arrafudài

arrefúdu , nm: arrefuru, arrefussu, refudu Definizione su arrefudare, su no bòllere prus o no bòllere fàere o nàrrere calecuna cosa; cosa chi no si bolet prus, abbandhonada, coigiada (fintzes ca nemos ndhe at prus gana o no dha bolet própriu) Sinonimi e contrari arrecusa, arreusa, dennega, revudada / afrantzuchena, rebuzu / crébida Modi di dire csn: arrefudu de presoni (nadu de unu) = avassu de galera, delincuente, malafatore; a arrefudu = a révudu, a meda de ndhe pòdere avassare 2. custa est arrobba noba, no funt arrefudus de fuliai! ◊ apenas Giudas dh'at basau, a Gesús dhu pigant totu acapiau coment'e un'arrefudu de presoni ◊ a pobidha si at pigau s'arrefudu de sa bidha!◊ oi a prandi no fatzu nudha: si papaus is arrefurus 3. a prandi nci fiat sa petza e su binu a arrefudu Etimo srd. Traduzioni Francese déchet, abjuration Inglese refuse, abjuration Spagnolo negativa, rechazo, abjuración, resto Italiano rifiuto, abiura, scarto Tedesco Ablehnung, Abschwörung, Ausschuß.

arrefurài , vrb Definizione furriare, arrecuire, torrare a bidha apustis fata sa giorronada o sa faina Sinonimi e contrari contoniai, ghirare, recoire, recòrdere | ctr. essire, tocai 1 Frasi Pepi e Boricu funt andaus a bìngia, est incarrerendi s’ora de prandi e imou funt arrefurendu!(M.L.Serpi)◊ seu andendumindi: est ora de arrefurai! ◊ s'atra dí tui as arrefurau prima de mimi.

arrefúru arrefúdu

arrefussài arrafudài

arrefússu arrefúdu

arrefutàre arrafudài

arrefúzu , nm: revuzu Sinonimi e contrari abantzu, rebuzu, refudu Frasi a chini su pintu pintu, a chini s'arrefuzu de is pratus de sa mesa! Etimo srd.

arrèga , nf: era 2, rega* Definizione su pane de chera totu buidedhos paríviles, búsciulus o oxos de mele, ue s'abe ponet su mele; sa fita de su casu segau in su cadhàrgiu po ndhe dhu piscare a sa discu faendho su casu; a logos est fintzes su prumone de sa craba cotu / dhu tirat che su cani a s'a. = no li andhat própiu! Sinonimi e contrari avere, bresca, melarègia, tipa 1 / fita Terminologia scientifica sbs.

arrèga 1 arraíga

arrèga 2 , nf Definizione sótziu de cunfrades, de cussorres: in cobertantza, cumpangia (fintzes pagu de bonu) Sinonimi e contrari crofaria, germandadi 2. cussu faet binu malu, mesches candho est cun sos cumpanzos de arrega (M.Deiana).