A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

assengràre , vrb Sinonimi e contrari afíere, astrínghere Frasi sa pràtica aiat tentu su pitzinnu e l’assengraiat sas ancas.

assènnere assèndhere

assennoràre assegnoràre

assennoricài, assennorigàe , vrb: assinnoricare, assignoricai Definizione fàere su sennoricu, a sennoricu, a segnore, fàere pàrrere segnore (nau sèmpere a disprétziu, prus che àteru foedhandho male de sa mandronia) Sinonimi e contrari assegnorare, assignorizare Etimo srd.

assensalàdu , agt Definizione chi est coment'e béndhiu, acaparrau Frasi totu su chi tenet cussu est assensaladu pro sas pagamentas Etimo srd.

assénsia , nf: sénsia* Definizione sa carre chi carràgiat s’arraighina de is dentes, totu a inghíriu: si narat prus che àteru pl., us assénsias Sinonimi e contrari benzia, ghinghia, zenzia.

assensiòne ascensciòne

assénsu , nm Definizione su adduire a craru a calecuna cosa Sinonimi e contrari audida, auditu

assentàda , nf Definizione su assentare Sinonimi e contrari campianada Frasi s'assentada chi s'at fatu, manighendhe, azummai no si ndhe pesaiat prus! Etimo srd.

assentadéru , nm: assenteru Definizione / ponnirisí a. = zúghere bonu sensu Sinonimi e contrari assentadura, assentu Traduzioni Francese rangement, mise en ordre Inglese good order Spagnolo posición Italiano assètto Tedesco Ordnung.

assentadòre, assentadòri , nm Definizione unu chi tenet s'impreu de assentare, prus che àteru nau in su sensu de iscríere o registrare cosa, assentare in is paperis Terminologia scientifica prf Etimo srd. Traduzioni Francese copiste Inglese clerk Spagnolo escribano Italiano scrivano Tedesco Schreiber.

assentàdu , pps, agt: assentau, assintatu Definizione de assentare; postu bene, chi est séliu, pàsidu, firmu faendho cosa; chi est registrau, iscritu Sinonimi e contrari frimmu, pàsidu, postu, séliu / remonidu | ctr. agrugadu Modi di dire csn: a s'assentada = a tenta, cun assentu, chentza istare a s'andha e torra, chentza pèrdere tempus in nudha pro àteru, chentza irbortu; fémina a. = chi at callau a ciorbedhu; ómine pagu assentadu = de pagu zudíssiu Frasi amus assentadu sa linna in su linnarzu, sos líbberos in su parastazu, sos sacos de s'olia in su càmiu 2. Frantzischedha est in domo totu bene assentada tapulendhe sa sacheta ◊ sas berbeghes sunt assentadas, paschindhe ◊ portat una pipia de canna me in bratzus, assentada ◊ como chi so assentadu istudiendhe no mi chirches! 3. triballendhe a s'assentada si achipit faina meda ◊ mamma mi naraiat a totora de istudiare in domo a s'assentada ◊ li at preguntadu a s'assentada si bi aiat connotu a calecunu.

assentadúra , nf: assintatura Definizione su assentare Sinonimi e contrari assentada, campianada / assentaderu, assentu, assétiu Etimo srd. Traduzioni Francese mise en ordre Inglese arrangement Spagnolo asentamiento Italiano assettatura Tedesco Ordnen.

assentài assantài

assentaméntu , nm Definizione su assentare, su èssere o fàere cun firmesa / ponni in a. = itl stabilizzazióne Sinonimi e contrari assentu | ctr. cambiamentu Frasi su tempus est cumentzendusí a ponni in assentamentu.

assentàre, assentàri assantài

assentàu assentàdu

assentenciàu , agt Definizione bene nau, sàbiu Frasi ma càstia, su chi narat su pipiu est assentenciau!… (A.Simbula) Etimo srd.

assentéru assentadéru

assentósu , agt Definizione chi tenet assentu in su fàere, chi faet is cosas bene, cun cabu, cun cunsideru Sinonimi e contrari achistiadu, atinadu, atoadu, cabosu, fundoriau, giudisciosu Frasi tziu tuo ti at curtu fintzas a fuste, ca non fias assentosu meda!