A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bicàda , nf Definizione corpu giau cun su bicu, ispítzulu cun su bicu Sinonimi e contrari abbíchidu, bicu 2, isbicada, ispitzulata, pitulada / cdh. sbiticata Frasi s'àbbile desulesu ti at dadu calchi bicada, o canarinu ◊ m'abbàida custu pudhu lendhe a bicadas a chie li colat acurtzu! ◊ sa pudha che ingullit intreu su chi no segat a bicadas Etimo srd. Traduzioni Francese coup de bec Inglese peck Spagnolo picotazo Italiano beccata Tedesco Schnabelhieb.

bicadúra , nf Definizione su bicare; cropu de bicu Sinonimi e contrari bicamentu / bicada, ispitzulata, pitulada Etimo srd.

bicài , vrb: abbicai, bicare Definizione pigare su papare cun su bicu, iscúdere, fèrrere cun su bicu; istare a su tasta tasta cosas de papare / bicai su casu = triballare su casu cun sa punta de sos pódhighes pro ndhe li fàghere essire su soru e pro l’allisiare Sinonimi e contrari bichitare, isbicare, ispiticulare, pissulai / spribillonai Frasi mighi ti bicat, cussu pudhu! 2. seis bichendu dogna cosa che guntruxus malus a satzai ◊ chini bicat fatuvatu no giaunat ◊ a mignanu est sèmpere bicanno e a ora de prànnere no dhi pigat fàmene! (P.La Croce) Cognomi e Proverbi prb: pilloni chi no bicat at bicau Etimo srd. Traduzioni Francese prendre avec le bec, becqueter Inglese to peck a Spagnolo picotear, picar Italiano beccare, spilluzzicare Tedesco picken.

bicàli , nm Sinonimi e contrari bichigrussu, piciurussu, picugroxu Terminologia scientifica pzn.

bicalínna, bicallína , nf: picalinna Definizione genia de pigione bellu, mannu, chi a bicadas istampat is truncos buidos ue si faet su niu: in Sardigna nidat e faet abbitu in dónnia tempus Sinonimi e contrari atacadolza, bicamata, pertunghemuru, pertungheustes, picabica, pítau, pitigone, pitulatrunca, tocafuste, tochedhadòrgia Frasi bicallina, bicallina, bogamindi cust'ispina! ◊ su bicalinna est faendho su nidu Terminologia scientifica pzn, dryobates major harterti Etimo srd. Traduzioni Francese pic Inglese woodpecker Spagnolo picamaderos, pico Italiano pìcchio Tedesco großer Buntspecht.

bicamàta , nm: picamata Definizione genia de pigione bellu, mannu, chi a bicadas istampat is truncos buidos inue si faet su niu: in Sardigna nidat e faet abbitu a totu annu Sinonimi e contrari atacadolza, bicalinna, pertunghemuru, pertungheustes, picabica, pítau, pitulatrunca, tocafuste, tochedhadòrgia Terminologia scientifica pzn, dryobates major harterti Etimo srd. Traduzioni Francese pic Inglese woodpecker Spagnolo picamaderos, pico Italiano pìcchio Tedesco großer Buntspecht.

bicaméntu , nm Definizione su bicare, su istare bicandho, mescamente nau de su istare a su tasta tasta cosas de papare Sinonimi e contrari bicadura Etimo srd. Traduzioni Francese dégustation Inglese nibbling, tasting Spagnolo el picar, el picotear Italiano spilluzzicaménto Tedesco Picken.

bicamòrtus , nm Definizione una genia de pigione grogo ma cun is alas e cun sa coa niedha (su mascu), canàriu areste: in Sardigna solu in passera Terminologia scientifica pzn, oriolus oriolus Traduzioni Francese loriot Inglese golden oriole Spagnolo oropéndola Italiano rigògolo Tedesco Pirol, Goldamsel, Golddrossel, Pfingstvogel.

bicamúru , nm Definizione genia de pigione bellu, mannu, chi a bicadas istampat is truncos buidos ue si faet su niu (dhue ndh'at duas arratzas) Sinonimi e contrari atacadolza, bicalinna, pertunghemuru, picabica, pítau, pitigone, tocafuste, tochedhadòrgia Terminologia scientifica pzn Etimo srd.

bicàngia , nf: picàngiu Definizione una genia de pigione chi portat su bicu ladu: faet abbitu in Sardigna solu in passera Terminologia scientifica pzn, spatula clypeata Etimo srd. Traduzioni Francese souchet Inglese shoveller Spagnolo pato cuchara Italiano mestolóne Tedesco Löffelente.

bicarbonàu , nm Definizione genia de sale fatu de àcidu carbónicu Frasi agò chi papas ti pigas unu poghedhu de bicarbonau, ca gei ti at a giuai! Traduzioni Francese bicarbonate Inglese bicarbonate Spagnolo bicarbonato Italiano bicarbonato Tedesco Bikarbonat.

bicàre bicài

bicàtza becàcia

bicàu , pps, agt Definizione de bicare; chi est coment'e ispistorau, chi dh'at bicau calecunu pigione papandhosichedhu 2. s'arenara est totu bicara de is pillonis.

bicavígu , nm Definizione genia de pigionedhu: in Sardigna est solu de passera Sinonimi e contrari papalinu, papamusca, studagandelas Terminologia scientifica pzn, sylvia borin Etimo srd. Traduzioni Francese becfigue Inglese fig-eater Spagnolo oropéndola, becafigo Italiano beccafico Tedesco Gartengrasmücke.

bicàxu , agt Definizione chi istat peri sos bicos, in is contonadas, is orrugas, in giru Sinonimi e contrari andariegu, bagamundheri, bandhuleri, faghineri Frasi pro chie mi as leadu, pro cussas pisedhas bicaxas?! Etimo srd.

bichedhàdu , pps, agt Definizione de bichedhare; chi est totu a pitzicorros, bicau 2. in sa mesa ant postu su pane bichedhadu ◊ su nidu de sa rúndhine est totu bichedhadu, fatu cun biculedhos de ludu Traduzioni Francese découpé Inglese indented Spagnolo mellado Italiano frastagliato Tedesco ausgezackt.

bichedhadúra , nf Definizione su bichedhare, su fàere una cosa a bicos, a puntighedhas aifatu de pare coment'e dentes, totu bicada Etimo srd.

bichedhàre , vrb Definizione bogare o fàere una cosa a bicos, mescamente in is oros, coment'e pigandhodha a bicadas, segandho cosa Sinonimi e contrari bichillitare, irbinarjare, sarretai Etimo srd. Traduzioni Francese découper Inglese to indent Spagnolo mellar Italiano frastagliare Tedesco auszacken.

bichédhu , nm Definizione bículu, orrugu de cosa chi abbarrat coment'e a iscórriu, segau no deunudotu, chi essit a bicu Cognomi e Proverbi smb: Biccheddu, Bicheddu Traduzioni Francese découpure Inglese indentation Spagnolo entalladura Italiano frastàglio Tedesco Auszackung.