A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

búrgula 1 , nf Definizione pedrighedha pitica, arenighedha / no bídere b. dae unu = no ndi tenni nudha, no pigai nudha Sinonimi e contrari bríscula, brusca 1, brúscula Frasi bae chi dae nois no bi as a bídere búrgula! Etimo srd.

burgútu , agt Definizione chi faet a fossu / pratu b. = cofudu, devucu Sinonimi e contrari fundhucu, fundhudu, fungudu, preputu, trevucu | ctr. praneri, pranu Frasi su poju fit largu, pacu burgutu e tunnu própiu comente a unu lapiolu Etimo srd. Traduzioni Francese profond Inglese deep Spagnolo profundo Italiano profóndo Tedesco tief.

búri búre

buriàna boriàna

burièdha , nf Definizione avolotu de istògomo Sinonimi e contrari ganamala Frasi su mare li faghet a buriedha.

burièle , agt Sinonimi e contrari annuadu, iscurosu Etimo srd.

búriga , nf Definizione fàula, cosa chi si narat chentza èssere Sinonimi e contrari caldubba, candonga, falandura, pastòcia Frasi mi aiant contatu unu fiotu de búrigas canno fipo minore e como ispertaio cussos contos chin pètenes diferentes (M.Dui).

burinadòre, burinadòri , nm Definizione chie trebballat a burinu, martedhandho istrègios, o àteru, de metallu, po bellesa, po dhis fàere ammostos, figuras Etimo srd. Traduzioni Francese ciseleur Inglese engraver Spagnolo cincelador Italiano cesellatóre Tedesco Ziseleur.

burinàe, burinài , vrb: abburinai*, burinare Definizione trebballare a burinu (a logos, orulare, fàere orrollu de bestimentu po bellesa) Sinonimi e contrari picai 1 / alamarare, bordai 2. giannas de oro pesantes e dognuna, cun arte, burinada ◊ est unu muru fatu totu a perda burinada.

burinaméntu , nm Definizione trebballu chi si faet a burinu Etimo srd. Traduzioni Francese ciselure Inglese chisel work Spagnolo cinceladura, cincelado Italiano cesellatura Tedesco Ziselierung.

burinàre burinàe

burínu , nm Definizione aina a punta de atzàrgiu po trebballare cosas de metallu (oro, prata e àteru) a marchedhadura, po dhi fàere figuras; dhue at logu chi est fita de pane grussu longu Terminologia scientifica ans Etimo itl. burino Traduzioni Francese burin, ciselet Inglese chisel Spagnolo cincel Italiano bulino, cesèllo Tedesco Grabstichel.

burionàda bulionàda

búriu bódiu

burlài, burlàre brugliàre

burlitài , vrb Definizione fàere brullighedhas, nau fintzes po brulla mala, dannu Sinonimi e contrari brugliare Frasi candu burlitu dèu totus faint iscracàglius 2. gei ti nau chi alas alas su tzerpi cun trassas malas est girendi e ti burlitat! Etimo srd.

búrnia brògna

burò blò

burocràticu , agt Definizione de sa burocratzia, chi pertocat sa burocratzia, nau meda de una manera de fàere (prus ca est istabbiliu deasi chi no ca est o paret sa méngius).

burocratzía , nf Definizione is impiegaos e funtzionàrios de un'organizatzione Frasi sa burocratzia màstigat pabilu a tunnelladas! ◊ sa burocratzia prena de filedhos sichit s'andhata de sas lezes trepojadas e no cussa de sa resone.