A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

basócu , nm, agt: basucu Definizione pische de mare, una calidade de pagellu; nau de unu, chi cumprendhet pagu, scimprotu Sinonimi e contrari pagellu / locu, tontassu Frasi pighit su basucu ca est prus saboriu de sa carina! 2. no seu aici basucu: si nci ant fatu mangiucu, in su binu, dhu connòsciu de s'arrastu ◊ ses aici basucu de crèiri chi su dinai si potzat ghetai comenti si ghetat su fasolu! Cognomi e Proverbi smb: Basoccu Terminologia scientifica psc, pagellus bogaraveo, p. acarne Etimo ctl. basuc Traduzioni Francese dorade rose, pageot rose Inglese sea-bream Spagnolo besugo Italiano pagèllo bocaravèllo, occhialóne, àlboro bastardo Tedesco Fleckbrasse.

basojàle , nm Definizione s'ossighedhu de sa limba, in fundhu Terminologia scientifica crn Traduzioni Francese os hyoïde Inglese hyoid (bone) Spagnolo hueso hioides Italiano òsso ïòide Tedesco Zungenbein.

basòla , nf Sinonimi e contrari agliola*.

basolàre , vrb Definizione pistatzare, treulare su laore po ndhe pòdere chèrrere su granu de sa pàgia Sinonimi e contrari alzolare*, trauai.

basolédhu , nm: fasoledhu Definizione min. de basolu, nau po su pisu modhe, de còere a tega; genia de pisu areste Sinonimi e contrari corriciolu Frasi fit abbastendhe basoledhu supra de unu pizu. Terminologia scientifica rbz, rba

basólu , nm: fasolu* Definizione genia de laore (legúmene) connotu e impreau meda po papare, modhe a friscu, o candho portat granu matucu ma ancora modhe e candho est sicau: faet unu fundhu a sirba o cambigiolu fine meda e longu (segundhu sa calidade) chi bogat in su nodu cun sa fògia unu cambighedhu cun su frore ue faet sa tega longa a tantos granos; su sing. est upm. e si narat de su granu puru, su pl. = is ortos prantaos a b., is iscas de b.; nau in cobertantza a ccn., chi est un'iscimpru / calidades de basolu: biancu, ziziadu, fartzone, a ciuchedha / genias de erba: b. colorinu = assudha; b. cadhinu = lupinu; b. píxaru (o pisibisi, o tres atzas) = pisedhu, denti de béciu; b. tundhu (e a logos fintzas basolu e bastat) = cíxiri Sinonimi e contrari avisedha, bajolu, faigedha, faiseta, faita, pisu 1 Modi di dire csn: b. friscu = a tega modhi, gevi; b. de irranare = a ranu maduru, lómpidu ma modhe; b. sicu = de remonire a ranu Frasi a su minestrone li deghet meda su basolu ◊ sos basolos ocannu sunt bellos, lieros Cognomi e Proverbi smb: Basolu Terminologia scientifica lrs, Phaseolus vulgaris Etimo ltn. phaseolus Traduzioni Francese haricot Inglese bean Spagnolo judía Italiano fagiòlo Tedesco Gartenbohne, Bohne.

basolubitzúdu , nm Definizione basolu pitzudu (a logos: petudu): fasolu cíxiri, genia de laore e su granu chi faet, bonu po papare, coment'e unu pisu tundhu ma cun su pitzu ue bogat sa tzeurra Sinonimi e contrari basoludundhu, chíghere, cígiri Terminologia scientifica lrs, Cicer arietinum Etimo srd.

basoludúndhu , nm Definizione basolu tundhu: genia de laore e su granu chi faet, bonu po papare, coment'e unu pisu tundhu ma cun su pitzu inue bogat sa tzeurra: faet una tega crutzitedha e no portat prus de duos granos Sinonimi e contrari basolubitzudu, chíghere, cígiri Frasi su basoludundhu est bonu fatu a minestrone, o a piscadura cun erbuzu ◊ su basoludundhu faghet unu o duos ranos ◊ sighia a drommire sonniendhe coinzolos de ischefa e muntonedhos de basolu tundhu Terminologia scientifica lrs, Cicer arietinum Etimo srd. Traduzioni Francese pois chiche Inglese chickpea Spagnolo garbanzo Italiano céce Tedesco Kichererbse, Kicherling.

basolugadhínu , nm Sinonimi e contrari faiseta 1, ghírtzoru, pabasolu, pisibisi, pisu 3 Terminologia scientifica lrs, Vicia sativa ssp. nigra, V. articulata Traduzioni Francese vesce Inglese vetch Spagnolo alverja Italiano véccia comune Tedesco Pferdehüter.

basolugadhínu 1 , nm Sinonimi e contrari lupinu Terminologia scientifica lrs, Lupinus albus.

basonàre , vrb: asonare Definizione pastorigare cuadhos, ghiare cuadhos in treulóngiu, treulare Frasi compare, male andhades basonendhe: no podides sas ebbas guvernare! Etimo srd.

basòne, basòni , nm: vasoni Definizione chie tenet contu cuadhos, ma fintzes boes; chedha de cuadhos posta a treulare su laore Sinonimi e contrari agasone*, eghinaxu Frasi at faedhadu bacarzos e basones ◊ sos basones ognunu betat giuale a su giú sou e l'acucurrat a sa pedra, a triulare ◊ basone meu, a ti discuidare: ti che ant furadu s'ebba! Cognomi e Proverbi smb: (Asoni), Basoni Terminologia scientifica prf Traduzioni Francese "buttero" Inglese cowherd Spagnolo vaquero Italiano bùttero, cavallaro Tedesco berittener Hirt.

basonínzu , nm Definizione faina de basone in treulóngiu, treulóngiu Etimo srd.

basónzu , nm Definizione su istare basandho Sinonimi e contrari basadura, basinzu, basotamentu / cdh. baxugnu Etimo srd. Traduzioni Francese embrassades Inglese smothering with kisses Spagnolo besuqueo Italiano sbaciucchiaménto Tedesco Küssen.

basotadúra , nf Definizione su abbarrare basandho, su basare fatuvatu Sinonimi e contrari basonzu, basotamentu Etimo srd.

basotaméntu , nm Sinonimi e contrari basonzu, basotadura Etimo srd. Traduzioni Francese embrassades Inglese smothering with kisses Spagnolo besuqueo Italiano sbaciucchiaménto Tedesco Abküssen, Küssen.

basotàre , vrb Definizione su abbarrare basandho, su basare fatuvatu Etimo srd. Traduzioni Francese bécoter Inglese to smother with kisses Spagnolo besuquear Italiano sbaciucchiare Tedesco küssen.

bàssa bàscia

bassalitórtu , agt, nm: passalitortu* Definizione chi est coment'e fertu a passalidortas, chi est coment'e orruendho a una parte, parangau a una parte: dhu narant fintzes a su pigione, a sa passalidorta etotu Sinonimi e contrari illumbadu Frasi canno sos sentitos si li bortaiant a s'imbesse, s'annàntile si li fachiat bassalitortu, si li mucraiant sos grenucos.

bassallàda , nf Sinonimi e contrari bassarada.