A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bebberèche 1 , nm: perpereche Definizione pigione chi abbitat meda in Sardigna e faet sa cria fintzes duas bortas in s'annu Sinonimi e contrari cancàrau 1, cícuri, crànchiu, pasparau, scuacioni, trepodrè Terminologia scientifica pzn, coturnix coturnix Etimo srd.

bebberríu , nm Sinonimi e contrari babbaúciu, babboi, cerpiu.

bebbisíta , nf Definizione fémina, prus che àteru piciochedha, chi a pagamentu giaet atentzione a unu pipiu Sinonimi e contrari serbidora Frasi dèu mi nci papu de su nervosu: cussus ispassiendisí e dèu innoxi fendidhus sa bebbisita! (A.Simbula) Etimo engl. baby-sitter.

bébidu , nm, nf: bélia, bélida, bélidu, béliu Definizione prus che àteru, sa boghe de is brebès, de is crabas, nau fintzes de gente po boghe de dolore, de lamentu Sinonimi e contrari bebbéchinu, bèolo, mammàrgiu, mélida, méliu Frasi funt a bébidus e a brínchidus cument'e unu tallu de crabus! ◊ grígliat paghe e vida tra bélidas e sonizos de campagna ◊ intendhes bélidas, múilos de amas ◊ s'intendhiant bélidas de anzones istrinnigados ◊ sa bélida de s'ama pasculendhe l'isviaiat dae totu sos pensamentos 2. sa muzere si nche fit morendhe a bélias, die cun die ◊ azis a mòrrere a bélia che berveches fadicadas (L.Pusceddu) Terminologia scientifica bga Etimo srd. Traduzioni Francese bêlement Inglese baa Spagnolo balido Italiano belato Tedesco Blöken.

bèca , nf Definizione animale corrudu pesau a tàgiu o fintzes a mannalitu, mescamente po su late e po sa petza; genia de bobboi velenosu o beca corruda Sinonimi e contrari craba / arpau, ischifione Frasi tzufu de beca, no ti podes ispizare, no?! 2. dh'at mossigau una beca Cognomi e Proverbi smb: Becca Terminologia scientifica anall, crp Etimo srd.

bèca 1 , nf, nm: becu 1 Definizione bobboi piticu chi ponet mescamente a is figos (a sa linna, a sa fògia, a su frutu), tundhitu, a calidades orrúbiu, a calidades coment'e patedha minudedhedha (custa in sa fògia); a logos, giúmburu, frincu, còcoro Sinonimi e contrari tíngia / giumbu, tzulumbone 2. si mi che betat su molente, totu su prus mi potzo fàere crachi beca! Terminologia scientifica crp Etimo srd. Traduzioni Francese cochenille Inglese tinea Spagnolo cochinilla Italiano coccinìglia Tedesco Schildlaus.

becàcia , nf: becatza, bicàcia, bicatza Definizione genia de pigione, pudha, o cabone, de mudegu; si narat fintzes de su bonete a visiera curtza Sinonimi e contrari pitulilongu / bonete, cicia Terminologia scientifica pzn, scolopax rusticola Etimo itl. Traduzioni Francese bécasse, barge Inglese woodcock Spagnolo chocha Italiano beccàccia Tedesco Waldschnepfe.

becacínu , nm Definizione pigione, una genia de becàcia ma prus pitica, de tantas calidades: orrubiastu, de mare, de mata, imperiale, niedhutzu, reale Terminologia scientifica pzn, capella gallinago Etimo itl. beccaccino.

becàciu , nm Definizione a logos, fedu piticu de animale (craba, berbè).

becàda , nf Definizione su becare, su atumbare o iscúdere apare Sinonimi e contrari atumbada, atzapulada, imbrúnchinu Frasi compares mios, dao custa becada chi pariat un'incorrada e ruo a terra che pira sica! ◊ si poderaiat sa conca lamentàndhesi pro su tzuellu chi li at fatu sa becada Etimo srd.

becàju , nm Definizione chie macellat petza de craba, macellaju Sinonimi e contrari carnatzeri Etimo srd.

becàre , vrb Sinonimi e contrari atumbae, fèrrere Frasi sas nues, niedhas píghidas e arrajoladas, curriant becàndhesi una cun s'àtera (B.Mazzone)◊ cussu imbriagone andhat beca beca e imbola imbola dae cuzone in cuzone Etimo srd.

becàtza becàcia

becédhu , agt, nm: betzedhu Definizione chi o chie est béciu Sinonimi e contrari becióngiu, becitedhu, betzaredhu | ctr. giovunedhu Frasi custu becedhu lassat s'aposentu.

becèsa , nf: betzesa, vecesa Definizione su èssere bècios, s'úrtimu tempus de una vida candho sa persona, fintzes sana, si derruet / a sa b. sa pigota = fàghere una cosa – che a su fatzinu a betzu – candho no est prus tempus, candho no serbit prus (nadu prus che àteru de unu cumportamentu) Sinonimi e contrari ansianidade | ctr. gioventura, picinnia Frasi sa betzesa mi est sighindhe! ◊ sa becesa de Batista Nuxis, chi ndi dhi essiat sa farrixedha de is genugus ◊ a is becesas si gosat sa giubbilatzioni ◊ giai ndhe faet, totu, de brullas sa becesa: candho fio picioca non dhos intendhia is peis fritos! ◊ babbu e mamma sunt benindho in becesa! Cognomi e Proverbi prb: a is becesas camisa arrandada Terminologia scientifica vda Traduzioni Francese vieillesse Inglese old age Spagnolo vejez Italiano vecchiàia Tedesco Alter.

bèche , nm Definizione su pei o camba de unu trastu, de unu móbbile (es. mesa, letu, cadira).

bechíle , nm Definizione in s'aprigu de su crabàgiu, genia de acorru ue si ponent is crabitos seberaos Sinonimi e contrari irchile, seperadorju Terminologia scientifica pst Etimo srd.

béchina , nf Definizione su bestiàmene cràbinu Etimo srd. Traduzioni Francese caprines Inglese capridae Spagnolo caprino Italiano Caprini Tedesco Ziegen (Pl.).

béchina 1 , nf Definizione genia de essidura (becos, orrúngia béchina), de isfogu chi essit in sa pedhe mescamente a is pipios suendho Sinonimi e contrari bechiza, becos Terminologia scientifica mld.

bechinósu , agt Definizione chi portat becos, orrúngia Sinonimi e contrari becosu.