A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bebberèche 1 , nm: perpereche Definitzione pigione chi abbitat meda in Sardigna e faet sa cria fintzes duas bortas in s'annu Sinònimos e contràrios cancàrau 1, cícuri, crànchiu, pasparau, scuacioni, trepodrè Terminologia iscientìfica pzn, coturnix coturnix Ètimu srd.

bebberríu , nm Sinònimos e contràrios babbaúciu, babboi, cerpiu.

bebbisíta , nf Definitzione fémina, prus che àteru piciochedha, chi a pagamentu giaet atentzione a unu pipiu Sinònimos e contràrios serbidora Frases dèu mi nci papu de su nervosu: cussus ispassiendisí e dèu innoxi fendidhus sa bebbisita! (A.Simbula) Ètimu engl. baby-sitter.

bébidu , nm, nf: bélia, bélida, bélidu, béliu Definitzione prus che àteru, sa boghe de is brebès, de is crabas, nau fintzes de gente po boghe de dolore, de lamentu Sinònimos e contràrios bebbéchinu, bèolo, mammàrgiu, mélida, méliu Frases funt a bébidus e a brínchidus cument'e unu tallu de crabus! ◊ grígliat paghe e vida tra bélidas e sonizos de campagna ◊ intendhes bélidas, múilos de amas ◊ s'intendhiant bélidas de anzones istrinnigados ◊ sa bélida de s'ama pasculendhe l'isviaiat dae totu sos pensamentos 2. sa muzere si nche fit morendhe a bélias, die cun die ◊ azis a mòrrere a bélia che berveches fadicadas (L.Pusceddu) Terminologia iscientìfica bga Ètimu srd. Tradutziones Frantzesu bêlement Ingresu baa Ispagnolu balido Italianu belato Tedescu Blöken.

bèca , nf Definitzione animale corrudu pesau a tàgiu o fintzes a mannalitu, mescamente po su late e po sa petza; genia de bobboi velenosu o beca corruda Sinònimos e contràrios craba / arpau, ischifione Frases tzufu de beca, no ti podes ispizare, no?! 2. dh'at mossigau una beca Sambenados e Provèrbios smb: Becca Terminologia iscientìfica anall, crp Ètimu srd.

bèca 1 , nf, nm: becu 1 Definitzione bobboi piticu chi ponet mescamente a is figos (a sa linna, a sa fògia, a su frutu), tundhitu, a calidades orrúbiu, a calidades coment'e patedha minudedhedha (custa in sa fògia); a logos, giúmburu, frincu, còcoro Sinònimos e contràrios tíngia / giumbu, tzulumbone 2. si mi che betat su molente, totu su prus mi potzo fàere crachi beca! Terminologia iscientìfica crp Ètimu srd. Tradutziones Frantzesu cochenille Ingresu tinea Ispagnolu cochinilla Italianu coccinìglia Tedescu Schildlaus.

becàcia , nf: becatza, bicàcia, bicatza Definitzione genia de pigione, pudha, o cabone, de mudegu; si narat fintzes de su bonete a visiera curtza Sinònimos e contràrios pitulilongu / bonete, cicia Terminologia iscientìfica pzn, scolopax rusticola Ètimu itl. Tradutziones Frantzesu bécasse, barge Ingresu woodcock Ispagnolu chocha Italianu beccàccia Tedescu Waldschnepfe.

becacínu , nm Definitzione pigione, una genia de becàcia ma prus pitica, de tantas calidades: orrubiastu, de mare, de mata, imperiale, niedhutzu, reale Terminologia iscientìfica pzn, capella gallinago Ètimu itl. beccaccino.

becàciu , nm Definitzione a logos, fedu piticu de animale (craba, berbè).

becàda , nf Definitzione su becare, su atumbare o iscúdere apare Sinònimos e contràrios atumbada, atzapulada, imbrúnchinu Frases compares mios, dao custa becada chi pariat un'incorrada e ruo a terra che pira sica! ◊ si poderaiat sa conca lamentàndhesi pro su tzuellu chi li at fatu sa becada Ètimu srd.

becàju , nm Definitzione chie macellat petza de craba, macellaju Sinònimos e contràrios carnatzeri Ètimu srd.

becàre , vrb Sinònimos e contràrios atumbae, fèrrere Frases sas nues, niedhas píghidas e arrajoladas, curriant becàndhesi una cun s'àtera (B.Mazzone)◊ cussu imbriagone andhat beca beca e imbola imbola dae cuzone in cuzone Ètimu srd.

becàtza becàcia

becédhu , agt, nm: betzedhu Definitzione chi o chie est béciu Sinònimos e contràrios becióngiu, becitedhu, betzaredhu | ctr. giovunedhu Frases custu becedhu lassat s'aposentu.

becèsa , nf: betzesa, vecesa Definitzione su èssere bècios, s'úrtimu tempus de una vida candho sa persona, fintzes sana, si derruet / a sa b. sa pigota = fàghere una cosa – che a su fatzinu a betzu – candho no est prus tempus, candho no serbit prus (nadu prus che àteru de unu cumportamentu) Sinònimos e contràrios ansianidade | ctr. gioventura, picinnia Frases sa betzesa mi est sighindhe! ◊ sa becesa de Batista Nuxis, chi ndi dhi essiat sa farrixedha de is genugus ◊ a is becesas si gosat sa giubbilatzioni ◊ giai ndhe faet, totu, de brullas sa becesa: candho fio picioca non dhos intendhia is peis fritos! ◊ babbu e mamma sunt benindho in becesa! Sambenados e Provèrbios prb: a is becesas camisa arrandada Terminologia iscientìfica vda Tradutziones Frantzesu vieillesse Ingresu old age Ispagnolu vejez Italianu vecchiàia Tedescu Alter.

bèche , nm Definitzione su pei o camba de unu trastu, de unu móbbile (es. mesa, letu, cadira).

bechíle , nm Definitzione in s'aprigu de su crabàgiu, genia de acorru ue si ponent is crabitos seberaos Sinònimos e contràrios irchile, seperadorju Terminologia iscientìfica pst Ètimu srd.

béchina , nf Definitzione su bestiàmene cràbinu Ètimu srd. Tradutziones Frantzesu caprines Ingresu capridae Ispagnolu caprino Italianu Caprini Tedescu Ziegen (Pl.).

béchina 1 , nf Definitzione genia de essidura (becos, orrúngia béchina), de isfogu chi essit in sa pedhe mescamente a is pipios suendho Sinònimos e contràrios bechiza, becos Terminologia iscientìfica mld.

bechinósu , agt Definitzione chi portat becos, orrúngia Sinònimos e contràrios becosu.