bennidòre 1 , nm: binnidore Definizione castiadore, badrianu, fatore de bíngias Sinonimi e contrari badrianu, tentadore / bignàrgiu, bignateri Frasi in binza no bi apo bennidore: fato a cómpida e dassa deo etotu ◊ in sas binzas deo so binnidore ◊ istat a buca abberta che bennidore Etimo ltn. vinitore(m).
bennidòre 2 benidòre
bénnidu beníu
bénnidu 1 béndhidu
bennínna , nf, nm: binnenna,
binnenni,
vinnenna Definizione
is trebballos chi si faent po ndhe incungiare s'àghina: segare, pònnere in istrègios, carrare e incubonare
Sinonimi e contrari
binnennera,
binnennonzu
Frasi
in tempus de sa benninna acudiant bidhas intreas a sas binzas suas ◊ in cabidanni sa zente est in binnenna ◊ bi at logu chi narant "su binnenni"
Etimo
ltn.
vindemia
Traduzioni
Francese
vendanges
Inglese
vintage
Spagnolo
vendimia
Italiano
vendémmia
Tedesco
Weinlese.
benniólu bendhijólu
bènniri bènnere
bénnita benía
bénnitu béndhidu
bénnitu 1, benníu, bénniu beníu
bénniu 1 béndhidu
bennuléri bendhuléri
benòne, benòni , avb Definizione
bene meda
Traduzioni
Francese
très bien
Inglese
very well
Spagnolo
muy bien,
requetebien
Italiano
benóne,
mólto bène
Tedesco
sehr gut.
bènos , nm Definizione prus che àteru, is abbas chi essint in sa terra, o chi sumint in tretu in àteru tempus asciutu, addaghi faet temporadas e si sicant luego apustis: funt singiale chi sa terra est tzatzada e faet bundhare is funtanas o benos manantiales Frasi in rios, in trainos che in benos sighit a cúrrere s'abba in cantidade (P.Serra)◊ custa temporada de abba at bogadu sos benos.
benósu , agt: venosu* Definizione
nau de logu, de terrenu, chi dhue at benos, chi essit abba in medas giassos; nau de gente, chi portat venas grussas a pígiu
Sinonimi e contrari
abbadrinosu,
benàtile
Terminologia scientifica
slg
Traduzioni
Francese
marécageux
Inglese
boggy
Spagnolo
paludoso,
cienagoso
Italiano
acquitrinóso
Tedesco
sumpfig.
bentàle , nf Definizione su pei de s'arau, sa parte de asuta, sa chi trisinat in terra arandho: portat s'abrada in punta e fúrriat o covecat sa terra arada Sinonimi e contrari antabi, dentale*, gentali.
bentalladòre , nm Definizione trastighedhu ispratu o chi si podet ispràghere, fatu de dhu pòdere pigare a una manu po si fàere bentu a cara po sa basca Sinonimi e contrari afantallu, arrosta, bentallu Etimo srd.
bentalladúra , nf Definizione su bentallare Etimo srd.
bentallàre , vrb Definizione fàere bentu, mòvere s'ària, tirare bentu Sinonimi e contrari afantallai, arrostai, irbentuliare Etimo itl. ventagliare.
bentàllu , nm: ventàgliu Definizione genia de trastighedhu po si fàere friscura movendho s'ària; bentu forte Sinonimi e contrari afantallu, arrosta, bentalladore / bentu 2. debbadas fit, cussu bentallu, istanote: nos l'at pitzicada! Etimo itl.