A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

carrasciàle , nm Definizione dies de festa innanti de intrare barantinu / carrascialone = sa prima domíniga de carésima Sinonimi e contrari carraghetza, carrasecare, sagarebetza / cdh. carrasciali, ttrs. carrasciari Frasi lassa tue custu carrasciale de modas macas! (A.Casula)◊ a proba est su Giudítziu universale, ma sos umanos vivent in delíriu e parent in continu carrasciale (P.Casu)◊ carrasciale si ndhe andhat e faghet sa dispidida: totu custas chimbe chidas nos tocat a geunare! Terminologia scientifica sntz Etimo itl. carnasciale Traduzioni Francese carnaval Inglese carnival Spagnolo carnaval Italiano carnevale Tedesco Karneval.

carrasciàre carralciàre

carràsciu, carràscu carràschiu

carrasecàre , nm: carrasegai, carrasegare, carresegare Definizione innanti de intrare barantinu, dies de festa candho si giogat a essire afaciolaos e fàere brullas Sinonimi e contrari carraghetza, carrasciale, sagarebetza Modi di dire csn: lendhas de carrasegare = sos durches chi si faghent a c.; fàghere su risu de su pudhu de c. = s'arrisu de is angionis de Pasca, èssiri mortus. mòrriri Frasi in carrasegare brullant sas persones cumbinendhe funtziones chi faghent dilliriare (A.Paba)◊ carrasegare bellu che ocannu in bidha mai ndhe amus bidu! ◊ carrasecare meu torratinne chin d-un'istaca prena de uvusones! Cognomi e Proverbi prb: sos males de carrasegare si pranghent in barantinu Terminologia scientifica sntz Etimo srd. Traduzioni Francese carnaval Inglese carnival Spagnolo carnaval Italiano carnevale Tedesco Karneval.

carrasegàda , nf: carresegada, carrisegada Definizione dólima fratosa, càncaru Sinonimi e contrari illatzada Terminologia scientifica mld Etimo srd. Traduzioni Francese déchirure musculaire, contraction musculaire, entorse Inglese sprain Spagnolo tirón, distorsión Italiano strappo muscolare, contrazióne del mùscolo, distorsióne Tedesco Muskelriß, Distorsion.

carrasegài, carrasegàre carrasecàre

carraspròne , nm Definizione berrisone, tupisone, nae ispinosa Sinonimi e contrari arrasolu, barrasolu, frascone, ghirrisone, istupu, raspisone

carratòre carradòre

carratzólu carraciòla

carratzúca , nm Definizione tziu Neunu, babbai Nemmos, unu chi no si agatat: dhu narant po unu chi no contat nudha, chi est coment'e nemos, fatu e lassau Sinonimi e contrari mussinemmos Etimo srd. Traduzioni Francese nullité Inglese nonentity, insignificant no one Spagnolo nulidad Italiano un èssere inesistènte, nessuno, insignificante Tedesco unbedeutender Mensch.

carràu , pps Definizione de carrare Sinonimi e contrari batidu, portau.

carraudhòne , nm Definizione béciu cadrudhu, persona bècia e malandhada Sinonimi e contrari iscadrabudhadu, iscadrudhadu, iscarrapociau, scarrabudhau Frasi cussos carraudhones sont mustérchitos in su contone.

carravarína , nm, nf Definizione bobboi chi est sa muda de s'erruca, portat alas totu coment'e pintas, a magas de diferentes colores e paret chi portant farra ca a dhas tocare lassant pruinedhu (paret farra, e de custu foedhu custu númene), bolat ma no faet bolu pàsidu: si movet a iscutuladas, de botu, de un'ala a s'àtera Sinonimi e contrari abadegasu, barabàtula, faghevarina, folacasu, lepilepi, maniposa, pabedha, papagasu, pumiribbella, seisei Terminologia scientifica crp Etimo srd. Traduzioni Francese papillon Inglese butterfly Spagnolo mariposa Italiano farfalla Tedesco Schmetterling.

carravarína 1 , nf Definizione aina: una màniga de linna intrada in d-una mesa luna de linna etotu impreada po ndhe bogare sa farra de su lacu de sa mola Sinonimi e contrari tiravarina, tiravarra Terminologia scientifica ans Etimo srd.

carravàtzu, carravàtzulu , nm Definizione genia de bobboi Sinonimi e contrari carrabbusu, carrammelda, tragammerda, travajoni Frasi canno bi est su carravatzu impicatu torrat su bentu Terminologia scientifica crp Traduzioni Francese scarabée Inglese beetle Spagnolo escarabajo Italiano scarabèo Tedesco Skarabäus.

carravàulas , nm Definizione genia de libbru ue si pretenet de nàrrere innanti de su tempus is cosas chi depent bènnere; nau in cobertantza, chie istat sèmpere naendho a s'afaiu Sinonimi e contrari ceravallu, tzerafàvulas Etimo srd.

carravòni , nm Definizione fossu, istampu fatu in terra Frasi ma custa fémina in cali carravoni at a èssi istichida?

carravòre , nm Definizione àliga, orrobba chi no serbit, chi istrobbat, prus che àteru nau de erba, linna Sinonimi e contrari arrabore, bascaràmene, burrumballa, imbaratzu, malesa Frasi za ndhe at batidu de carravore, custu bentu! ◊ in su trigu no bi at créschidu carravore ca fit bene tzapitadu ◊ sa pitzinna est faghindhe sas dentes e donzi carravore si che ponet in buca.

carraxài carragliàre

carraxài 1 , vrb Definizione carrabbusai, betare is manos a pitzu de unu, lòmpere a pitzu (o fàere carraxu, pesare avolotu, burdellu) Frasi sa genti carraxàt, totus boliant s'ómini sétziu.