A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

columbèra colombèra

columbéri colombéri

columbéri 1 , nm: columeri Definizione tubbu de fognas, logu istrintu ue passat calecuna cosa / avb. andhare, colare a culumberinu = totu asuta de sa malesa, asuta de is matas e tupas chi cuant a cada parte Sinonimi e contrari connutu, cundhutura / colomberi Frasi de unu columeri at bidu tres ómines chi ant apertu su cuile 2. cussu caminu no l'ispatat ne Comunu e ne sos de sa leada: est totu tupadu, tocat a colare a culumberinu.

columbína , nf Definizione columbedha, columba pitica.

columbínu , agt Definizione de columbu / pei c. = genias de erba: Geranium columbinum, Alkanna tinctoria. Etimo ltn. columbinus.

columbràxu columbàriu

columbrína colubrína

colúmbu caómbu

columéri columbéri 1

columínzu colimínzu

colúmma colúmba

cólumu cólimu

colúna , nf: culuna Definizione cambarada de chimbe o ses carabbineris chi essint a rundha Sinonimi e contrari patrúglia Frasi si bidet ritirendhe sa culuna dae fàghere notada in s'alta zona pro vigilare sa vida comuna ◊ santu Nigola, ’e sos Santos eroes, tue lis siat coluna ’e difesa! Etimo itl. colonna Traduzioni Francese patrouille, escadrille Inglese squad Spagnolo cuadrilla, patrulla Italiano squadrìglia, pattùglia Tedesco Patrouille.

colúnna , nf Definizione pilastru, pedra segada de longu trebballada tundha, totu a unu o a orrugos unu in pitzu de s'àteru, po aguantare parte de unu fràigu; datos, mescamente números, assentaos subràbare o fintzes rapresentaos cun gràficu a retàngulos prantaos / genias de colunna: lisa, a coras, a caragolu; partes de una colunna: sa basi, su cordoni de sa basi, su pei, su fusti o fusu, su capitellu o conca Sinonimi e contrari colondra, coróndua / cdh. culunna Frasi cara cara a su témpiu che at pesadu duas colunnas artas trinta chimbe cúbbitos ◊ mirai is peis e is manus mias e cussa est sa colunna chi mi ant afrontau! Terminologia scientifica dmo Etimo ltn. columna Traduzioni Francese colonne Inglese column Spagnolo columna Italiano colónna Tedesco Säule.

colunnàda , nf Definizione filera o órdine de colunnas Sinonimi e contrari cdh. culunnatu Terminologia scientifica dmo Traduzioni Francese colonnade Inglese colonade Spagnolo columnata Italiano colonnato Tedesco Säulengang.

colustídhiu , nm, nf: corastidha, corastidhu, coristidhu, corostidha Definizione ispina molentina, ispina cixiredha o de caràtua, genia de erba chi faet una cranciofedha cun ses o sete ispinas apertas a istella chi dha faent assimbigiare a una genia de cardu Sinonimi e contrari cadalava, cadàtola, cixiredhu, istrainabias Frasi immoi no seus fuedhendu ni de cobiscu, ni de prunixedha e ni de corastidha Terminologia scientifica rba, Centaurea calcitrapa Etimo srd. Traduzioni Francese chardon étoilé Inglese caltrop Spagnolo cardo estrellado Italiano cardo stellato Tedesco Wiesenflockenblume.

coluvronàre , vrb: culuvronare Definizione istare a inghírios che unu culuvrone; pigare cun ingannu, a trampa Sinonimi e contrari abbovai, coglionai, colovrinare, imbusterai, imbuvonare, improsae, ingannai, istusciare, mariotare, piocai, trampai Etimo srd. Traduzioni Francese embobiner Inglese to swindle Spagnolo embaucar, trampear Italiano raggirare Tedesco betrügen.

còlve còlbe

colvinzòla , nf Definizione colve, crobe pitica Etimo srd.

cólvu , nm: corbu, corvu, crobu, crou Definizione genia de pigione mannu totu a pinnias niedhas: in Sardigna est de una arratza diferente e che faet abbitu totu s'annu, prus che àteru in logu de monte, de orrocas, ma dhue ndh'at puru una arratza chi est solu de passera in ierru e si ndhe andhat a metade de martzu (corvus frugileus)/ min. corbitu / colvu ambidhaju, anguidhàrgiu = corvumarinu, itl. cormorano; crobu de mari = itl. marangóne dal ciuffo, un'àtera creze de corbu marinu (phalacrocorax aristotelis desmarestii); corvu ambidhastru = càrgia, caboni de canna, itl. tarabuso Sinonimi e contrari corvai, prinedhu, tifane / cdh. colbu Modi di dire csn: pane de colvu = mammesonnu, sónniga, itl. crisàlide, nadu gai ca piaghet a sos corbos; genia de frastimus: sos corbos lu comínighent! (= chi si che morzat!), sa tucada de su corvu! (= chi fatzat sa tucada de su fumu, chi bandit e no torrit prus!); nighedhu che ala de corbu = niedhu píghidu (cun ironia: biancu che ala de c.); non giare abba a crobu = èssiri própiu susuncus, limidos a s'úrtimu etzessu; chilcare su colvu a méigu = pònniri a marxani a castiai is angionis; fàghere s'annàntzia de su crobu = andhare a cumandhu e istentare tropu Frasi compare, corvos in sa figu bi at chi bos la sunt fatendhe a disania: ma si sa figu fit istada mia, su corvu mortu, sa figu segada!… 2. sos corbos lu comínighent! ◊ su corvu, sa giustíscia lu pioat! ◊ innanti non giaiat abba a crobu e como agiudat finas a che sarvare is brebès de is àteros (R.Sardella) Cognomi e Proverbi smb: Corbu, Corbeddu, Corbitu, Corveddu, Crobu, Crobeddu / prb: àinu no morit candho cheret colvu ◊ crobu cun crobu no si ndi bogat s'ogu ◊ a su mortorzu current sos corvos Terminologia scientifica pzn, corvus corax sardus Etimo ltn. corvus Traduzioni Francese corbeau Inglese raven Spagnolo cuervo Italiano còrvo imperiale Tedesco Kolkrabe.