A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

conchipredósu conchibedrósu

conchírde concabbírdi

conchiribédhu , avb Definizione a c. = a cúcuru ficadu, conca a bàsciu.

conchiscadhigàu , agt, nm Definizione chi o chie est chentza cabu, no giaet atentzione Sinonimi e contrari conchiabbadu, isagherau, isalambrau | ctr. atensionau Frasi abbàida chi, conchiscadhigau comente ses, no apas postu su dinare in crachi cadassu! ◊ conchiscadhigau, che dh'as a àere pérdia in caminu cussa cosa! Terminologia scientifica ntl Etimo srd.

conchischeréscidu , agt Definizione chi s'imméntigat sa cosa, ma prus che àteru po su malu cabu, su pagu incuru Sinonimi e contrari abbaucadu, ammodoinau, innotoriadu, ilmentigadu, irmentigajolu, sbentiau Terminologia scientifica ntl Etimo srd. Traduzioni Francese étourdi, qui n'a pas de mémoire Inglese forgetful Spagnolo desmemoriado Italiano smemorato Tedesco vergeßlich.

conchiscrariàtu , agt Definizione chi no portat pilos in conca Sinonimi e contrari conchispilidu, ispinniadu, scucau / cdh. capilixu Terminologia scientifica zcrn Etimo srd.

conchisèdha , agt Definizione nau de ccn., chi est conchedha, conca mala.

conchisícu , agt Definizione chi est de crebedhera pagu giusta Etimo srd.

conchispilídu, conchispilítu, conchispilíu , agt Definizione chi portat su cúcuru ispiliu, chi at pérdiu is pilos de sa sedha de cúcuru Sinonimi e contrari ispinniau, scucau Terminologia scientifica zcrn Etimo srd. Traduzioni Francese chauve Inglese bald Spagnolo calvo Italiano calvo Tedesco kahlköpfig.

conchísta , nf, nm: conchistu, cunchista Definizione cosa chi si arrennescet a tènnere, badangiare, su chi si arrennescet a ndhe bogare de unu trebballu, de un'ispesa; totu su chi si arrennescet a pigare a is àteros cun sa gherra Sinonimi e contrari lucru | ctr. pérdua Frasi piús filu no bi at de isperàntzia, como est pro te su vívere agabbadu: acò ite conschistu ndhe as bogadu de no àere in me postu aficàntzia! (P.Mossa)◊ leàdi custu dinari e pònelu in conchistu! 2. a sa Sardigna totugantos, cun manera indigna, l'ant tratada che terra de cunchista! Etimo spn. conquista Traduzioni Francese conquête Inglese conquest, utility Spagnolo conquista Italiano conquista, utilità Tedesco Eroberung, Nützlichkeit.

conchistadòre , nm Definizione chie faet una conchista Traduzioni Francese conquérant Inglese conquerer Spagnolo conquistador Italiano conquistatóre Tedesco Eroberer.

conchistài, conchistàre , vrb Definizione impreare sa cosa o su tempus a manera de ndhe bogare unu arresurtau bonu / conchistare su tempus, sa cosa = impreare su tempus, sa cosa, cun cabu, cun lúcuru, chentza ndhe pèrdere in debbadas Sinonimi e contrari acanciare, lucurare 1 | ctr. perdimentare, sperditziai Frasi est prus su tempus chi perdet in inghírios chi no su chi conchistat triballendhe ◊ a fàghere gai est a la frundhire, sa cosa, no a la conchistare! ◊ bi est chie su tempus lu perdet e chie lu cunchistat: su primu si ndhe agatat male, su de duos bene Etimo spn. conquistar Traduzioni Francese fructifier Inglese to put to good use Spagnolo prosperar Italiano méttere a frutto Tedesco nützen.

conchístu conchísta

conchíta , nm Definizione nau de unu, conca mala, chi no est tanti giustu, chi faet aconcadas macas; a logos dhu narant a s'orroca chi essit unu pagu de su terrenu, bàscia Sinonimi e contrari conchedha, concutza / rochita Frasi conchita, cussu, balla: cun su càmiu nc'est passau in su passàgiu a livellu serrau! ◊ fradi miu mannu fiat conchita, malu a ghetai in pinta: dhu pigànt a trabballai e de dónnia logu ndi dhu bogànt! Etimo srd.

conchitóstu , agt Definizione chi portat sa conca tostada, nau in cobertantza po tontu, tostorrudu Etimo srd.

conchítzu , nm Definizione gioga manna chi si manígiat fintzes coment'e corru po sonare a suladura Sinonimi e contrari corra, corredha, corróina, corroneta, tufa, tufigedhu.

conchiúncu , nm Definizione pigionedhu prus piticu de su cuncurredhu Terminologia scientifica pzn.

conchivínu , agt Definizione chi est carrale, frade o sorre de unu lados, fígiu de matessi babbu e diferente mama, o fígiu de matessi mama e diferente babbu Sinonimi e contrari conchinu* Terminologia scientifica ptl.

conchivràcu , agt, nm Definizione chi o chie est débbile de conca in su sensu chi no tenet ideas seguras, firmas, e si lassat cumbínchere chentza dificurtade Sinonimi e contrari conchibbódiu Frasi sa tentassione aprofitat in sos conchivracos.

conchixèdha conchighèdha