A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

concósu , agt Definizione its, cónchinu, abbetiosu? Frasi tanti no ses concosu!…

concótu , pps, agt Definizione de concòghere, concòiri Sinonimi e contrari tiziridu Traduzioni Francese digéré Inglese digested Spagnolo digerido Italiano digerito Tedesco verdaut.

concràve conclàve

concruíre concluíre

concruíu concluídu

concrúos conclúos

concrusiòne conclusiòne

cóncu , nm: cuncu Definizione genia de istrégiu, mescamente de linna a pònnere a papare a su porcu, a catzigare su furesu, s'àghina, ammurgiare su casu; concale de porcu / bufare totu a unu c. = totu a unu tirone, chentza torrare àlidu Sinonimi e contrari lacu, pica Frasi pica cussa baca e múrghela a cussu concu de preda ◊ sos bervegarzos zughiant murtorzos, zodharzos e concos pro ammurzare su casu 2. in sa funtana at bíbiu abba chin sas manos a concu 3. pigat unu tzicherone de late e si che dhu bufat totu a unu cuncu ◊ bidindhe cudha isprammada bi faet bufare unu cuncu de abba Cognomi e Proverbi smb: Concu Terminologia scientifica stz Etimo srd. Traduzioni Francese auge en bois Inglese big wooden basin Spagnolo recipiente de madera Italiano gròssa cónca di légno Tedesco großes Holzgefäß.

cóncu 1 , nm: cuncu 1 Definizione númene de arrespetu chi si narat a ómine mannu Sinonimi e contrari babbai, tziu Frasi su domínigu concu Piricu andat a su sartu fintzas a mesudí ◊ cuncu Luisu est su fradi de ajaju ◊ curiosu cuncu Bachis cun s'istrúmbulu in manu e dieta Semprónia cun su bastoni de iscova ◊ acostadí a tzerriai a cuncu Bissenti! Cognomi e Proverbi smb: Concu, Cuncu.

cóncu 2 , agt: cuncu 2 Definizione (f. cúncua) foedhu chi si narat po inditare unu tanti pagu precisu, unos cantu Sinonimi e contrari cabancunu, calchi Frasi baidindi de ogus mius, prima chi ti aciúngia concu cropu! ◊ funt cuncus cincu milla ◊ cuncu muru oi ndi arruit ◊ custus non s'istimànt apari e fadiant dógnia tanti cúncua tírria Traduzioni Francese quelque Inglese some Spagnolo algún Italiano qualche Tedesco enige.

concúda , nf Definizione bellei de cadhu (sa sitzia, o pubúntzula froria, groga, dha ponent a fàere collanas de pònnere a is boes e a is cuadhos, in festas de beranu) o cagarantzu masedu, prus piticu de su cagarantzu, ma bonu fintzes a papare (su coromedhu de su cambu, ispuligau) Sinonimi e contrari cocoininni, pabarantzolu Terminologia scientifica rba, Glebionis segetum Etimo srd.

concúda 1 , nf Definizione diferentes calidades de sitzia, pudéscias puru Sinonimi e contrari sisia Terminologia scientifica rba, Anthemis cotula, A. secundiramea, Cladanthus mixtus, Chamaemelum fuscatum.

concúda 2 , nf Definizione sitzia latosa e un'àtera calidade de sitzia prus manna chi frorit in atóngiu Sinonimi e contrari sisia 1, sitziedha Terminologia scientifica rba, Bellis perennis, B. sylvestris Traduzioni Francese pâquerette Inglese daisy Spagnolo maya Italiano pratolina, margherita autunnale Tedesco Gänseblümchen.

concúda 3 , nf Definizione genia de erba chi assimbígiat a su pabarantzolu e po cussu dhi narant cagarantzu areste, molentinu, cocoininni burdu e no est de papare: su sèmene chi faet praghet meda a is codroneras e po cussu dhi narant erba de cardaneras, de cardedhinas Sinonimi e contrari cagliuga, pedruveghe Terminologia scientifica rba, Senecio vulgaris.

concúda 4 , nf Definizione frore de cada mese, erba de frore, sicia móssia Sinonimi e contrari bellore, pudibudi, sicia 1 Terminologia scientifica rba, Calendula officinalis.

concúdu , agt Definizione chi portat conca manna Sinonimi e contrari concone Cognomi e Proverbi smb: Concudu Etimo srd.

concuínu conchínu

concuistài, concuistàre , vrb Definizione su fàere una conchista cun sa fortza, nau prus che àteru de logos, su si ndhe pònnere mere Traduzioni Francese conquérir Inglese to conquer Spagnolo conquistar Italiano conquistare Tedesco erobern.

cóncula , nf, nm: cónculu, cóncuru, cúncula Definizione genia de istrégiu, fintzes de ortigu, po pònnere àliga, o trastos de samunare o samunaos; conca de mortu / cóncula de s'oju = concale de s'ogru, sa calanca de s'ogru e sos ossos a inghíriu de s'ogru; (leare) a manos cónculas (agt.) = a zunta; cúncula de manu = zunta Sinonimi e contrari bótzicu 1, cartina, ischiu 2, ischivedha, tavania, tina / cdh. cunculina, ttrs. cuncurina / carròcia Frasi faghe falare su sàmbene a intro de unu cónculu! ◊ subra de sa mesa bi at unu cónculu prenu de oos ◊ si est presentadu cun su cónculu prenu de ciciones ◊ at fatu sa madrighe pro sa cota in su conculedhu 2. ite mi cheres narrer, conca muda, dai subra su túmulu niedhu mirendhe cun sa cóncula funguda? (P.Casu) Cognomi e Proverbi smb: Cunculeddu Terminologia scientifica stz Etimo srd. Traduzioni Francese baquet Inglese basin Spagnolo palangana Italiano mastèllo, catinèlla Tedesco Bottich, Waschbecken.

conculèdha , nf Definizione conchedha de ortigu bogau de unu giúmburu de suérgiu, po umprire abba a bufare in campu Sinonimi e contrari bajonedha, conchedha 1, gupu, opia, upada, trobia Terminologia scientifica stz.