A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cruenàle , agt Definizione nau de frutuàriu, chi est tropu cruo, crú mamale, cherfu, dhue bolet meda a còere Sinonimi e contrari chélviu.

cruèsa , nf Definizione su èssere cruo de sa cosa chi no est lómpia, no est cota; nau de gente, chi no at callau a ciorbedhu, chi tenet su fàere de unu piciochedhu Traduzioni Francese immaturité Inglese crudeness, immaturity, unripeness Spagnolo agrura, falta de madurez Italiano crudézza, immaturità Tedesco Roheit, Unreife.

cruetòri cabertòre

crufaría crofaría

crufassòni, crufessòne , nf: cufessone, grufassoni Definizione gente meda chi camminat totu pínniga in acumpangiamentu a ccn. (mescamente unu santu)/ sa crufessone de su bene = sa cambarada de amigos e parentes carrèndheche sos trastes a domo de sa cojada noa Sinonimi e contrari acumpagnamentu, brefessioni, poltiscione Frasi cun pannos de seda e de brocadu paria unu pudhedru in crufessone (F.Mura)◊ a su préide che dh'aus acumpanzau in crufessone ◊ nos ant tirau comente si tirant sos boes in sa cufessone de santu Sidoro ◊ una note m'est atobiada una crufessonedha de fémminas a candhela alluta e naendho s'orrosàriu

crúgi crúche

crugifissàre crocifissàre

cruguísta, crugurísta chichirísta

crugullài , vrb Sinonimi e contrari chilcare, iscrucuzonare, scrocollai Frasi in su stàinu is mangonis cun su pitzu funt crugullendi in su ludu in cica de cóciua, de bremis ◊ bandit puru a crugullai, a circai arrastus antigus! (G.P.Salaris) Etimo srd.

crugullòni , nm Definizione genia de bremighedhu chi ponet a su trigu chistiu, ammuntonau o in istrégiu, e apicigat is granos apare Frasi su priogu dhus cruxat che su crugulloni a su trigu! Terminologia scientifica crp.

cruguxòni , nm: culigione, culilgioni, culinzone, culirgioni, culirzone, culixoni, culungioni 1, culunzone, culurgioni, culurjone, culurzone, culuzone, curunzone, curruxoni Definizione genia de papare o de druche cun casu o arrescotu friscu fatu coment'e bustina cun duos pígios de pasta fines apicigaos in oros cun su prenimentu in mesu / curruxoni de bentu = zenia de durche a zisa de culirzone ma frissu e chentza prenimentu Sinonimi e contrari bululzone, guluglione, pulilgioni Frasi po fai cruguxonis sa pasta tocat a dha tendi a pillus ◊ nau ca si funt isculaus is culixonis: po cosa dhus eus pintaus!… 2. si ne dhis dant, si leant unu culunzone de ménnula cotu in forru, o unu culunzone frissu o unu pículu de tzípula Cognomi e Proverbi smb: Culurgioni, Cullurgioni Terminologia scientifica mng Traduzioni Francese ravioli Inglese raviolo Spagnolo ravioles Italiano raviòlo Tedesco Ravioli.

cruinciólu , agt Definizione nau de frutu, chi no est cotu bene, ancora unu pagu cruo Sinonimi e contrari cruàncinu, cruàxini, crudonzu Etimo srd.

cruínu , nm Definizione terra annigrina, crua Sinonimi e contrari crodina Etimo srd.

cruíxini , agt Definizione nau de frutuàriu, chi no est cotu meda, ancora unu pagu cruo Sinonimi e contrari arbau, cruànciu, cruàxini, crudonzu Etimo srd.

crujàre , vrb: cugiare, cujare Definizione serrare, sanare, nau de una segada, de una freadura, de una ferida o checa / cugiare sas feridas, una piae Sinonimi e contrari crosai*, crusulare, sanai Frasi cussas sont punturas malas a crujare ◊ sona su disisperu de sos restados cun sa ferida chentza mai cujare (V.Bécciu)◊ aite a bi torrare, como chi sa ferida est già cujada? ◊ che mama t'istimo e ti addoro ca sa piae in s'ànima mi cujas (P.Secchi)◊ sa praga si mi est crujata Traduzioni Francese cicatriser, suturer Inglese to cicatrize Spagnolo cicatrizar, suturar Italiano cicatrizzare, rimarginare, suturare Tedesco vernarben, nähen.

crúju , nm: crúsiu, cruxu, cúgiu, cuju 1, cuzu cuxu, grusu Definizione terrenu, possessu no meda mannu ma serrau; tretu apartau, frantu, mescamente tra duos muros o cresuras, fintzes loghighedhu po chistire cosa Sinonimi e contrari cugnau, possessu, tanca / angrone, arranconi, chizone, coda 1, corroncone, crucuzone, currungioni, furringoni Frasi cuss'andhata nche dabat a su crúsiu issoro ◊ sunt andhaos a su crúsiu de ube su poledhu fit paschendhe ◊ su crúsiu de cudh'ómine no fit irfenau ◊ padronu de cujos serrat sos àidos ◊ sos crujos suos sunt vinzas, olivàrios e ortos ◊ ite bella est sa rosa chi frorit in sa corte in s’oru de su cruju… 2. canno sas voches no s'intenniant prus, sos tres acratzaris si sont abbitzatos de nch'èssere in crujos, a curtzu a vidha ◊ cada crúsiu lis aperjat in pedes, a cussos cainos! 3. de laore ocannu ndhe apo prenu totu is cúgios ca s'argiola fut mannita ◊ bi at fantàsimas cuadas in dogni cuzu ◊ su batu che intrat in totu sos cuzos ◊ a isse l'ant mortu in sos cujos de su pasciale sou ◊ mi che ant postu in d-unu cuzu po crupa sua ◊ cussu fit su cuzu de s'ainedhu in domo Etimo ltn. clusiu(m) Traduzioni Francese terre fermée par une clôture Inglese fenced farm Spagnolo cercado Italiano podére recintato Tedesco eingefriedeter Gutshof.

crujúra cesúra

crúma , nf Definizione erva pútita, de batos, de arresfrius (su fragu faet a istúrridos) Sinonimi e contrari brunedha, erbiatus, isculabadedhas, issopo, isturridana, sudorea, urma Terminologia scientifica rbc, Teucrium marum Etimo pnc. khourmá.

crumàre , vrb: acromai* Definizione cumerare, inartare is cúmburos crachidandho (comente faent mescamente is burricos) Sinonimi e contrari acumbuai, calchedhare, calchidare, callidare, carcinai, screnciai Frasi sos cadhos annigraiant crumandhe.

crumíru , nm Definizione tiracoa, chie in su postu de trebballu lassat chi siant is àteros a si arrempellare o apònnere a gherra e no faet fortza impare cun is cumpàngios po difèndhere is diritos fintzes suos etotu Traduzioni Francese briseur de grève Inglese scab Spagnolo esquirol Italiano crumiro Tedesco Streikbrecher.