A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cruàtzu , agt Definizione nau de frutuàriu, chi no est cotu bene, unu pagu crú Sinonimi e contrari cruàncinu, cruàxini, crudonzu, cruinciolu.

cruàxini , agt Definizione nau de frutuàriu, chi no est cotu meda, chi est ancora duróngiu Sinonimi e contrari arbau, cruànciu, crudonzu, cruíxini Etimo srd.

crúba cròbba

crubài, crubàre cruài

crubecàda crobecàda

crubixòni , nm: culingioni, culirgioni 1, culurzone 1 Definizione culingioni o culurzone de terra, genia de pigione chi in Sardigna faet abbitu in atóngiu e ierru solu: in beranu si che torrat a tzucare Terminologia scientifica pzn, charadrius apricarius Traduzioni Francese pluvier doré Inglese plover Spagnolo chorlito dorado común Italiano pivière dorato Tedesco Goldregenpfeifer.

crúche , nf: crugi, cruxe, cruxi, gruche, ruche Definizione orrugos de cosa (o fintzes solu síngias) postos unu a istúturu de s'àteru, nau mescamente de su truncu ue ant incravau a Cristos (che àteros cundennaos), passau a símbulu de martíriu, de salvamentu e de su cristianésimu; singiale de sa grughe, su chi si faet tocandhosi cun is puntas de is pódhighes de sa manu destra in crebedhos, petorras, in su codhu mancu e in su destru Modi di dire csn: in tempus o in s'ora de fai gruxi = in unu sinnu; pigai gruxis o crastus, cruxe o conca = seberare una de sas duas alas de sa moneda, ischitindhe; fai sa cruxi a manu manca = manera de si sinnare chi nachi tiat bardare de prus dae carchi male…: si narat candho unu no ndhe cheret intèndhere prus de una chistione Frasi dognunu tirat sa gruxi sua ◊ sa cruxi si fait cun sa manu dereta 2. in tempus de fai gruxi, su meri ndi fiat calau 3. ellus no bollu a tui… lassa ca mi fatzu sa cruxi a manu manca! 4. nosu abarraus de atza: mai cruxis e mai crastus! Etimo ltn. cruce(m) Traduzioni Francese croix Inglese cross Spagnolo cruz Italiano cróce Tedesco Kreuz.

crucifissài, crucifissàre crocifissàre

crúciu , agt: cultu 1, cúrciu, cursu 1, crutzu, curtu 1, curtzu, cussu 1 Definizione nau de sa longària de calecuna cosa, chi no est meda, o no est cantu serbit / min. curtzitu, curtzurinu Sinonimi e contrari | ctr. amplosu, lalgu, longu Modi di dire csn: avb. acurtzu = faedhendhe de tempus, a presse, faedhendhe de logu, chi no est atesu, de manera (de acapiai), chi no si potat istesiare; de curtzu = de acanta, de logu acanta; segai a curtzu, fàere a torra in curtzu = andhare a rugadura faghindhe caminu; truncare in cúrciu, segare in curtzu unu chistionu, un'arrejonu = essiresindhe cun pagas peràulas, chentza chircare donzi piessignu a puntinu Frasi sos pantalones a su pitzinnu, comente est créschidu, ocannu li sunt curtzos de cambutzu ◊ est un'acu cursa ◊ a nosu, is mamas nostas, si teniant amindadas e a funi cursa puru! ◊ custu cunzadu pro bama manna est logu curtzu ◊ oriji longu, vidale, oriji curtu, vida curta ◊ is bràcius mius funt crúcius 2. acapiadhu prus a crutzu, su cuadhu! 3. benit zente de zona de curtzu Cognomi e Proverbi smb: Cursu, Curtu, Curzeddu, Curzu / prb: a cuadhu papadori funi curtza Etimo ltn. *curtius Traduzioni Francese court Inglese short Spagnolo corto Italiano córto, angusto Tedesco kurz, eng.

crúcu , nm, agt Definizione sedhita, tretu inue su terrenu faet a sedha, a bisura de cúcuru, montighedhu Sinonimi e contrari cúcuru, frunchizolu, monticru Frasi asuba de crucu, in artu, prus in artu, anca su tempus bistit is argiolas, inní est logu de contus (V.Pisanu) Cognomi e Proverbi smb: Cruccu Terminologia scientifica slg.

crúcu 1 , nm, agt Definizione (foedhandho de is sordaos tedescos, is Partigianos italianos dhis narànt i crucchi, in calecunu libbru de E. Biagi; in Devoto Oli, crucco sinón. prima de slavo e apustis de tedesco) Frasi bi aiat zente meda, crucos rassos bufendhe birra e mandhighendhe sartitza ◊ sos crucos rient, màndhigant e bufant 2. est una fémina cruca.

crucubíca corcofíca

crucúciu , nm Definizione s'arratza sarda de su puzone trinu, de turra, de palatu, pigione múrinu o murinatzu Sinonimi e contrari afuràrgiu, brufulàgiu, craculeu, frufurinu, muntonarjari, pibischirra, poforinu, trinedha, tziria Frasi dhoi fiat unu gherrígiu de crucúcius acujendisí ◊ chi dhu cassat, su crucúciu, ndi dhi segat sa conca a límpiu Terminologia scientifica pzn, passer hispaniolensis Traduzioni Francese moineau Inglese sparrow Spagnolo gorrión Italiano pàssera sarda Tedesco Weidensperling.

crucúdha , nf Definizione genia de petonadura de is pilos chi abbarrant coment'e imbodhigaos a cricu o tedile tundhu in sa sedha de su cúcuru (unu pagu a cara a desegus); nodu chi si faent is féminas in is trícias Sinonimi e contrari cacariolu, cocoiledhu, crucudhu, cucajone, cucale, cuchedha, cucurinu, picioce.

crucúdhu , nm: cubudhu, cucudhu, cugudhu, curcudhu Definizione de unu bestimentu, sa parte chi si covecat po ammontare sa conca, fata prus che àteru unu pagu a punta; genia de careta grussa chi ponent in conca is féminas; genia de crobedha ue portat su tenaghe su landhe; genia de petonadura de is pilos, cun d-unu nodu mannu in sedha de cúcuru; genia de capotinu de furesu chi portat su cugudhu; a logos dhu narant a sa bentre (istògomo) de su porcu Sinonimi e contrari capurrone, cucutu / crucudha, curcuvedha, mogno Modi di dire csn: torrai in cugudhus (nadu de unu chi at passadu maladia) = torrare a pedhe e ossos, irromasire; crucudhu de sànguini = su si fàghere ruju ruju in cara (de s'atzíchidu o àteru); su curcudhu de sa natura = iscrafudhu, su pizu de pedhe chi cuguzat sa conchedha de su mascru Frasi marrastus trigu mancai proxinendi, cun d-unu sacu de trigiou a cugudhu ◊ pani papau… sacu a cugudhu! 2. mi seu fata unu cugudhu de pius ◊ fit a conca nuda, chin sos pilos belle e totu canos, rimunios dae unu curcudhedhu delicau ◊ sas féminas fint a fardeta longa e a curcudhu 3. mi at bénniu unu crucudhu de sànguini Etimo ltn. cucullus Traduzioni Francese capuchon Inglese hood Spagnolo capucha Italiano cappùccio Tedesco Kapuze.

crucuèu craculèu

crucugiòne, crucugiòni , nm: crucurxoni Definizione genia de pigione, de paule, chi narant fintzes tzurruliu peis arrúbius Terminologia scientifica pzn, tringa totanus Traduzioni Francese chevalier gambette Inglese Redshank Spagnolo archibebe común Italiano pettégola Tedesco Rotschenkel.

crucuíga colcorígia

crucuítu , nm Sinonimi e contrari brufulàgiu, craculeu, crucúciu, fruferarzu Frasi is crucuitus carraxosus trigant a s'acojai.

crucujósu , agt Sinonimi e contrari annuadu, cruculiosu, crucuriatzu, iscuricosu Frasi su tempus fiat crucujosu, su celu cobertu (R.Spissu).