A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

folladúnda , nf Terminologia scientifica rba, Lamium amplexicaule Etimo srd. Traduzioni Francese lamier amplexicaule Inglese henbit deadnettle Spagnolo conejitos, gallitos Italiano èrba ruota Tedesco Stängelumfassende Taubnessel.

follaèra , nf Definizione genia de linna chi faet a cannàile longu e fintzes grussu chi betat coment'e arraighinedhas inue tocat passandho e po cussu che artzat apitzu de is matas e si dhis imbodhigat a istrintu, totu, o fintzes in is muros Sinonimi e contrari arrampicatòglia, auera, candhelalzu, eda 1, èdera, èdola, èlere, èllera, eravera, folladedha / cdh.grédhula Terminologia scientifica mt, Hedera helix Etimo srd. Traduzioni Francese lierre Inglese ivy Spagnolo hiedra Italiano édera Tedesco Efeu, Immergrün.

follaeraggràssa , nf Definizione genia de erba grassa chi si che artzat a in artu che a sa edra Sinonimi e contrari ederaggrassa Terminologia scientifica rba, Senecio angulatus.

follàgiu , nm: follarxu Definizione totu is fògias; trebballu fatu a fògias Sinonimi e contrari fogiàmene, fozasina.

follàmini fogiàmene

follaorigúda , nf Definizione genia de erba nada de pipas o pilledha de pastori po sa forma de su frore (a bisura de tubbitu a ispertiadas cun sa punta incrubada a cugutu, e origa de lèpuri po sa forma de sa fògia: unu e àtera essint de paris terra Sinonimi e contrari catedhina 1, uricredha Terminologia scientifica rba, Arisarum vulgare Etimo srd. Traduzioni Francese gouet à capuchon Inglese friar's cowl Spagnolo candilillos, frailillos Italiano arisaro Tedesco gemeiner Krummstab.

follarèdha folladèdha

follàrxu follàgiu

fòllas , nf Sinonimi e contrari aspidista Terminologia scientifica frs, Aspidistra elatior.

follaspartòsa , nf Definizione feruledha de coloras, folla de Santu Nicolau, genia de feurra a fògias largas meda (ispratas): su frore, biancu, assimbígiat a su de sa pistinaga areste, ma est a bombè Sinonimi e contrari ferulamàscrina, feruloni, feurratzu, tumbaruvémina Terminologia scientifica rba, Magydaris pastinacea Etimo srd.

follesprèni , nf Definizione duas calidades de erba tenent custu númene: una genia de fílighe o erbalíngua, e un'àgave o erba de isprene Terminologia scientifica rba, Phyllitis scolopendrium, Agave americana Etimo srd.

folliòpus , nf Definizione folla de opus, erva ’e dentes, genia de erba chi cuntenet dormitóriu, bona po meighina Sinonimi e contrari mutúturu, nasturru, sutzameli Frasi unu bàngiu de folliopus e narbedha… e su bratzu miu torrat forti che ferru! Terminologia scientifica rbc, Hyoscyamus albus.

follíta , nf Definizione min. de folla; a logos, una calidade de pane, fatu cun arrescotu Sinonimi e contrari follixedha.

follitài , vrb Sinonimi e contrari fozire, ifogire, infollitai | ctr. irfozire Etimo srd.

follixèdha , nf: fozichedha Definizione min. de folla, fògia pitica Sinonimi e contrari follita.

follósu , agt: fozosu Definizione chi giughet fògia meda, chi est càrrigu de fògia, nau de cambu, de mata Sinonimi e contrari acasaladu, afrunzadu, comosu, fogidu, fogiudu, infolliu, ratudu Etimo ltn. foliosus Traduzioni Francese feuillu Inglese leafy Spagnolo frondoso Italiano frondóso Tedesco dichtbelaubt.

fóllu fógiu

follúdu fallúdu

fòlma , nf, prep: forma, fromma Definizione is línias, is oros chi giaent assimbígiu distintu a totu is cosas, ma fintzes su chi bastat po giare una bisura a calecuna cosa; genia de aina o istrégiu chi si ponet a segare o a fàere cosa sèmpere oguale (es. pasta, biscotos, pabassinos); trastu po mantènnere firma calecuna cosa a manera de pigare una bisura o mannària diferente; coment'e prep. si narat po istabbilire unu límite / forma chi… = apenas chi…, comente…, a manu a manu chi… Sinonimi e contrari figura, modellu, mógliu / cufromma Frasi custa poesia est posta in forma de chistionu ◊ cussa picioca portat is formas e sa caminada de una bagadia ◊ su tziu est ispinghendhe unu carredhu a forma de casseta 2. su mastru ponet in fromma sas iscarpas ◊ nci funt is formas po fai figuras de terra o de ghísciu 3. atendiai su pei forma su lentzolu ◊ forma su stampu su babballoti ◊ fromm'a s'intentu meu mi recreo (Piras)◊ mi ant arrestau, ma fio ispetandhe de dha finire forma s'innotzéntzia ◊ forma a s'ispesa depiat èssere su balanzu! 4. cumentzant illuegus a si fai burlas de issu forma chi si funt sétzius ◊ s’est cuau in s’ortu a fosili parau po isparai su furoni forma chi s'iat a èssiri pesau in su muru ◊ in domu seu pagu trancuilla, forma ca imbèciu crescit su dolori (G.Zedda) Cognomi e Proverbi smb: Forma Terminologia scientifica ans Etimo ltn. forma Traduzioni Francese forme, moule Inglese mould Spagnolo forma, molde Italiano fórma, stampo Tedesco Form.

folmàre , vrb: formai, formare, frommare Definizione trebballare unu materiale a manera de dhi giare s'assimbígiu de calecuna cosa, de dhu fàere a cosa chi serbit e comente si bolet, de dhi giare sa forma chi si bolet; cambiare una cosa a manera de pàrrere o de essire un'àtera, diferente, nau fintzes in su sensu de educare, imparare, ammaistrare Sinonimi e contrari fàchere, forgiai, furriai Frasi siat beneitu e laudadu chie chelos e mundhos at formadu! ◊ esprimit a Noè su pentimentu pro àere isse s'ómine formadu ◊ totus po tui funt is pentzamentus chi formu! ◊ pioet subr'a issos dogni gràscia chi Deus at formadu (P.Mossa) 2. su massàgiu candho fut passendhe su santu no si at bogadu su capedhu e assora issu cun sos boes si sunt frommados a crastos Traduzioni Francese former Inglese to form Spagnolo formar, moldear Italiano formare, creare Tedesco formen, bilden.