A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isciontàre iscontàre

isciopài, isciopàre , vrb: iscopiai 1, iscopiare, issopare, ixopare, sciopai Definizione su si apèrrere a crepadura, a tzàcurru, po sa fortza chi ispinghet de sa parte de aintru, o fintzes po pesu meda de fora; su si pesare o pònnere a s'ingrundha a nàrrere, cumenciare calecuna cosa de forte o grave totinduna / isciopa! = foedha! (nau cun tzacu) Sinonimi e contrari cherpai, ciopai, scuartarai Frasi gei nau ca funt isciopendusí, in cussa bidha: gei ses un'isparatoriedhu!…◊ no cabet su coro in sa càscia e si no làgrimo isciopat ◊ s'ambesue daghi si atatat meda ixopat ◊ arresètadi, gai no iscópias che sa buscica de su porcu! ◊ una granata dhi fut iscopiada a pagu tretu e dh'iat pesau a bolai ◊ mi apo issopau unu fruschedhu cun s'agu (P.La Croce) 2. gasi isciopesit pro tantu penare isfoghendhe in piantos e lamentos ◊ si trínnigat, no podet faedhare, poi isciopat in risu tristu e feu ◊ in cussu prammu de terrinu fit iscopiada sa gherra ◊ cudhas si sunt pilisadas chi pariat iscopiandhe su locu Etimo itl. schioppare Traduzioni Francese éclater, crever Inglese to explode, to crack Spagnolo reventar Italiano scoppiare, crepare, esplòdere Tedesco bersten.

iscioperadòre, iscioperadòri , nm: issoperadore Definizione chie isciòperat, est faendho isciòpero Sinonimi e contrari issoperante Frasi is iscioperadoris ant fatu firmai is minadoris e is cerridoras (F.Perella) Etimo srd. Traduzioni Francese gréviste Inglese striker Spagnolo huelguista Italiano scioperante Tedesco Streikende.

iscioperài, iscioperàre , vrb Definizione firmare su trebballu (mescamente dipendhente), prus che àteru coment'e protesta po calecuna chistione.

isciòpero , nm: isciòpiru, issòpero Definizione genia de protesta chi si faet abbarrandho unu tanti de oras o fintzes dies chentza trebballare, o fintzes de àtera manera, nau pruschetotu de dipendhentes Sinonimi e contrari iscioperonzu / ttrs. isciòparu Frasi su trenu arribbat a is tres, isperendi chi no ci siat isciòpiru Traduzioni Francese grève Inglese strike Spagnolo huelga Italiano sciòpero Tedesco Streik.

iscioperónzu , nm Definizione su iscioperare, su istare iscioperandho Sinonimi e contrari isciòparu Etimo srd. Traduzioni Francese action de faire grève (la) Inglese on strike Spagnolo el hacer huelga Italiano scioperìo Tedesco Streiken.

isciopète isciapète

isciópidu , nm Definizione tzàcurru forte, fintzes de isparu Sinonimi e contrari ilbómbiu, iscópiu, tzocu Frasi sa matraca si girat de botu faendho dus isciópidus ◊ s'intendhet isciópidus fortes coment'e tronàcius atesu Etimo srd. Traduzioni Francese détonation Inglese detonation Spagnolo detonación, estampido Italiano detonazióne Tedesco Knall.

isciòpiru isciòpero

isciópu , nm Definizione su isciopare Etimo srd.

isciorài , vrb: sciorai Definizione fàere iscioru, braga, giare a bíere sa cosa, bantandhosi Sinonimi e contrari abantai, bagianai, isfartzare Frasi no po isciorai, ma est méritu miu puru! Etimo itl. sciorare Traduzioni Francese arborer, étaler Inglese to flaunt Spagnolo hacer gala, presumir Italiano sfoggiare Tedesco prunken mit.

isciorbedhàu ischerbedhàdu

iscioriàre , vrb Sinonimi e contrari assucare, igiucare, iscioriare, isciucare, sciampuinai Frasi candho andhaiat a iscioriare sos pannos a sos rios cun cumpagnas, sas sonnionas badhes e montagnas murmutendhe soliat ischidare (B.Truddaju)◊ tratat cussu lavamanu pro donzi bisonzu, ma no est sempre chi l'iscióriat!

isciòro insòro

iscioródhiu, iscioródhu , nm: scioródhiu Definizione cosa chi narat unu chi no est arrexonandho bene, chi est pagu giustu de crebedhu, chi no est atinandho Sinonimi e contrari dellíriu, ischíssiu, varione Etimo srd. Traduzioni Francese radotage Inglese delirium Spagnolo delirio, desvarío Italiano farnètico Tedesco Irrsinn.

isciorrài , vrb: sciorrai Sinonimi e contrari irfurrare* | ctr. iforrare.

isciorrocài isciarrocài

isciorrócu isciarrócu

isciorrógu , nm Definizione isforrogu, corrovu (fintzes in su sensu de su chi s'animale papat forrogandho) Frasi is pegus de procu dhus tengiaiaus a passiu e campànt a làndiri, ollestincu e a isciorrogu.

iscióru , nm: scioru Definizione su isciorai Sinonimi e contrari pompa Frasi no po iscioru, ma femu apretziau de totu sa natzioni! ◊ fiat narendi, cun iscioru, ca fiat impiegau e bèni istipendiau Etimo srd. Traduzioni Francese faste, ostentation Inglese pomp, ostentation Spagnolo ostentación, pompa Italiano fasto, ostentazióne Tedesco Prunk, Schaustellung.