A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscorzolàre iscorgiolàre

iscórzu , nm Definizione i. de coloras = beste de colora (pígiu de pedhe chi su coloru perdet fintzes totu intreu, genia de muda) Sinonimi e contrari cógliu*, pedhe Frasi sas coloras ant lassadu s'iscorzu tra preda e preda.

iscosciài, iscosciàre , vrb: iscossare, scosciai Definizione coment'e bogare de pare is còscias (o àteru puru), segare naes a tiradura (cun su pesu); immarrire is còscias camminandho, andhandho peri su logu; abbituare a sa pelea, fàere forte a trebballu grae Sinonimi e contrari iscratzare, sprecosciai / isconsiminzare Frasi nd'ant iscosciau is cambus de s'olia ◊ cussa mata de limoni est totu iscosciada de su gàrrigu ◊ cudhos zòvanos iscossant duas naes de ozastru e current a bochire fogu 2. in sas garreras iscoscendhe nie so andhada a servire sos padronos Etimo srd.

iscosciomingiài isconsiminzàre

iscoscitàre , vrb Definizione camminare meda e a sa lestra Sinonimi e contrari acambitai, iscambaritare Etimo srd.

iscoscóru , nm Definizione èssere a iscoscoros = si narat de unu chi no abbarrat firmu nudha, chi si movet che unu culivúrria (conca de màgiu).

iscosída , nf Definizione su iscosire; genia de foedhada: su ch'essire pala pala, chentza arrespòndhere a tonu, o fintzes su nàrrere cosas chi ofendhent / fàghere i., un'i. 2. chena fàghere carchi iscosida no podides istare… sos irzódhios za no bos mancant! Etimo srd.

iscosidúra , nf: iscositura, iscusidura, iscuxidura, scosidura Definizione su iscosire; tretu iscosiu in su bestimentu Sinonimi e contrari ildrixa | ctr. cosidura Frasi at colatu s'ungra a inghíriu de sa butzaca e li est pàssitu de intènnere un'iscositura Etimo srd. Traduzioni Francese décousure Inglese unstitching, unstitched seam Spagnolo descosido Italiano scucitura Tedesco Auftrennen.

iscosinzàdu , agt Definizione nau de ccn., malegontzu de bestimentu, chi dhu portat totu iscosiu o iscorriau Sinonimi e contrari istratzolau Frasi muzere mea no at piedade de mi lassare goi iscosinzadu Etimo srd.

iscosíre, iscosíri , vrb: iscusire, scosiri Definizione segare, bogare o tirare su filu cosiu, istacare duas partes cosias apare, isconciare sa cosidura apostadamente o a sola Sinonimi e contrari ildrigire | ctr. cosie Frasi dhi fatzo sestare una camisa chi no si dha iscosit mancu su dimóniu! ◊ pigat su trincetu e nd'iscosit totus is itzapuedhus ◊ sos pantalones si sunt iscosidos comente apo fatu irfortzu ◊ neh, iscòsendhe custu sachitedhu ca bollo biri eite dhue tenet aintru! 2. mi ammento sos cumpanzedhos chin sos botes iscosidos Etimo srd. Traduzioni Francese découdre Inglese to unstitch Spagnolo descoser Italiano scucire Tedesco auftrennen.

iscositúra iscosidúra

iscòssa , nf: iscrossa Definizione genia de iscutulada forte chi giaet sa currente tocandhodha a manu límpia ca s'iscàrrigat a terra (si unu no est isolau po àteru); abba chi curret a meda; a logos fintzes iscurrentziadura, diarrea Sinonimi e contrari currente 1 / iscurrensa, labina Frasi sa currente daet s'iscrossa 2. s'undha chi che falat, a iscrossa, a cainu che trazat a sa fossa!

iscossàre iscosciài

iscossàre 1 , vrb Definizione trèmere totu, mòvere coment'e portandho s'iscossa de sa currente Sinonimi e contrari iscotzinare, iscutuai, sachedhare, sutrinnare Frasi serreit sos ojos, abberzeit sa buca e, iscossèndhesi a mannu, abbarreit ateterighedhadu (G.Addis).

iscossighinàre , vrb: iscotichinare, iscotighinare, iscotzichinare, iscutzighinare Definizione bogare cotzinas, irraighinare, illimpiare unu terrenu de sa cotzina Sinonimi e contrari irmucronare, sconchedhai, scotzinai Etimo srd.

iscossiminzàdu , pps, agt: iscossumizadu, iscuscimignadu, scoscimingiau Definizione de iscossiminzare; chi est totu bogau de pare, nau mescamente de is peis o cambas de unu trastu, chi portat is partes illascadas a fortza de dh'impreare e fortzare Sinonimi e contrari ijoguladu, istracassau, istraessadu, scancarau, scarrabeciau, scarrugau / abbatussiadu Frasi a su moe moe a trazu, cussa mesa l'amus iscossiminzada ◊ no si est iscossiminzau meda, no, a devatu de bestiàmene! ◊ cust'armàdiu est totu iscossiminzadu e sos calassiedhos no bi rezent 2. cussu Diaulemmesu nos at iscussimintzatu totu s'ortu, furanne!◊ sa gianna est totu iscossumizada Traduzioni Francese disjoint Inglese disconnected Spagnolo descoyuntado, desvencijado Italiano dinoccolato, sconnèsso, scompaginato Tedesco schlaksig, lose, verwirrt.

iscossiminzàre, iscossimizàre isconsiminzàre

iscossínu iscortzínu

iscossolàre , vrb Definizione mòvere calecuna cosa (prus che àteru orroca, pedra manna) iscartandhodha totu a inghíriu Sinonimi e contrari irmoventare, iscotare 1, scotzedhai.

iscossolàu , agt Definizione chi no tenet consolu Sinonimi e contrari acoradu, afligidu, atribbuladu, contribbuladu, iscoradu, iscoridu Frasi iscossolau, chene cufortu pranghet sa malasorte Etimo srd. Traduzioni Francese éploré, désolé Inglese disconsolated Spagnolo desconsolado Italiano sconsolato Tedesco betrübt.