A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isolaméntu , nm Sinonimi e contrari assolamentu, isoladura.

isolànte, isolànti , agt, nm Definizione chi ísolat, nau prus che àteru de materiale chi impedit de tocare calecuna cosa (es. filu) e chi no lassat passare s'elétricu (o fintzes àteru, es. caente, umidore); chi agguantat una cosa o a unu seberau, istacau, abbandha, chentza tratamentu cun àteros / nastru i. = tira de materiale plàsticu chi serbit a imboligare e isolare filu elétricu in carchi tretu Traduzioni Francese isolant Inglese insulating, insulator Spagnolo aislante Italiano isolante Tedesco isolierend.

isolànu , agt, nm Definizione chi pertocat un'ísula, chi o chie bivet in o est de un'ísula.

isolàre isolài

isòlbere , vrb: isòlvere, isòrbere, isòrvere, isòvere, issòrbere, issòrvere, ixòvere Definizione iscapiare cosa acapiada, bogare de pare is càbudos de un’acàpiu o nodu; iscagiare, nau de cosa tostada chi torrat a lícuida; acabbare un'incàrrigu, nau pruschetotu de organísimos fatos de gente votada / pps. isoltu; ibue ch'est isoltu? = a ue s'est imbertu? aundi est andau? Sinonimi e contrari ilgiobare, illiare, isprèndhere, scapiai / sòlbere | ctr. acapiae, prèndhere Frasi isòrbere unu nodu, una fune, un'animale ◊ isolvesit sas presuras de su pacu e lu abberzesit ◊ no resessit a ixòvere un'àinu dae sa lóriga 2. sos montes si ant a isòlvere che sale ◊ s'oro isoltu ◊ sa cosa fit ixovèndhesi che néula ◊ sa gherra lis issorviat sos sentitos in su lutrau 3. su cussizu pro lege s'ixoviat ca deviant fàghere votassiones noas 4. de candho ispricaiat su faedhu e isorveit sos primos passitos a pagu a pagu si fateit mannu Etimo srd. Traduzioni Francese défaire, dénouer Inglese to untie Spagnolo desatar, derretir, disolver Italiano sciògliere, slacciare, slegare Tedesco lösen, aufschnüren, losbinden.

isolbidólzu , nm: issorbidorzu, ixorbidórgiu Definizione aparíciu po fàere filu a madassas Sinonimi e contrari àspia, aspu 1, impilóriu, naspa, solvidorzu*, trobidógiu Frasi apustis de su laminóngiu, sa lana si filat e de su fusu andhat a s'ixorbidórgiu Terminologia scientifica ts, ans.

isoletàu , agt Definizione chi est pagu giustu de conca, de crebedhera Sinonimi e contrari isteuladu, istoladu, istónchinu, stolocau Frasi mi che seo dépia fuire, crupa de sas brullas macas de bisàteros isoletaos (C.Frau).

isolicradúra , nf Definizione su isolicrare, su ispuntare is origas Etimo srd.

isolicràre irdoricràre

isolocàdu , agt: sciollocau Sinonimi e contrari abbambanau, ballalloe, braballu, sciallocau, scimpri Frasi est isolocadu ca no connoschet su passadu sou!

isolócu , nm Definizione dannu mannu Sinonimi e contrari desacatu, destrossa, isciarrocu Frasi oh, falche messadora, s'isolocu già l'as fatu in Bonorva totinduna! ◊ sa pobidha, inténdhiu s'isolocu, che curret e biet comente che fiat orrutu su pobidhu.

isolócu 1 , nm: issilloco Definizione bentu chíxinu Sinonimi e contrari solopu*, traessale.

isololtiàdu , agt Sinonimi e contrari agiagarau, assulugliadu, salarzadu.

isòltre , nm, nf: isostra, isostre, isostro, isostru, soltre*, zostre Definizione su logu chi abbarrat, in sa domo, asuta de sa teulada in mesu cun s'úrtima bòveda o s'úrtimu taulau, e inue si chistit fintzes cosa Sinonimi e contrari desvanu, istàulu, pitzigedhu, pitzusostru, salàgiu, sobàriu Frasi in sa domita bi at un'isostru a tauladu, ube su note drommint sos pisedhos Terminologia scientifica dmo Traduzioni Francese mansarde, grenier Inglese mansard, attic Spagnolo desván Italiano mansarda, soffitta Tedesco Mansarde, Dachboden.

isóltu , pps, agt: isortu, issoltu, issortu Definizione de isòlbere; chi no est acapiau Sinonimi e contrari ispresu, scapiau, sciólliu / sortu | ctr. acapiau, presu / cazadu 2. aio tancatu sos ocros e su dolu si mi fit issortu che ozuseu Traduzioni Francese délié, défait Inglese untied Spagnolo desatado, derretido Italiano sciòlto, slegato Tedesco los, gelöst.

isoltúra , nf Definizione su iscapiare nodos o àteru acàpiu Sinonimi e contrari isorbidura Etimo srd.

isòlvere isòlbere

isolzighedhàre , vrb Definizione coment'e bogare o tròchere s'ógiu, nau in su sensu de isfrutare, leare sa sustàntzia a calecuna cosa (o a ccn.) Sinonimi e contrari issustassiare Etimo srd.

isombessàdu isambesciàdu

isopàre , vrb Definizione fàere isopu, crepare, apèrrere a crepadura Sinonimi e contrari cherpai, ciopai, isciopai Frasi e tue cres chi deo m'isopo si faedhant a dortu e a rugadis? ◊ isopadu chi siat! Etimo srd.